ياوطن قلبي

Part 10

~ ياوطن قلبي ~

رجع الغرفه وهو يفكر ايش شيفها ريوف جلس على السرير وهو يفكر
بعد كم دقيقه طلعت ريوف وقف ملهم ونطق بصوت كله تعب: ريوف مين الي عندنا؟
ريوف بدون ما تلف عليه: مدري دوبي قمت ترا!
سكت لان مايبي يجادلها وهو فيه تعب غريب وهي استغربت من سكوته بالعاده يناقرها لفت بهدوء : مُلهم فيك شي؟
ابتسم لانه يدري انها زعلانه بس مهتمه لامره : لا بس تعبان شوي
تقدمت بخوف: كيف تعبان ايش يعورك مُلهم تكلممم
ضحك من ردة فعلها : والله مافيني شي بس مصدع شوي اخذ مسكن اطيب ان شاءالله
ريوف بتكذيب: خلاص اجل انا بطلع للبنات تحت اذا تبي شي قولي
هز راسه ونطق: تمامم
طلعت ريوف وانسدح ملهم يفكر
-
تحت عند البنات
العنود : ياغبييه ما ينحط هنااا !!
غرام بضحك: تكفين لا تتعبين نفسك ذي ما منها فايده بتسوي الي براسها
لميس: ياخي انا الي اسوي الحلا وش دخلكمم؟
غرام بضحك: شفتي قلت لك
نجد وهي تحاول تكون جديه: لميسوه لمين ذا الحلا اذا مهو لنا اعترفي!
لميس وهي تخبص بكل شي : الصدق لنفسي استاهل
دخلت ريوف وهي شبه سمعت محور حديثهم: غريب يوم جيت ما كان فيه شي وش جاب كل ذي الاغراض
لميس بورطه : يعني اي هو انا قلت لـ طلال يجيبهم
ريوف بطرف عين : واضح
-
سطام كان جالس يهوجس ليه عصب على الي صار لنجد وهو ما شافها الا ٣ او اربع مرات
(" نجد ما كنت تلبس نقاب بس توها تقرر تلبس يوم راحو لديرة اهل راكان")
جلس رعد بجنبه ونطق بضحك: اهوجس ولاني بمرتاح
ضحك سطام: ياخي انت تطب فجاه متى جيتت!
غمز رعد : وش تهوجس فيه يمكن اساعدك
نزل سطام راسه بتفكير :ادور اخوي .
رعد : تدور اخوك؟
نطق رعد بعد تفكير: نواف؟؟
سطام هز راسه ب "لا" : انا اكبر اخواني كنت عايش ببيت كله امان ببعد ما جاء نواف صارت شويت مشاكل مع امي وابوي مشاكل عجزت افهمها لاني طفلل بعد جاء بعده بـ 4 سنوات برق
رعد بمزح: برق ورعد الله
سكت بعد ما حس ان الموضوع جدي: اامزح
ضحك سطام من وجهه رعد كيف تغير : بعدها بدت المشاااكل لييين صار عمري ١١ بذاك العمر بديت افهم شوي من مشاكل امي وابوي وبيوم كان الخلاف بينهم قويي مرهه وكانو يقولون كلام سيء جدا خفت اخواني يسمعونه فا اخذتهم وطلعنا للحديقه القريبه لبيتنا
بذاك اليوم انا تغيرت صرت سطام المساول كان برق مكتئب حييل ما يضحك كانت فيه وحمه في فخذه اليسار فوق الركبه تقريبا مدري امي كانت متوحمه علي ايش بس كان شكلها حلوو مرهه كانه قلب بس مو قلب
رعد ببتسامه: طيب وينه صاحب القلب؟
تنهد سطام: اخذه ابوي تطلق هو وامي واخذه ومااندري وين راح في شخص بمسكه يوم اذا عرفت وشفيني واساله وين ابوي
رعد بستغرب : ما تدري وين ابوك؟؟
سطام بحزن: رعد انا حتى امي مدري وينها انا ضايع انا ضحيت زواج فاشل انا ونواف بس نواف ماكان يفهم وش يصير حوله وللحين عايش حياته هم تخلو عنه وهو تخلى عنهم يعرف يتخطى بسرعه انا ضااايع يرعد ضايع حييل .
