" أبيها ياسعُود لو إنها عذابي "

البارت 6

صباح يوم جديد في بيت الجد عبدالله وتحديدا في قسم العيال
وكالعاده طلال وتركي اللي مايصحون بدري
عبدالعزيز بعصبيه : قم انت وياه لا امردغكم اخلص بنتاخر
فزو العيال من عصبية عبدالعزيز واتجهوا للحمام (يكرم القارئ)
طلال : تركي اخلص بتروش
تركي : ياخي محد ياخذ راحته حتى في الحمام (يكرم القارئ)
طلال: اجل تبي نروح للحلال لحالنا
الجد عبدالله : وينكم فيه اخلصوا علينا
ابتدوا يلبسون ويتجهزون وطلعوا

-

عند البنات
وجدان : بنات اخلصوا بيجون بدري
رهف : ياخي ليش حن نكرف والباقين نايمين
الهنوف : بروح اقومهم
الهنوف دخلت تضرب الباب وتصيح لهم قوموا أبوي بيجي وانتو نايمين
شوق : ياخي بقوم خلاص
وعد : اختك ياعزوز والله ان امردغش ي الهنوف
ريم : الله والاخ قومي بس

-

عند النسوان
الجده فاطمه : قلتوا لـ شوق عن الخطبه ولا
حصه : لاوالله باقي خالد قال اذا تجمعنا بيقول لنا
وصايف : اجل الفطور واحد اليوم
عبير : اي انا بقول للبنات يحطون سفره وحده
راحت عبير للبنات ونطقت يابنات الفطور واحد اليوم
الهنوف : تمام ابشري بنخلص الحين

-

وهم في راجعين من المسجد كانوا كلهم متقدمين عن سعود وعبدالعزيز
سعود: شفيك ضايق يامحزمي
عبدالعزيز: مادري مادري وانا اخوك احس قلبي يوجعني
سعود : بسم الله عليك انطق شفيك
عبدالعزيز: اخخ ياسعود احبها احبها ودي بها تكفى ياعضيدي
سعود : ابشر بي وانا اخوك وقد قلت لك شوق لك خلك منهم
ودخلوا الشياب وكانوا الحريم ينتظرونهم للفطور في الحوش
ونطقوا سلام عليكم
الحريم : وعليكم السلام
وابتدوا يقعدون العيال في صوب والبنات في صوب والشياب فوق
خالد : ودي يايبه اقولك موضوع ولازم رايك وشورك
الجد عبدالله : وش هو ياولدي انطق عسى خير
خالد : خير خير انشاءالله شوق بنتي خطبها جابر ولد حسين جارنا اللي نقل للرياض
فز وهو وده يقول لا ماتروح لغيري بس مايدري عن رايها مايدري اذا هي توده مثل مايودها
سعود اللي ناظر في عبدالعزيز اللي وجهه تغير
واخيرا نطق الجد عبدالله : شوق كانت لـ عبدالعزيز بس دام جاها نصيبها ماحن موقفينه وهو ونعم الرجل وشرايش يابنتي ياشوق
شوق اللي كانت منصدمه ليش ابوها ماقال لها لحالها ليش قدامهم كلهم والصدمه الاكثر انهم كانو يبونها لـ عبدالعزيز
خالد : انطقي يابنتي وش رايش
سعود : اللي نطق وقال ولد عمها اولى بها وانا اشوف يتزوجها عبدالعزيز 
كانت خايفه من كلام سعود لاتتزوج عبدالعزيز وهي ماتبيه ودها تطلع من الديره تبي تحقق احلامها ودها تكمل الجامعه وتصير محاميه
ونطقت شوق : موافقه
الجد عبدالله : الله يوفقش يابنتي
عبدالعزيز اللي قام بسرعه ولحقه سعود
عبدالعزيز عبدالعزيز وقف وقف وانا اخوك بكلمك
وقف عبدالعزيز ونطق بعصبيه : وش تبي قل لي وش تبي
سعود : انا قلت لك مراح تتزوج غيرك وانتهى
عبدالعزيز: بتجبرها علي هي ماتبيني ماتبيني ياعضيدي
سعود: مب كيفها بترضى فيك غصب عنها
عبدالعزيز اللي قعد بعيد من البيت وقعد يدخن وهو يفكر بتروح لغيري وحبي وحبي لها

-

عند البنات وتحديدا في غرفة الهنوف
ريم : شوق منجدش بتتزوجين ؟
شوق : ليش انا اول ولا اخر وحده تتزوج
وجدان: بس عبدالعزيز يحبش ياشوق
شوق : مابينا شي ياوجدان جدي كان يقول وحن اطفال وانتهى الموضوع
طلعوا البنات وخلوها لحالها

-

عند الشياب بعد ماطلعوا العيال
خالد : ياحصه كلمي الحرمه يجون على حسب الاصول
حصه : انشاءالله خير
الجد عبدالله : دام كذا خلو الفرح فرحين وشرايكم في مشعل وريم
فارس : انا ماعندي مشكله بشوف مشعل
عبدالرحمن : وانا ماعندي مشكله بشوف ريم

-

مشعل كان يحب ريم حتى وهي صغيره كان دايم مايرضى حد يقول لها شي يحس قلبه يفز كل ما شافها
ريم كانت تحس بشعور اتجاه مشعل تحسه الشخص الحنون اللي تذكره حتى وهي صغيره كيف كان يدافع عنها
بس مافيه يوم من الايام فكروا انهم يصيرون لبعض او انهم يعترفون بمشاعرهم

-

في قسم العيال
فارس : تعال يامشعل ابيك
مشعل : لبيه يايبه جايك
فارس : بكلمك في موضوع وانا يولدي اشوفه الصح الشي اللي مفروض يصير
مشعل بخوف : وش يبه
فارس : تنزوج ريم بنت عمك عبدالرحمن
مشعل اللي انصدم وده يقول اي والله ابيها
ونطق اللي تشوفه يا يبه
فارس : يعني موافق
مشعل : اي موافق

-

عند عبدالعزيز اللي الديره كلها ضايقه فيه ومو قادر يتنفس
سعود رجع لـ عبدالعزيز اللي تركه عشان ياخذ راحته
ونطق شحالك ياعضيدي
عبدالعزيز: ياسعود لاتنشد عن الحال ياسعود
سعود : اسين عليك وانا اخوك انا قلت لك ماتروح لغيرك انت رفضت رفضت اتدخل
عبدالعزيز: ياسعود نطقت نطقت قالت موافقه ياسعود حتى ماناظرت عيني
سعود : معوض معوض ياخوك
عبدالعزيز :خليته لغييري يا سعود دامه يبتسّم معاه وانا اكثر شخص بالدنيا تمنييته

-

في بيت الجد عبدالله وتحديدا في غرفه عبدالرحمن وصايف
عبدالرحمن : مشعل ولد اخوي فارس خاطب ريم وانا اشوف مافيه احسن منه ولد عمها وبيصونها
وصايف : وانت صادق بس لاتنسى باقي ناخذ راي ريم
عبدالرحمن : ابد ناديها لي
وصايف : ابشر

وكذا خلصنا البارت السادس اتمنى تعجبكم
(استغفر الله واتوب اليه)
استودعتكم الله
الكاتبه : شوق اليامي✍🏻❤️.