ياوطن قلبي

Part 8

~ ياوطن قلبي ~

قاطعهم خروج غرام الي كانت تدور ريوف
غرام: خوفتيني مدري وين رحتي
ريوف وهي تناظر ملهم : ادور جوالي.
غرام بستغراب: طيب لقيتيه ؟
لفت ل غرام وهزت راسها "لا" غرام: طيب امشي يجيبه ملهم.
ريوف لفت لملهم وكان الفضول الف عندها وش يبي يقول ريوف بهدوء: غرام روحي وبلحقك بشوف جوالي واجيك تمام؟
غرام بستغراب من نضراتهم لبعض: تمامم؟
راحت غرام وهي مو مستوعبه نضراتهم دخلت عند البنات نطقت بفضول: بنات ريوف وملهم بينهم شي؟
ضحكو البنات لان لينا توها خلصت كلامها عنهم غرام بستغراب: وشو صدقق اتكلم
لميس ببتسام: اخونا وقع بغرام اختك
غرام بعدم استيعاب: كيف يعني !
حور : يعني يحبها ي فاهيه
ضحكت العنود: حور لقت احد تقول له فاهي
رهف: ياخيي كيوتت ما اقدر ابي ازوجهم !
رغد: عاد ريوف تحبه؟
رفيف بتخمين: احس احس لا !
شذى: شكل بس انا احس مو لايقينن ؟
شهد: انا معك احس ابددد ما توقعت
نوف: يشيخه محد درا عنك انتي وهي احسه تحبهه حتى هيي بناتت وناسه تجهزو فيه عرس قريب
نجد: عاد انا ماعمري جيت عرس عندكم دايم عند خوالي .

كانت تناظره وكأنها تنتظر يتكلم نطقت بعد ما طال صمته: مُلهم ادري ترا
ملهم بصدمه مع هدوء: بـ بوش
ابتسمت ريوف: سمعتك وانت تكلم سطام سمعت كل شي..
ابتسم بعدم تصديق: يعني تدرين وساكته ؟
ريوف بهدوء: مُلهم
ضحك وهو مو مصدق وقرب يحضنها وهي من الصدمه بالدلته الحضن ضحك اكثرر : ريوفيي
ابتسمت ريوف وهي بحضنه: عيون ريوفك
ابتسم وهو مو مصدق : احلفي انه مو حلم
ضحكت وهي تبعد عنه: مو حلم تبي اقرصك
ضحك وكان الدنيا مو شايلته من الفرحه نطق بفضول: كيف سمعتيني؟
ريوف :احد يجلس يفضفض عند النافذه حقت مجلس الحريم؟
ضحك ونطق: الحمدلله اني غبي وفضفضت عند مجلس الحريم ، سكت شوي ونطق: يعني اقول لسطام اني بخطبك؟
ريوف بتوتر: مُلهم دور جوالي بعدين سو الي تبي
ضحك يوم شاف توترها : طيب طيبب!
دخل السياره يدور جوالها بس ماله وجود لف ونطق: مو فيه؟
راحت تركته بضياعه

عند سطام كان جالس مع الجد سليمان يسولفون دخل فيصل بشبه توتر: جدي ياخي فيه سياره من جاء سطام من حائل وهي بس تجي عند بيتهم توقف بس ما تتحرك واذا قربت منها دعس
الجد سليمان: غريب تعال اجلس وانا جدك كنت اكلم سطام نطلع كلنا سفر نغير جو
ابتسم فيصل: ابدد تمم
دخل تركي كان تعبان شوي جلس عند جده : جدي راسي يوجعني وحلقي
سطام بضحك: ياربي تروك قريب اشوف عليك حراره ولا
الجد : اذا عليه ابعد عنه متاعتك بالحضيض انت
سطام بنفس الضحكه: جدي عادي كلها حراره
ضحك الجد : مع يدك تكمل
فيصل بمزح: طقم فاخر مزكم ويده مكسوره
لف تركي ونطق : ضريف فديتك
سطام قرب يحضن تركي وهو يضحك : كفو تدافع عنيي
تركي وهو يدفه: انقلع مابي اعديكك وبعدين دافعت عنك عشانك اخو نواف بس
ضحك الجد وقام يشوف الجده هدى فيصل: الا ملهم وينه؟
سطام وهو ينسدح على الكنب: راح يودي البنات يفطرون ويرجعون
فيصل قرب عند سطام: ياخي طفش
سطام: وش تبي اعطك فعاليه؟
فيصل: ياليت والله
عدل سطام جلسته: تصدق خل نطلع نتمشى بالشارع
فيصل بنضره: الحين هاذي فعاليه؟ ارجع انسدح بس
ضحك سطام: اصلا من قال بطلع عشانك انقلع يلا خل ارتاح لين يجي ملهم