رعد بتسال: طيب وخواتك؟
سطام : غرام اختي من امي وريوف بنت زوج امي وهي اختي وروحي وكل شي تفهمني من نظره انا وهي عرفنا بعض من حنا بزران
رعد بتشتت: كيف ما تقول ان امك تطلقت وانت عمرك ١١ مو بزر بقوه؟
ابتسم سطام يتذكر : هاذا الشي ريوف ما تدوي فيه كانت جارتنا وامها توفت وهي تولدها وقتها امي توهه جايبتني تقريبا قرر ابوي وابو ريوف انه ياخذه ترضعه امي ورضعتها وكنا مع بعض دايم بس يوم جاء نواف ابوي بدا يشك ان بين امي وابو ريوف شي وهو ما كان بينهم شي بعد ما جاء برق ابوي بدا يتهم امي باشياء مستحل احد يسويها كان يشك فيها يوم تطلع اي مكان فا وصلو للطلاق وتطلقو وبعد فتره تقريبا اربع سنوات جاء ابو ريوف وتزوج امي وجابو غرام و مهند ونادي توام وبعدها اجحدتنا تقول انا عيالي بس مهند ونادر
ضحك بحزن : حتى غرام ما سالت عنها
رعد بتسال : طيب ابوهم؟
سطام: ابوهم يحسب كل شي ينحل بالفلوس كل شهر يحول لبناته مبلغ ويقول لكم كلهم
رعد بفضول: عاد المبلغ حلو ولا بس تسكيته؟
سطام : هو عنده فلوس الدنيا والمبلغ يعيشنا بس الفلوس مهي حب الاب والام وش الفايده اذا فلوس وفاقد حنان ابوي وامي ؟
سكت رعد مادري وش يقول
نطق سطام بعد ما ارتاح للشخص الي قدامه: شكلي طحت بعالم الحب ومدري هو حب ولا اعجابب
ضحك رعد لربط الموضيع عند سطام كانت عجيبببه:صدق مو صاحي وش جاب ذا لذا
سطام رفع كتوفه بـ"مدري" نطق رعد بضحك: ومين سعيدة الحظ
ضحك سطام بعد ما سمع اذان المغرب : على وعدنا اليله توديني نشتري شاهي انا وانت وملهم لانه عشيري وما اقدر اعيش بدونه
ضحك رعد: ابشرر انت وابو راكان
-
دخل سعود وراه ولد سيف ابتسم سطام يوم شافه وسيف اول ما شاف سطام راح يركض له
سطام ببتسامه: ارحبببب سيوفيي
سيف ببراءة:عمي ثطااام
ضحك رعد الي كان قريب منهم : ثطامم
سطام بمزح: معليش الا وليدي حرف السين عنده ماكوله اعذرنا
جا نواف بتعب : سطام شف تركي خلني افر ديرتهم رجليه ويقول ليه نقعد
ضحك سطام وهو يناظر رعد بمعنا(شفت اني مساول): تروك اقعد لا امردغك*(اضربك)*
تركي: ترا بس رحنا الحاره الثاني ودرناها بس اخوك مدلع
ريان: دام درتو الحاره الثاني اجل ما الومه
تركي: يرجال مدلع
نواف:اعقبب!
تركي الي كانت قافله معه رغم حبه لنواف بس زل لسانه: لو مو مدلع كان ما اشتكيت لسطام؟
سكت نواف بصدمه ما توقع ان تركي يقول كذا وقدام كل العيال نطق سطام بتسال: طيب واذا اشتكى لي تراني اخوه بالنهايه ولا اسمع ذا الكلام مره ثانيه ي تروك تسمع؟
قام تركي وطلع بعد ما استوعب الي قاله وهو منحرج
نواف سكت سكوت عجيب لين تعشو وهو طلع لبيت العم راكان ابو ملهم دخل وراح للمجلس وانسدح بمكان كويس بتعب من كل شي ونام بدون ما يحس
تركي كان يشوفه دخل لانه كان ببيتهم تقدم يشوفه ناايم بتعب دخل بيتهم يجيب بطانيه يغطيه وطلع لبيت عمامه
-
طلعت غرام وهي شبه زعلانه شافت سطام مار من القاطع بين حوش الحريم وحوش الرجال : سطسططط
لف سطام وكان رعد وراه رعد بضحك: اما سطسط وانت تو تقول لا تدلعني
سطام بضحك: يعني وش بسوي اذا الاهل ينادون ورعانهم كذا
راح يشوف غرام: هلا غرامي وشفيك
غرام : ياخي ذولي ناس غريبهههه ابي اروح بيت عمي راكان مابي اقعد هنا!
