" أبيها ياسعُود لو إنها عذابي "

البارت 8

عند البنات
رهف : ريم ترا الملكه يوم الخميس
ريم بتوتر: يمه تكفون
الهنوف : معليش حن معش لاتخافين
اديم وعد اللي كانو في المطبخ يسون شاهي
اديم : متى بيجون يخطبون شوق
وعد : مدري بس اتوقع بكره
اديم : الله يوفقها
قاطعهم دخول طلال وتركي يتهاوشون كالعادة بس طلال دخل المطبخ وتركي عند الباب
طلال اللي شاف اديم ونطق : اسف ماكنت اعرف ان فيه احد
اديم اللي تغطت : عادي حصل خير
طلع طلال وكان يهوجس تركي : ولد شفيك
طلال : شفتها شفتها
تركي : لعب فيك ذا الحب

-

عند البنات وتحديدا في غرفة الهنوف
وعد : سوينا لكم احلى شاهي
الهنوف: تسلم يدكم اديم شفيش تهوجسين
وعد : ابد شافت الحب
أديم بشهقه : وعدد
وعد : شفيش ماقلت شي
الهنوف : خلاص اسكتوا نبي نفكر من يودينا بكره
ابوي مراح يخلينا نروح الا مع عبدالعزيز
شوق : لا مو كيفهم نروح مع تركي
قاطعهم صوت عبدالعزيز اللي كان ينادي الهنوف الهنوف
وجدان : روحي ي الهنوف عبدالعزيز يناديش
الهنوف : لاوالله خايفه
رهف : خليه يراضيش نبي السوق
طلعت الهنوف له ونطقت هلا
عبدالعزيز اللي تقدم وحضنها وقال اسف ي احلى عمه
وربي كنت معصب ما كنت اقصد ولا انا قلبي يقدر يطاوعني اعصب عليش ؟
الهنوف: بس انا ماسويت لك شي
عبدالعزيز: ادري ادري ي الهنوف اسف وبعدين جبت لش مفرحات ولا ماتبين
الهنوف اللي شافت المفرحات وقالت ابد ابد رضيت
ضحك عبدالعزيز وعطاها المفرحات ونطق رضيتي ؟
قالت انا اقدر ازعل منك اصلن ودخلت

-

عند البنات
وعد : اخخ اخوي ذوق
اديم : اجل خليه يعصب كل يوم عليك
رهف : اي تكفين ي الهنوف
شوق : انا بروح لامي اشوف من يودينا
البنات تمام
اديم : وانا بروح البيت
البنات : ليش اقعدي تونا
اديم : مره ثانيه انشاءالله
وادعوها البنات وطلعت

-

في الحوش تركي وطلال
طلال : كان يلعب يرش ماء على تركي
تركي : وجع طلال اهجد
قاطعهم طلوع اديم من البيت
طلال : بتروحين لحالش؟
اديم : اي عادي البيت مو بعيد
طلال: ولو بوديش انا
اديم : مايحتاج لاتتعب نفسك
طلال: لا مافيه تعب يلا تعالي
تركي وقف مصدوم راح وخلاني مو منجده

-

عند النسوان
حصه : شوق بيجون جابر واهله بكره
شوق : طيب نبي السوق بعد المغرب
الجده فاطمه: محد موديكم الا عبدالعزيز ولاجدكم بيرفض
روحي لـ عبدالعزيز قولي له
شوق اللي كانت تبي السوق ومايهمها لو يوديها عبدالعزيز طلعت متجهه لقسم العيال
شوق دقت الباب
فيصل : من
شوق نطقت انا شوق ابي عبدالعزيز
عبدالعزيز اللي كان وده يقول لبيه لبيه ياعروق قلبي
طلع عبدالعزيز: هلا شبغيتي
شوق : جابر واهله بيجون بكره ونبي السوق والجدي رافض نروح مع حد غيرك
عبدالعزيز اللي كان يناظرها وده يقول احبش ياشوق احبش لاتروحين لغيري بس
عبدالعزيز اللي ضايق اجل رايحه تاخذ فستان ومو انا اللي بشوفها بيشوفها جابر ونطق : ابشري
شوق : شكرا يعطيك العافيه
عبدالعزيز: الله يعافيش

