" أبيها ياسعُود لو إنها عذابي "

البارت 20 والاخير

عند عبدالعزيز وشوق
عبدالعزيز: اسف ياعيني انتي
شوق : انا اللي اسفه سامحني
عبدالعزيز : هو انا اقدر ازعل منش عشان اسامحش
قاطعهم دخول سعود وهو يقول لاوالله وانا انسحب علي ؟
عبدالعزيز : افا حد يسحب عليك
سعود : انسحب علي وانتهى
شوق : شدعوه تغار ياسعود
سعود : لا ما اغار حبيت اقول لكم بنطلع بكره
عبدالعزيز: اخخ تدري اني ماحب المستشفى
شوق : احس بدري توه تعبان
عبدالعزيز: من قال اني تعبان؟
شوق : انا اشوف محد قال
سعود بضحكه : هو تعبان حب صدقيني
عبدالعزيز: صادق والله
شوق اللي كانت تسوي مخدة عبدالعزيز وتقول ارتاح زين خل عنك الكلام
سعود : حبيت الحياه الزوجيه شكلي بتزوج
عبدالعزيز: لاتنخدع ترا هم زعاج ويغثون الواحد
شوق بعصبيه : قدها ؟
عبدالعزيز بضحكه : لا لا من قال اني قدها
سعود : انا بطلع وبخليك معها تمردغك صح
عبدالعزيز: لاتخليني ياعضيدي
ولكن طلع سعود وترك عبدالعزيز عند شوق
شوق : اجل حن هم ؟
عبدالعزيز: لا شدعوه نمزح انتي الحب كله
شوق : تحبني ؟
عبدالعزيز: لا
شوق : انقلع حتى انا ما احبك
عبدالعزيز:
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير
شوق : يالبيه طلعت رومنسي
عبدالعزيز: من يومي بس انتي كنتي عمياء ماتشوفين
شوق بضحكه ماعرفت لك والله
-
بدون اي حدث مهم يوم جديد واليوم اللي الكل ينتظره من ثلاث سنوات عبدالعزيز بيطلع وبيرجع بينهم
شوق : عبدالعزيز لاتتحرك بقوه انا بجي اساعدك
سعود : ياحظك والله من قدك حد يدلعك كذا
عبدالعزيز: اي والله ياحظي
قاطعهم تركي : خلاص غزل انت وهو يلا امشو
-
عند البنات
اديم : بنات انا سويت الحلا
وجدان : وانا سويت القهوه
رهف : وانا سويت المكان عشان عبدالعزيز
وعد تسكت تركي اللي يبكي  ياحبيبي انت
خلاص
تركي : لبيه ياعيني
وعد بصدمه : وجع
تركي ضحك وقال ترا قد عبدالعزيز في الصاله

-
في الصاله
الجد عبدالله : الحمدلله على سلامتك ياولدي
عبدالعزيز: الله يسلمك
عبير : بسوي لك اكل
عبدالعزيز: لا مابي مالي نفس بنام
شوق : عبدالعزيز اكل لو لقمه
عبدالعزيز: مابي والله
شوق : اجل تعال اوديك الغرفه
تركي : حد يحتاج مساعده ؟
عبدالعزيز: وانت شتبي فينا
فيصل : وهو صادق ليش حاشر نفسك بينهم
تركي : افعل خير تلقى شر

-

في الغرفه
عبدالعزيز: شوق ابي ماء
شوق : من عيوني
عبدالعزيز: يالبيه اذوب والله
شوق : عزوزي
عبدالعزيز: عيدي عيدي ؟
شوق بتوتر : وش اعيد
عبدالعزيز: اسمي
شوق بضحكه : عزوزي
عبدالعزيز: ياحلو اسمي منش والله
شوق : كفايه دلع يلا نام وارتاح وطلعت
-
مشعل : عبدالعزيز اقعد ياولدي
ريم : عزوز تعال عندي ياماما
فيصل : ياخي شغله ذولا البزران
الجد عبدالله : فيصل وانت ماودك بزواج ؟
فيصل : الا ودي وعندي وحده
الجد عبدالله: ومنهي ياولدي
عبدالرحمن : منهي انشاءالله وحده معروفه
فيصل : اي اي معروفه معليك
وصايف : انطق ياولدي
فيصل ببتسامه وهو يناظرها ونطق : وجدان
الجد عبدالله : والله انك اخترت الشخص الصح ياولدي
عبدالرحمن : وين بنلقى مثل وجدان
وجدان اللي مصدومه
فارس : هاه يابنتي وش رايش
الجده فاطمه : قولي رايش الحين يابنتي لاتستحين
طال سكوت وجدان
ريم بصوت خافت : انطقي
رهف : وجدان شفيش
الجد عبدالله: هاه يابنتي
وجدان بتوتر وخوف اللي تشوفونه
الجد عبدالله: اجل مبروك ياولدي منك المال ومنها العيال
وبدو يباركون لها
تركي : وانا طيب
الجد عبدالله بضحكه: وانت وش ؟
تركي : ابا اعرس
طلال : من بتتروجك وانت خبل مب صاحي
تركي: هي مثلي خبل يعني بتوافق
سعود : والزواج في مستشفى مجانين
تركي : حدك عاد
خالد : هاه يولدي من ؟
تركي : من غيره الخبل في العايله طبعًا وعد
وعد بشهقه : انا الخبل ؟
الجده فاطمه : يابنتي مفروض تستحين مب تهاوشينه
وعد : بس يجده يقول عني خبل
عبير : والله انه صدق انكم مب صاحين
فيصل : حلو الزواج مثل ماقال سعود
وعد : اسكت انت بعد
الجد عبدالله : وش رايش يابنتي ؟
وعد اللي سكتت وماردت
فارس : يابنتي من اليوم تهاوشين الحين ماعاد رديتي
حصه : مستحيه البنت شفيك
ريم ردت بدال وعد : موافقه ياجدي بس مستحيه
الجد عبدالله : اجل على بركة الله الف مبروك ياعيالي
تركي : الله يبارك فيك ياحظش ياوعد فيني
وعد : وش ذي النرجسيه وع
ضحكوا كلهم لان وعد ماردت يوم سألوها بس دام فيها هواش بدا يطلع لسانها
قاطعهم دخول الهنوف
شوق : الهنوف ؟؟؟؟؟
التفتو كلهم بصدمه
الهنوف : افا ياهلي خنتوني رحتو وخليتوني
الجد عبدالله: ارحبي يابنتي ارحبي
وابتدو يسلمون عليها
ريم اللي كانت عارفه انها بتجي بس تبي تسوي لهم مفاجاة
شوق : ريم صح انش عارفه انها بتجي ؟
ريم بشهقه : انا ؟؟ لا مستحيل
وعد : والله انش عارفه خلي الكذب
مشعل : ياخي زوجتي كفو جاحده عليكم كلكم
وعد : على اساس مب جاحده عليك بعد
مشعل: صح نسيت بس تمون ام عبدالعزيز