سطام بستغراب: غرام شفيك؟
غرام : ياخي بناتهم غريباتتتت مابي اقعد
طلعت ريوف وهي تدور عليها : غرااام وينك
ابتسمت يوم شافت سطام وتقدمت نحضنه بشوقق: سطوميييي اشتقت لك
غرام بعبوس: هيييه انا اشتكي احزانييي ياخي
ضحك سطام وفتح يدينه : امشي تعالي بسرعه قبل ريوف تاخذ المكان كله
ضحكت غرام وهي تقريب لهم حضنهم سطام بحب: ايوه كذا
طلعت لميس الي تحب تطقطق مع سطام وكل الي يصير معهم ضحك : عشتوو وش هلقعده الرمنسيه
ضحكو كلهم ونطقت غرام بجديه: سطااام صدق اتكلم ابي اروح بيت عمي راكان مابي اقعد هنا
لميس: قدااام بجيب عباتي واجي معكم
نطقت ريوف :وانا كمانن
سطام بصدمه: طيب اصبرو اوافق على الاقل
غرام بضحك : سطااام تكفى
سطام: ياربي ياخي تكفى منك تخليني اشيك واوديك
ضحكت ريوف بمزح: تكفى سطام شيلني معها على كعب
سطام بضحك: هييي هدي وين اصلا بوديكم بالسياره
ريوف : ايييه كفو بقول ل ملهم
سطام: اصبري انا اقول له بس جيبي اغراضك وتعالي
-
دخلت ريوف وهي مبتسمه تقدمت ميلاف: ايوه ضحكينا معك؟
ريوف تجاهلتها وراحت تجيب اغراضها وطلعت ولحقتها ميلاف بفضول تقدمت ريوف ومسكت يد سطام الي حضنها دخلت ميلاف وهي ما تدري مين الي معها بس تدور مشاكل تقدمت تجلس وقدام كل الحريم: عمتي ام ملهم
لفت ام ملهم: هلا
ميلاف : شفت زوجة ولدك تتحضن رجال برا روحي الحقي عليها لا تجيب لكم فضيحه
ام ملهم بصدمه: وجعع وش ذا الكلام ي ميلاففف !!!
قامت وسن الي فقدت السيطرة: تعالي اعلمك كيف تتهمين بنت الناس كذا
وبدت تضربها وتطلع حرته من يوم وصلو للحين قامت بعد ما فكوها البنات نطقت بعصبيه: ياااامريضههه طلعت مع اخوهااا اخوهااااا.
ميلاف بكرهه: واخوها لييه يتحضنهااا؟
وسنن بعصبيه: صدققق انك مريضهههه اقولك اخوهااا لحمها ودمهااا
قامت ام ملهم : امشو يا بنات امشو
حصه بفشله: اصبرو لين العشاء على الاقل
تقدمت صيته وضربت ميلاف كف: ياقليلة الادبب
ولفت على ام ميلاف: صدق ما عرفتو تربون
-
طلال : اسمع فارس خل نطلع ندور بذا الكان نشوفه
فارس بملل: قدام ماعندي مشكله
طلال: اسمع ابي اكل عشاهم مابه طعم الصدق
فارس ببتسامه: ابشرر بس بنمر البيت اشوف اغراضي وابدل
طلال: ابد انتظرك
دخل البيت وكان سطام توه داخل المجلس تقدم فارس ببتسامه : سطام بروح اكل انا وطلال تبي اجيب لك معي؟
سطام بتعب: ايي تكفى جيب للحريم ترا ما تعشو صارت هوشه
فارس بحماس : امااا وش صار
سطام: فيه وحده عندهم .... وبدا يحكي له
فارس كان يبدل الثوب ويلبس لبس ثاني كان لابس شوت وبلوفر
ضحك سطام: وش يعني تدفي الجهه الي فوق والي تحت لا
ضحك فارس: ايي هاذا المطلبب اسمع متاكد ما تبي شي
سطام : اببد مابي شي سلامتك بس جب للحريم وتسلمم
ابتسم فارس ونطق : ابشرر
----------
رايكم بالبارت يهمنييي ❤️.
اعتذر عن التاخير كانت عندي اختبارات وضغطط ان شاءالله راجع لكم وبقوه 🫂.