ياوطن قلبي

Part 13

                                  ~ ياوطن قلبي ~

بعد يومين
بعد الفجر
الجد: ي سطام لا تناقشني خلاص قررت انا وكيفي
سطام : بس ي جدي وما ودي تكلف على نفسك
تقدم يضربه بخفه:مامن كلاف اقعد بس هي عزيمه عشان سلامة نواف
ابتسم سطام يبوس راس الجد: يعطيك العافيه ي جد ما قصرت
كانو جالسين بالحوش جلسه عائليه يفطرون
الجد سليمان: اسمعو ي عيال بكره بسوي سلامة نواف اعزمو الي تبون نبي نعزم الحاره بالمزرعه ان شاءالله من زمان ما رحنا وترا بنروح اليله
ابتسم ابو ملهم: ابشر الحين برسل لخواني وابوي
الجد ببتسامه: زين ما تسوي
ابو سعود: ابشر يبه
ابو نايف: بس يبه كيف الحريم وين يصيرون
الجد: ي ابراهيم فكره الله يجزاك خير اقوك بالمزرعه
ابو نايف باحراج: ااهاا مدري ما سمعتك
-
دخل سطام قسمهم بتعب لقي خواته مسوين فطور جلس يفطر معهم ونطق وهو يشرب الشاهي: جدي حلف يسوي عزيمه لسلامة نواف
ابتسمت ريوف : طيب وين المشكله
غمض عيونه بتعب ونطق: المشكله فعايله معي كثييير ومدري كيف ارد له الجميل النسان عظييم
غرام بهدوء: انت طلبت منه لا هو حبك ويبي يعطيك الشخص اذا احب احد ومعها خيير يقدر يسوي اي شي عشان هاذا الشخص
نواف: اخصص والله ي غرام طلعتي حكيمه
ضحك فارس: وش عرفك شكلها صارت تقرا من كتب ريوف
سطام بضحك: ياربي ي كتب ريوف ذي
ريوف بضحك: عاد تدرون مالها دخل كلها روايات
غرام بزعل: يعني اذا سويت نفسي فاهمه طقطقتو علي خييير
ضحك فارس ونطق بمزح: وينه وينه الي يطقطق عليك
ضحكت غرام وقام فارس يحضنها :امزح معك لا تزعلين ي دلوعه
دفته بمزح: وخر بس ماني دلوعه
وقف سطام بعد ما خلصو كلهم يلا انت وهي كل واحد فراشه قامو كلهم الا نواف وغرام نواف كان ياكل وغرام تسولف معها
غرام وهي تغمز له: اخبار لميس؟
نواف بتصريف: مدري ؟
ضحكت غرام : ترا ادري ي خبل
نواف بنفس ضحكتها: وش عرفك
غرام وهي تدهن التوست بالمربى: جتني تصيح يوم اختفيت كان ملهم يسال مين يعرف وينه وقالت لي انك كنت رايح الرياض ليه كنت بتروح؟
نزل راسه بتفكير: ياخي اشتقت لدحوم وهادي
غرام بستغراب: يالله وش جابهم على بالك !!
نواف : غرام وش متوقعه انسى الطفوله والمراهقه بيوم ويليله ما اقدر انسى الاشخاص الي كانو اقرب لي من نفسي
غرام وكانها قريت افكاره: ي ويلك يييويلك تسوي الي فبالي
نواف : غراممم ياخي ابي اشوفهم وما اقدر اسوق
غرام بصدمه: انت ناوي تزعل سطام!!
وقف نواف يشيل الصحون للمطبخ وغرام تساعده وتهاوشه بنفس الوقت: نوافف والله بيزعل سلامات!
دخل فارس يبي ياخذ مويا: مين الي بيزعلل؟
غرام تقدمت تمسك فارس: تخيل ان نواف يبي يعزم عيال خالتي شيخه عيال خالي سلطان !!!
فارس بتفكير: طيب وين المشكله؟
غرام بعدم تحمل : ياااااخي انتو وشش هذولي اتهمو اخوكم كذب وبشي يخوفف!!!
تقدم نواف يحضنها: ي غرام يروحيي تكفين خليه وربي ي حلها انااا ابي اشوفهم لازم اشتقت لهم
غرام بخوف: بكيفك ياخي
-
العصر
بمقلط الرجال
فيصل بغباء : الحين الفراشه لحم ولا دجاج
ثامر بطرف عين: هيثم يرحم ابوك سكت اخوك الغبي
رد هيثم بتساءل: صدق هي لحم ولا دجاج
ثامر حط كف يده على جبينه: يارب صبرك
دخل ملهم ومعها اغراض: يلا ي عيال نمشي المزرعه كلهم بيمشون
فيصل: اسمع ملهم
كمل ملهم كلامه: ايي وخوذو لبس حق اكثر من يوم يمكن نجلس هناك
فيصل: ملهمم
لف ملهم عليه: هاه يفيصل هاااه
فيصل : الحين الفراشه لحم ولا دجاج؟
ملهم رفع حواجبه بصدمه: وش تهبد انت !!
