ياوطن قلبي

Part 6

راحو وذيب واقف يشوفهم نطق بعد كم ثانيه: بهاج معقوله كان يكذب يوم قال ان عياله ماتو ذبح عياله وهم حيين!
بهاج: اذكره قال انهم ماتو وكان يبكي ومعها ولده الصغير ، سكت شوي ونطق: الا وينه ؟
ذيب وهو متوجهه للسياره : عند واحد اسمه عبدالعزيز ال سليمان كان صديق خالي فراس تذكره كانو يسهرون مع بعض تذكرهمم كان يجي عندنا هنا اسم ولده برق
بهاج: ياربي الله يجمعهم على خير
ذيب: خليه على ربي ربي يحلها ان شاء الله
-
في حائل
تحديداً بيت ام سطام
غرام: ماما ياخي ليه طيب وش بتستفيدين؟
مريم ام سطام: وانتي وش دخلك جهزي لغراضك وانتي ساكته
غرام بحزن: طيب ماما ليه !
لفت مريم بعصبيه: قلت لك قوم جهزي اغراضك لا اقص لسانك
غرام بعصبيه : قصيييه يلاا انتظرك، بعدين من قالك بروح معك مابيييي!
مريم: بنت والله ما سكتتي ان اذبحك هنا انطمي وروحي غرفتك، بنروح الرياض ناخذ ريوف ونروح لـ دبي عند ابوك
غرام بقهر: ياخييي مابييي مابيي ما تفهمني ابي اقعد هنا وبعدين وش ذي الام الي تكره عياله مريضه انـ
قاطع كلامها كف من امها صرخت بصوت عالي :امش قدامي رتبي اغراضك وعلى السياره معك ساعه وحده يلااا
قامت غرام ترتب اغراضها بحزن وبعد ساعه طلعت مع امها واخوانها الصغار مهند و نادر
مهند : ماما وين بنروح
مريم : بنروح لبابا حبيبي
غرام بصوت خفيف: حبيبي اجل
لف مريم: قلتي شي
غرام لفت وجهها لنافذة السيارة : صادق بتسوين الي قلت لي اليوم؟
مريم: ايه وصامله على رايي بيتي كيفي!
غرام ووجها على النافذه: انتي اغرب ام شفتها بحياتي
بعد كم دقيقه وقفو عند المطار
-
كانو بالحوش الخارجي متجمعين احفاد ال سليمان
كان سطام نايم على رجل ملهم بتعب تقدم الجد يجلس عندهم: السلام عليكم ي عيالي
ردو كلهم السلام جلس الجد
ملهم: هيثم جب مخده وفروتي من الغرفه رجلي توجعني نايم بعمق ذا
قم هثيم وكلها ثواني ورجع ومعها الي طلبه ملهم
قم ملهم وحط المخده عند راس سطام وبعد ساعتين تفرقو ما بقى الا سطام النايم وسعود و خالد وفارس
خالد : شكلي بجيب فراشي وانام عند سطام
فارس: انا بعد الجو حلو مرهه
سعود: بقوم اخذ ورعاني وروح شقتي احسن من القعده عندكم
فارس بمزح: فكه الحمدلله
تقدم سعود ورفسه: كلب انت وقدامي بعد
طاح فارس يضحك دخل نواف وتركي معهم هيثم جايين من برا جلس تركي ونواف تقدم يشوف سطام
لمسه فز سطام نواف بخوف: بسم الله عليك
جلس وشعره طاير ونطق بصوت مبحوح وكله نوم: كم الساعه؟
رفع فارس جواله : الساعه ياطويل العمر ٢:٤٥
نواف بطقطقه: الحين يسالك صبح ولا ليل
ناظر فيه سطام بطرف عين: اخخ بس لو يدي ما تعورني كان وريتك الشغل.
نواف: ما تقدر تسوي شي انت وشوشتك ورا ما تحلق
سطام : وش دخلـ
قاطع كلامه صوت
: ي ولد فراس
لفو كلهم وكانت مريم ام سطام ، نط نواف بشوق بس قبل لا يقرب لها نطقت بصرامه : ابعد وبعدين من سمح لك انت واخوك تاخذون مفتاح بيتي؟
نواف بصدمه: يمه!!
مريم: البيت ذا بيتي وباسمي ومحد سمح لكم تدخلونه
سطام ببرود:وحنا عيالك على فكره
مريم بصوت عالي : انا ما عندي عيال الا مهند ونادر
رجع نواف بصدمه تقدم تركي واخذه داخل
نطقت بعد ما دمرتهم بكلامها: ريوف وين خلوها تطلع
تقدم الجد سليمان الي قام مـن إزعاجهم: محد طالع من بيتي الا انتي توكلي ولا عاد اشوفك تزعجين احفادي
مريم : احفادك بقلعتهم ..ابي ريوف خلوها تجي ولا ابوها بيجي باخذها؟
الجد سليمان بصرامه: كل الي ببيتي احفادي! ومحد يقدر يطلع احفادي الا برضاي واذا ما طلعتي من بيتي الحين بتدق على الشرطة
مريم ببرود : دق الله يقويك انا جايه اخذ بنت زوجي وامشي
الجد سليمان بتفكير : بطلع البنت تبي تروح معك الله يستر عليها ما تبي بدق على الشرطه ان ما طلعتي
ابتسمت بخبث: اذا ما راحت معي اخوانها بينامون بالشارع مالهم بيت يضفهم
نطق سطام بكرهه: خليننا ننام بالشارع من زين بيتك عاد هاه ، وشات المفتاح عند راجلها : خوذي وانقلعي بالله انتي ام مدري كيف انتي ام مدري وش غيرك ترا انتي الي جبتينا بكامل الرضاء من فراس محد جبرك وبعد سنين تتركون بعض انا واخوي وش ذنبنا !! وش ذنبنا ان مريم وفراس يتزوجون ويخلفون ويرموننا بعد ما يطفشون .. ريوف ما بتطلع من هنا لو تحبين السماء وترجعين توكلي لزوجك مع، نطق يقلد كلامها( عيالك مهند ونادي) جعلك بحريقه
مريم: بتطلون ريوف ولا ابحرقكم
نطق سعود بعدم صبر: احرقي مسوي قويه توكلي بس حتى عيالك ما يبونك يلا يلا برا لا ادق على الشرطه
مريم بحقد: انا اوريكم والله لا ادمركم
-
سطام بعصبيه: اقول خلاص انتي نطقتي بفمك ما عندي عيال غير مهند ونادر خوذيهم واذلفييي ريوف ما بتطلع من هناا وابوها انا بنفسي مستاذن منه ناخذها وما قال شي
لفت تطلع وهي منقهره كانت تبي تزوج ريوف لـ عزيز بسبب وعد بينهم