ياوطن قلبي

Part 9

~ ياوطن قلبي ~

عند سطام الي الصداع لعب فيه لعب كان منسدح على رجل فيصل ونايم بينما المجلس كله ازعاج
تقدم الجد سليمان يلمس راس سطام: والله شكل عليه حراره
فيصل:اي جدي تبين اوديه المستشفى
ريان الي كان قريب منهم: اقرب مستشفى يبعد ٤٠ دقيقه
فيصل: يساتر يبعده !
الجد سليمان: خله بسال ابراهيم فيه غرفه قريب تجي هدى تشوف حرارته
راح الجد وبقى فيصل عند سطام ، نواف ومعها تركي على طول عرفه على كل الي بالديره تقدم مشعل: تركي هد شوي لا اسطرك
تركي بضحك: اح لييه ترا بس ضربتك
مشعل: لا والله بس ضربتني؟
نواف بضحك: شدعوه سامحه عشانيي بس
مشعل ببتسامه: عشان نواف بس ولا كان دفنتك هنا
-
رنا بهمس ل ميلاف: تخيلي ذي نزلت من سيارة ملهم
ميلاف بكرهه وهي تهمس: منهي هي اصلا اول مره اشوفها
رنا : وش دراني بس ما حبيتها احسه راعية عيال
لمى كانت قريب منهم بهمس: وجع انتي وهي انطمو لا اتوطاكم
نور لـ ريوف: ايوه اخبارك
ريوف : تمام الحمدلله
نور بفضول: من وين واهلك مين وش اسمك وكم عمرك
ريوف بضحك: اسمي ريوف محمد ال عايض عمري ٢٢ من حائل، اي استفسار ثاني؟
نور بستهبل: متزوجه ولا متطلقه
ريوف ضحكت من سوالها الغريب: لا متزوجه!
لميس : ريوف امسكي
لفت ريوف وكان جوال لميس اخذتها تحطه على اذنها
ملهم: ليييه ما تردين على جوالكك!
ريوف بهدوء: جوالي دقيقه
بدأت تدور حولها ورجعت الجوال على اذنها: مو معي يمكن بالسياره
ملهم بعصبيه: ريوف اطلعي اطلعي بسرعه ابي اسالك
ريوف بهدوء : تمام
نزلت جوال لميس وقامت استوعبت انها ما اخذت ثوبه فتحت باب الحريم وكان قدامها لف يناظرها : على ذي النظرات بتحسبي ما بهاوشك
ريوف وهي تميل راسها والطرحه على كتوفها: نسييت ياخي
ملهم بتنهيده: ياخي وش اسوي فيك انا ما اقدر اسوي شيي بس وشلون بروح للرجال ببدلتي ذي؟
تقدمت ريوف تحاوط رقبته: اسففه والله نسيت يعني كان عندي شغل
نزل يده يشد على خصرها : ياخي احبك رغم برودك
نزلت يدينها تضرب صدره: خيير ماني باردهه !
ضحك لانه استفزها وهو يحب يستفزها: اي بارده بقوه بعدد
دفته ريوف :وخر وخرر
ابتعد عنها وهو يضحك ما يدري انها زعلت صدق
-
عند البنات
يوم قامت ريوف لحقتها ميلاف بفضول نطقت تكلم نفسها: وين بتروح ذي؟
طلعت ريوف وكان الباب مفتوح طرفه تقدمت ميلاف تحاول تشوف طلعت لمين بس ما قدرت لفت وهي تشوف نافذة مغاسل الحمام تطل على الحوش لفت تشوفهم وهي مصدومه: يع وشفيه ذي تتلزق فيه ماراح يحبك اصلا امه قالت انها لامجاد اختيي!
دخلت ريوف وميلاف واقفه عند النافذه للحين
ريوف بستغراب من وقاحت ذي البنت: وشتبين تراقبيننا؟
ميلاف: الحين انتي ليه تتلزقين بولد خالتي؟
ريوف بستغراب: عفوا ! ومين انتي عشا تحاسبيني؟
ميلاف: هيييه انتي ترا امه قايله انه لاختي امجاد وهو يحبها من كان صغير وماراح يلتفت لوجهك ترا؟.
سكتت ريوف بصدمه ولفت تدخل تقدمت تجلس عند لميس ، لميس شافت وجه ريوف اصفر نطقت بهمس: بسم الله وشفيك لا يكون ملهم زعلك اروح اصفقه
ريوف لفت تناظر لميس بهدوء ونطقت : لا بس مصدعه شوي