-

عند البنات وتحديدا في غرفة الهنوف
شوق : بنات كلمت عبدالعزيز وافق يودينا بعد المغرب لسوق
البنات بحماس كفو والله
وعد : فديته اخوي حبيبي
شوق : قومي قومي اخلصي وانكتمي

-

عند طلال واديم
طلال: لاتطلعين لحالش مره ثانيه
اديم : تمام يعطيك العافيه
طلال: الله يعافيش

-

في قسم العيال
فيصل : مشعل يعني الملكه يوم الخميس
مشعل : اي يوم الخميس
فيصل : تبيني امردغك تتزوج بدوني ي خاين
تركي : لعب فيهم الحب
فيصل : على اساس ماتحب انت
تركي : اي ما احب
فيصل : واضح واضح
عبدالعزيز: عيال اذن المغرب قومو صلو

-
عند البنات اللي كانو يصلون ويبون يخلصون قبل يتاخرون على عبدالعزيز
وعد : شوق تكفين خلصي عبدالعزيز بيفصل علينا
الهنوف: اي والله ياشوق تكفين
شوق : خلاص بخلص بدري وبطلع قبلكم
وفعلا خلصت شوق وطلعت برا وكان عبدالعزيز ينتظر عند السيارة
عبدالعزيز: اوه شوق وتطلع بدري
شوق : شدعوه ترا ما اتاخر
عبدالعزيز : واضح سكري عبايتش من تحت الحين
شوق: تمام
طلعو البنات واتجهوا لسوق
عبدالعزيز بعصبيه : اخلصو لاتقعدون ساعه كله فستان
شوق: عبدالعزيز شفيك معصب علينا
عبدالعزيز اللي معصب مغبون انه موديها تشتري فستان بتلبسه لواحد ثاني
عبدالعزيز: لا مو معصب بس مواعد العيال ماودي نتاخر
شوق :تمام مابنتاخر
نزلو البنات المحل اللي قدامهم
وعد : شرايكم اخذ لون فستاني اسود؟
رهف : اي اي يصلح عليش
وعد : لقيت اللي صنع لاجلي
رهف : واو والله يهبل
الهنوف : انا اخترت بنفسجي
وجدان: حلو باقي انا وش اخذ لون
ريم : وجدان احس اخذي اصفر بيطلع يجنن
وجدان : تمام وراحت تطلع لها فستان اصفر
اما شوق اللي كانت تبي احمر وتدور لها فستان صنع لاجلها
ريم : انا باخذ ابيض ناعم
وجدان : اي يهبل بيتخرفن اخوي
ريم اللي استحت وجع وجدان
شوق خلصت وطلعت برا
عبدالعزيز واقف يدخن ويناظرها ليت انا اشوف فستانش مو جابر
شوق : عبدالعزيز
عبدالعزيز بدون مايحس على نفسه : لبيه ياعروق قلبي
شوق انصدمت من كلمته
عبدالعزيز بتوتر : شبغيتي
شوق : ولاشي خلاص
عبدالعزيز: انطقي وش ودش به
شوق : كنت بسالك عن جابر
عبدالعزيز : الصراحه ما اعرفه لان كنا صغار وهم انتقلوا لرياض
شوق : احس اني خايفه
عبدالعزيز : انتي بوجهي مايجيش شي انا معش اي شي تبينه انا موجود
شوق : يعطيك العافية
خلصوا البنات وركب عبدالعزيز السياره واتجهو للبيت

  وكذا خلصنا البارت الثامن اتمنى يعجبكم
(استغفر الله واتوب اليه)
استودعتكم الله
الكاتبه: شوق اليامي ✍🏻❤️.