-

بعد العشاء نامو الشياب والنسوان الا العيال والبنات
الهنوف ركضت على عبدالعزيز وحضنته بقوه
عبدالعزيز: اخخ بطني بشويش
شوق قامت وضربتها : الهنوف بشويش عليه وجع
عبدالعزيز استانس وبدا يتوجع اخخ يدي بطني
شوق : الهنوف وابعدي عنه اوجعته
الهنوف بعدت ونطقت كذاب مافيه شي
شوق : شتبين من زوجي ؟ خليه تعبان
عبدالعزيز: وهي صادقه شتبين من زوجها ؟
الهنوف : والله انكم كلاب
وجدان : شوق سوي شاهي مشتاقين لـ شاهيش
شوق : ابشري
عبدالعزيز قام
سعود : وين
عبدالعزيز: بروح مع زوجتي
تركي : ذا مب صاحي والله اركد ياخي
شوق : كيفه يبي زوجته
عبدالعزيز: اي كفي
راحت شوق وراها عبدالعزيز
الهنوف : ذا مب صاحي
تركي : الحب الحب
سعود : اي صح ياحب المجانين
وعد : سعود انت تبي حد يمرذغك ؟
تركي : اوووهه زوجتي المستقبله كفووو
وعد : كفوك الطيب زوجي المستقبلي
سعود : اقول اسكتي انتي وهو لا امردغكم انا صدق
-
عند عبدالعزيز وشوق في المطبخ
شوق : عزوزي حط الاكواب
عبدالعزيز: تعبان
شوق : بلا دلع وقوم
عبدالعزيز: عشانش زوجتي بقوم
شوق : ياحظي والله
-
الهنوف : بدري مب شاهي ذبيحه
شوق : وانتي وش دخلش
فيصل : احسب انكم تسون عشاء مب شاهي
عبدالعزيز: مسوي تنكت انت وجهك
سعود : ياخي كيفهم شتبون فيهم
عبدالعزيز: ويلومني فيك ياعضيدي ياحبني لك صدق
وعد : وع
عبدالعزيز: وش وش ؟
وعد بخوف : ولا شي
تركي : وانت وش تبي بزوجتي المستقبليه
عبدالعزيز: انتو منجدكم بتزوجونهم ؟
سعود : شنسوي الله يعين بس
مشعل : عبدالعزيز عطنا قصيده تكفى
عبدالعزيز : لا مالي خلق
شوق : عزوزي تكفى يلا نبي قصيده
عبدالعزيز: ابشري ياعيني بس
مشعل : اللي سويته هذا وشهو ؟
عبدالعزيز: وش؟
مشعل : انا اطلبك وترفض وذي تقول عزوزي تقول ابشري
عبدالعزيز: ياخي خقيت
مشعل : والله انك مب صاحي
عبدالعزيز اللي يناظر شوق ونطق:
إنزل القلب و آمر ما به الا حلالك
أشهد إنه حظيظ اللي غدى لك مقام
ما يسد بمكانك غيرك احدٍ بدالك
بانيٍ لك قصور و بانيٍ لك خيام
عقب رمضا زماني جيت ادور ظلالك
بل ريقي بقربك عقب طول الصيام
كل شيٍ تبسم يوم لامس دلالك
و كل نار كوتني منك صارت سلام

وكذا خلصنا البارت 20 والاخير اتمنى يعجبكم
(استغفر الله واتوب اليه )
استودعتكم الله
الكاتبه : شوق اليامي✍🏻❤️.