فيصل: ياخي ابي اعرف بس
ملهم: يصبريي بس امش امش قدامي انت واسالتك الغبيه
طلعو من المقلط وكان الكل مستعد ركبو السيارات وانطلقو
عبدالعزيز: يلا ي نجد امشي
نجد : ي باباا اصبرر بدور كعبي
عبدالعزيز: ي نجد مابي اتاخر على امي امشيي
نجد: بابببا اصبررر
عبدالعزيز بعدم صبر : بروح دوري احد تجين معه
وطلع قبل يسمع ردها
طلع نواف مع تركي ومعاهم بالسياره لميس وريوف وغرام ورفيف ونوف
توزعو كلهم ما بقي الا سطام الي كان يرتب اغراضه لانه توه قام وهو مو سريع بهاذي الشغله
طلعت نجد ما لقيت اي حد مشو كلهم مافيه الا سياره وحده وهي سيارة سطام الي طلع و لقاها واقفه
سطام : راحو كلهم ما باقي الا انتي؟
لفت نجد بخوف: بسم الله خوفتنييي
حاول يخفي ابتسامته : هاه اا امشي انا بروح
نجد : اوكي
سطام بينه وبين نفسه ؛ سطام وش جاااك بسم الله هدد قلنا تحبها بس وش فيك صرت خفيف زي ملهم
تقدم يركب وهي ركبت ورا رن جوالها وكان رقم غريب تجاهلته ولفت تشوف الجو كيف حلو من نافذة السيارة ما تدري ان فيه عيون تراقبه بحب
-
تقريبا وصلو كلهم المزرعه
كانت المزرعه كبييير بشكل فيها بيت متوسط الحجم
والنخل فيه كل مكان فيها كانت جميييل مع جو الرياض
الجد سليمان : نزلو نزلو الاغراض ي عيال
الجده هدى : يووه يالمكان يشرح الصدر
الجد سليمان: ايي والله يشرح الصدر تجين معي نشوف النياق
الجده هدى: اي والله ابي اجي معك
خالد غمز لملهم: شفف شف جدي وجدتي مسوين جلسه رومنسيه
ضحك ملهم: امحقق صدق امش قدامي نزل الاغراض
هيثم: خالي عبدالعزيز
عبدالعزيز: هلا
هيثم: ي خال زوجتك تقول وين نجد
عبدالعزيز بصدمه : هي ما جت معكم ؟
هيثم هز راسه ب"لا" : ما شفتها
عبدالعزيز وهو يطلع جواله: غريبب!
قبل لا يدق شاف سيارة سطام تقدم يبي شوفه شاف نجد بس تطمن يوم شافها نزلت من سيارة سطام ودخلت للحريم نزل سطام ينزل اغراضها وهو مبتسم ضحك عبدالعزيز: وش فيك مبتسم؟
سطام بورطه: هاه عادي ابتسم وشو
-
عند البنات داخل كلهم مجتمعين بغرفه ويسولفون
تقدمت العنود تجلس عند نجد: ليه تاخرتي
نجد ببتسامه: تخيلي مين جيت معه !!
