عند البنات
قاطعهم دخول وصايف : ريم يابنتي تعالي ابوش يبيش
ريم : ابشري يمه جايه
راحت ريم والبنات كانوا يتساءلون
رهف : ليش شنو يبي فيها
الهنوف : ترا سمعت ابوي وخواني يبون مشعل لـ ريم
وعد : شفيكم هذا شهر الزواجات
شوق : معليكم بس ريم تحب مشعل بتوافق
-
في غرفة عبدالرحمن وصايف
عبدالرحمن: يابنتي ولد عمش مشعل خاطبش وانا اقول يابنتي البنت لولد عمها ومشعل كفو ونعم فيه وش رايش يابنتي
وصايف: فكري زين ترا مشعل رجال مافيه كلام
ريم وهي مستحيه : اللي تشوفونه
عبدالرحمن: يعني موافقه
وصايف بضحكه : اي اي موافقه يابو فيصل بس مستحيه البنت
عبدالرحمن: الله يوفقش يابنتي
-
عند العيال
تركي : مشاءالله مابغيتو واحد يعرس نبي اجواء فرح
فيصل : من الحين انتبه لاختي لا امردغك
مشعل : اي صح انا مشغول الحين عند اذنكم بخليكم ي العزابيه
طلال : منجده ذا الحين قلب علينا
دخل عبدالعزيز اللي كان ضايق وراه سعود
تركي : تعالو مشعل خاطب ريم
سعود : صدق ؟
تركي : اي الحمدلله اجواء فرح وعاد شوق بعد الله فرحين
عبدالعزيز اللي رفع صوته خلاص ممكن تسكتون ولا اطلعو برا
طلال : عبدالعزيز ماله داعي تخش علينا اعترف انك تبا شوق
تركي : ايش؟
طلال: اي عبدالعزيز يحب شوق ودها بها
تركي : اجل ليش ياعبدالعزيز سكت ليش تخليها تروح لـ غيرك دامك تبيه ؟ انطق ياعبدالعزيز
عبدالعزيز بعصبيه : من قال لكم اني اباها هي اختارت حياتها البه يوفقها واطلعوا برا
سعود: خلاص ياعيال اطلعوا
طلال: لين متى يعني لين متى تسكت وتخليها تروح لـ غيرك ياعبدالعزيز لاتكابر وانا اخوك لاتكابر بتتوجع واجد
وطلع طلال وهو ضايق لانه كان يبي أديم بنت جارهم بس كان يكابر حتى يوم خطبها ولد خالها حس ان قلبه طلع من مكانه بس اديم ماوافقت وهذا الشي اللي خلها يرتاح اما عبدالعزيز راحت عليه شوق
-
عند البنات
الهنوف : هلا هلا ب العروسه الحلوه
وجدان : ياحلوها حلواه زوجة اخوي
وعد : الحين يصير امردغش اكثر
ريم : بشويش بشويش وش دراكم اني وافقت؟
شوق : لانه كان واضح انكم تحبون بعض
ريم بشهقه : منجدكم ؟
رهف : اي واضح ترا المهم انا اخت العروسه لازم اشتري فستان فخم
الهنوف : اقول اسكتي مابعد حددوا الزواج عشان تتكلمين
ضحكوا البنات على حماس ريم الا شوق اللي كانت تهوجس هي اختارت الشي الصح او لا هل عبدالعزيز يحبها ولا بس عشان مايكسر كلمة جده ؟
-
عند النسوان
الجده فاطمه: الف الف مبروك والله يوفقهم ويسعدهم
وصايف : اللهم امين ياعمه
عبير : اللهم امين وين بنلقى احسن من ريم
وصايف: تسلمين ياعبير وحن وين بنلقى احسن من مشعل رجال والنعم
قاطعهم دخول البنات اللي يتهاوشون من يسوي الغداء
الجده فاطمه: شوق وريم مايدخلون المطبخ اليوم
الهنوف : ليش يمه هم يعرسون وحن نكرف
ضحكوا شوق وريم اللي قاعدين عند الجده فاطمه وراحوا البنات يخلصون الغداء