العنود: مع ابوك ولا؟
نجد بهمس: جيت مع سطام
العنود بضحك: ي خفيفه كيف جيتي معه؟
ضربته نجد: وجع ماني خفيفه بس ما كان فيه احد وقال لي تعالي معي
العنود بغمزه: هاه كيفف
نجد بخجلل: تخيليي طول الطريق وعيونه علي بس مسوي نفسي ما ادري
العنود بفرح: ااااخ نجد الله قصة حب ثانيه
نجد ابتسمت بهدوء تشرب قهوته وهي بكامل روقانها
-
ابتسم سطام اول ما رحب فيه الجد سليمان:هلاا بسطااام ارحب ارحبب تعال عندي
ضحك فيصل بمزح: ي جد حنا احفادك ولا هو
الجد : ابك انتم وهو كلكم احفاديي
نواف كان واقف يسمع كلامهم بصمت نطق الجد بعد ما شافه: تعال ي نواف تعال اقعد هناا
تقدم نواف يجلس مبتسم بالم نطق الجد بحنيه: فيه شي يعورك ي نواف
نواف بكذب : لا بس شدت كتفي شوي
ابتسم الجد بحنيه: ارتح وانا جدك
نوافف بتصنع الابتسامة:ابشرر
بدو بسولفون من عزمو ومين ما عزمو رن جوال نواف وكان المتصل شخص تغير وجه سطام الي قدر يشوف الاسم قام سطام بضيقه بسبب ان نواف كان يتواصل مع ناس بهذلوه بهذله وقف يدور بالمزرعه بضيقه
-
عند البنات
كانو كلهم يسولفون بحماس ايش يلبسون ايش بيحطون وش بيسوون
نجد بملل: بنات خل نطلع نتمشى برا
العنود : ابو جوك حررر
نجد بستغرب: بتقنعيني انك بتطلعين باليل؟؟
العنود بتعب: لا طبعا تخوف المزرعه باليل
قامت نجد : احسن اروح لحالي اشم هوا جميللل
طلعت نجد بحماس تشوف المزرعه تقدمت تشوف اقرب مكان لها كان اسطبل الخيول توجهت له وهي تمشي وتتامل المكان حولها دخلت تشوف خيول كثيير بس ميزت خيل منهم وهي الغيم تقدمت تلمسها بحبب ما تدري ليه تحبه
-
طلع من بيت الشعر والضيقه مدمرته مايدري وين بيروح قادته رجول للاسطبل مايدري كيف وليه راح له دخل جاهل وجود نجد الي اكتشف انه يعشقها وقف مصدوم يوم شافها تحضن الغيم ونطق بدون وعي: ي حظك يالغيم
لفت بخوف: بسم الله انت ليه كل مره تفجعنيي!!
ابتسم يتاملها كانت لابسه فستان ابيض وشعرها ويفي
تقدم بدون وعي منه: نجد
ابتسمت لان اول مره تسمع اسمها من منطوقه: هلا؟
هز راسه وهو خلااص واصل حده : ياخي تكفين لا تبتسمين ترا بتدمريني اكثر
تقدمت نجد بجراه:ليه ادمرك؟
ابتسم يوم عرف انه تبادله شعور الحب من جراءتها: نجد
ابتسمت لان اسمها صار جمييل بصوته : لبيه؟
تقدم يغطي فمها بيده : ياخيي لا تبتسمين ي بنت عبدالعزيز لا تبتسمين
ضحكت وسمع ضحكتها الي صدق دمرته وما قدر يسيطر على نفسه تقدم يحضنها بقوه يحاول ما يسوي شي يندم عليه هي بادلته الحضن واختلطت ريحة عطرها مع ريحة عطره همس بصوت شبه مسموع لـ نـجد: احببك يا نجد
ابتسمت ونطقت بحب له: وانا احبك يا سطاام
دفن وجهه بعنقها يشم عطرها الي بكل مره يحاول يصير فيها ثقيل يخرب عليه نطق بحبب وهو متخدر: اخخ ي حظيي
ابتسمت نجد ونطقت بخجل: خلااص سطام روح لا يجي احد يشوفناا
ابتعد بيرجع عند العيال ولف وهي واقف تشوفه ورجع لها تقدم يبوس مبسمها الي ما قدر يقااومه ابتعد عنه بس كان قريب لها : تكفين ي نجد لا تقطعين محبوبك لو تبين اطلبك من ابوك الحين بطلبك ماعندي مانع
ابتسمت بخوف وخجل مدري وش صار وكيف صار كل ذا نطقت بصوت كله خجل: سطاام يلا خلاص روح الحين يفقدوني البنات
لف سطام رايح وكان يخاطب نفسه : ي خفيفف وتطقطق على ملهم بعدد والله انك حيوان
صادف ملهم بطريقه مسكه ملهم بصدمه يبعده عنهم: ولد وش ذااا
كان ياشر على شفايفه مسح سطام شفايفه باصبعه
ورفع راسه لملهم الي سحبه بعيد عن بيت الشعر وهو مصدوم كرر سؤاله: وللدد وش ذااا
ابتسم سطام بدون شعور: ملهم حتى هيي تحبنييي
ملهم بضحك: اسالك بالله
سطام بضحكك: والله ما الومك يوم صرت خفيف عند ريوفف ، وبدا يحكي له الي صار
ملهم بجديه: خلاص اخطبها الحين من ابوها
سطام : كيف يعني مع مين ومين يخطب لي ملهم صعبه
ضربه ملهم مع راسه: الحين الي سويته بالسطبل مهي صعبه بس الخطبه صعبه
ضحك سطام بالم : بمشيها لك وبعدين ما اقصد الخطبه اقصد مين يخطب ليي
ملهم مد له منديل: امسح فمك اول وبعدين نتفاهم شنب وطول وعرض وبالاخير على شفايفه روج
ضحك سطام ونطق : تراك مو بعيد عني شفتك مرتين وشفايفك به روج هههههههههههه
ملهم بضحك: بس انا كانت حلاليي
سطام بجديه : حتى انا حلاليي الحين بتصير
مشى متجه لبيت الشعر وصل ووقف ما يدري وش يسوي تقدم ملهم الي صار وراه وهمس: كلم ابوي يخطب لك
لف سطام عليه: صدق؟
هز ملهم راسه: ايي تعال
تقدم ملهم لابوه راكان: يبه تعال شوي بكلمك بموضوع انا وسطام
قام ابو ملهم وطلعو برا : هلا وش بغيتو
ملهم: يبه سطام يبيك تخطب له
ابتسم ابو ملهم بحب: ابشر بس مين تبي
ابتسم سطام : الله يسعدك ي عممم ابي بنت عبدالعزيز
ابتسم ابو ملهم: اوووه دكتورتنااا ابد ابشر الحين
ابتسم سطام بعدم تصديق وتقدم يحضن ابو ملهم: يعطييك العافيه ي عممم
-
ببيت الشعر
عبدالعزيز ابو نجد: يبه ترا عزمت اهل زوجتي
الجد سليمان: خيير ما سويت
دخل ابو ملهم: السلام عليكم
ردو كلهم من اخوان واحفاد: وعليكم السلام
ابو ملهم : ي ابو نجد عندي طلبب
وقف ابو نجد حبنا باخوه الي اكبر منه: ابد اعتبر طلبك واصل
ابو ملهم: ابي نجد بنتك لولدي سطام
ابتسم ابو نجد: والله هاذي الساعه المباركه وسطام رجال والنعممم ، ابد بس اشاور البنت وان شاءالله كل شي يتمم
ابتسم الجد سليمان: ياربيي ي سطام لييه ما قلت لي انا اخطب لك
ابو ملهم: يبه تراه ولدي زي ملهم هو ونواف وفارس كلهم ، الا يبه ترا نص اهلي اعتذرو بس بيجي ابوي وابو رعد واهله
الجد سليمان: خيير ونعمه اهم شي ابو راكان يجي
قام عبدالعزيز وهو مبتسم : ابي اكلم نجد وامها
-
عند نجد رجعت وهي مهي مصدق نفسها تحسه حلم
العنود بشك: صاير شي؟
نجد ببتسامه: لا وش بيصير؟
العنود : ابتسامتك ما تطمن
نجد بهمس: حتى هوو يحبنيي
العنود بصدمه: كذاببببه
نجد بحماس: جاني السطبل ..... وقالت لها كل الي صار
العنود بضحك: حرام عليك خليتيه يروح وهو عليه روجج!!!
نجد بضحك: وش اسوي عجزت اتكلمم و ....
قاطعه صوت ابو نجد ينادي  ضحكت العنود من وجه نجد الي تغير : روحي لابوك شكله شافك ههههههههه
قامت نجد وضربت العنود بخفه وطلعت لابوها : هلا بابا
ابو نجد : اسمعي يبنيتي نادي امك وتعالي الغرفه الي فوق
دخلت نجد وهي مستغربه ليه يبيهم راحت هي وامها ودخلو عند عبدالعزيز
ام نجد بخوف: فيه شي ي عبدالعزيز؟؟؟
عبدالعزيز بابتسامه: لا مافيه الا العافيه والخير
ام نجد بنفس ابتسامة: وش صاير؟
ابتسم ابو نجد يشوف بنته واقفه بستغراب: جونا خطاب
اختفت ابتسامة مها ام نجد: وش الي خطاااب مييين؟
ابو نجد بستغراب : وشو سطام جاني يبي نجد وين المشكله؟؟
ام نجد : مشااااكل لا شغل ولا مشغله وببيت ابوك زي الامير مين بيصرف على بنتيي ويعيشها وبعدين بنتي اختي حاجزتها لولدها ياسر .
ابو نجد بصدمه وغضب: وش الي امير وومييين ياسر وش تخربطين انتيي ماافيه خلاص انا وافقت بس جيت اسال نجد
ولف يشوف نجد واقفه تسمع حوارهم وتحاول ما تبين ابتسامته : بابا شوري من شورك اختار الي يريحك
ضحك ابو نجد يوم عرف ان حتى بنته طايحه زي سطام: انا الي بتزوج ولا انتي تبينه ولا لا؟
نجد بخجل: بستخير واشوف
قام ابو نجد طالع: زين اجيك باليل واسالك

-
اتمنى عجبكم البارت واستمتعتو فيه
اشوفكم بعد العيد ان شاءالله 🫂❤️❤️