ياوطن قلبي

Part 11

~ ياوطن قلبي ~

دخل الغرفه بتعب تقدم يجلس على السرير وهو يمسك راسه من الالم : اخخ يالصداعع
ونسدح وغمض عيونه دخلت ريوف وهي تغني (ايه احبك بس كمل كلامك بعد احبك ايش قلت)
ضحك ملهم: تعرفين تغنيين !
نطقت ريوف بصوت حلو: مدام حلوة يا قلبي دلوعة لازم تصير دلوعة لازم تصير
ضحك وهو للحين منسدح: والله طلع عندك مواهب
ريوف يضحك: افا عليك اعجبك
جلس ملهم ونطق: ريوفي تعالي هنا ابي أشوف فستانك
تقدمت ريوف تنزل عباتها وتعلقها وقربت تدور قدامه بفستانه وهو داخ من ريحة عطرها الي كان يحبه وقف رغم التعب اللي مسيطر عليه هاليومين وقرب لها
بلعت ريقها بتوتر: مُلهم!!
ملهم ببتسامه ؛ عيون ملهمك
تقدم يمسك خصرها وهو متخدر من ريحه العطر: اخخ ياريوفي كم احبكك
ابتسمت ريوف ونطقت بعد عنااء ونتظار ملهم لهاذي الكلمه: وانا احببك
شد على خصرها اكثر وهي حاوطت عنقه كانو قريبين لبعض ، دخلت ام ملهم مدرعمه: ريوف
سكتت يوم شافتهم كذا ريوف كانت تحاول تفك نفسها وملهم حالف ما يتركها نطق وهو ماسك ريوف وقوه: سمي يمه وش بغيتي
ام ملهم باحراج: جيت ابي اعتذر لريوف عن كلام ميلاف
نطقت ريوف بلطف : ي عمه انتي مالك دخل ابددد بعدين ذي الميلاف كريهه مماعليك يا عمه لو بزعل ما بزعل منك مستحيييل
تركها ملهم بعد ما قرصته ريوف وبعد وهو يتالم تقدمت ريوف تبوس راس ام ملهم بحنان وام ملهم حضنتها بحببب
-
دخل فارس دخل الاكل واتصل ب نجد تاخذهم
دخل المجلس الي كان فيه سطام كان يشوف بجواله صوره نطق بحب: ارحبب
ابتسم فارس الي كان يحب سطام من زمانن : تبقى تعال كل معي
هز راسه سطام ب "لا" نطق فارس بعناد : والله ان تجي حلفت
سطام بشبه عصبيه: لييه تحلف
فارس بضحك: اقول امش تعال
دخل طلال وراه تركي وجلسو تقدم فارس الي تربع جنب سطام وبان شي شبه احمر عند فخذه تقدم سطام يلمس : بسم الله ذا وشو
ضحك فارس ونطق : وحمه
تقشعر جسم سطام وتذكر برق على طول قم وطلع على طول
طلال وهو ياكل: هاذا وش فيه
ضربه تركي: كل كل وانت ساكت
وقف برا شوي وكان يحس بدوخه انخفض معه السكر وطاح مغشي عليه
طلع فارس بعد ما سمع صوت الطيحه تقدم بخوف: سطاام !!
تقدم يحاول يصحيه : سططامم ولددد!
دخل عبدالعزيز ابو نجد وشاف سطام طايح وفارس يحول يصحيه: سطام قوم خلاصص
تقدم ابو نجد يشيله ويركبه السياره وانطلقو للمستشفى بدون علم البيت بس طلال وتركي
وقف طلال بخوف: طيبب نواف وينه؟؟
تركي بعدم فهم: نواف نايم ولا؟
طلال بصدمه : أي نايم وش تخربط انت طلع من ساعه !
تركي بصدمه: طلعع وينن ما يدل شي هنااا!!!!
طلال بستغراب: ترا رجال ما بيضيع
تركي بعصبيه: ياخخييي ما تعرف نوافف انا زعلتهه وزعله شييين
طلال بعصبيه: خيير انت لا تصرخ عليي؟؟
تركي بصراخ: يشيخ طييرر
طلال بعصبيه: ولددد انت ليه ما تهجد وش جاك!
طلعو اهل البيت على صراخهم
-
وقف عند المستشفى تجمعو الممرضات يشيلون سطام الي شبه جثه لا حركه ولا صوت نطق فارس بخوف: ابو نجد مدري وش فييه لا يكون صار فيه شي
عبدالعزيز ابو نجد: ي فارس مدرييي اصبر نشوفه
رن جوال ابو نجد ونطق بعد تنهيده طويله: شكلهم علمو ملهم ، ورد على جواله : هلا ملهم
ملهم بخوف: ي خاليي امانه سطام فيه شي؟
تنهد ابو نجد : والله ي ملهم ما ادري اصبر نشوفه دخلوه وممنوع الدخول
سكت شوي بعدين نطق بصوت شبه مسموع: نجدد جيبها المستشفى ال ******
ملهم الي قام من مكانه يركض وينادي نجد: نجددد
قامت نجد بخوف : ايشش فييييه!!!
تقدم وهو يحاول يلتقط انفاسه: س سـط سطـام
نجد بخوف: وش فيييه تكلم ي ملهمم!!
ملهم: بالمستشفى مدري وش فيه بس ابوك قال جيب نجد وتعال
نجد برتباك وخوف : طيب طيببب.
-
عند نواف كان زعلاان حييل وزعله شيين وكان ماخذ بخاطره من تركي ،  واخذ سيارة خالد وراح للرياض  بنص الطريق جاه اتصال
رد نواف بهدووء: هلا
ريوف ببكاء: نوافف وينك سطام بالمستشفى مادري وشفيه
نواف بخوف: كيف بالمستشفى وش صايير
ريوف وهي لا زالت تبكي: ي نواف تكفى تعال وينك
لف نواف الدركسون راجع ل ديرة عمام ملهم ونطق يكلم ريوف: تمام ريوف اصبريي يروحي انتي جايي الحين
وقفل بعد ما طمنها مسك جواله يدق على تركي رد تركي بنفس اللحظه: وييينك ي نوافففف وينكك
نواف برتباك: ي تركي تكفى سطام فيه شي
تركي: والله ي نواف ما فيه شيي بس انت وينك
نواف كان حاط الجوال سبيكر ويحاول يثبته : جااي ي تركي جااي
طاح الجوال ونواف كان مسرع نزل يحاول يجيب بس فجاء انجرفت السياره وحاول يعدلها بس كانت قدامه سياره واصتدم بالسياره بشكل قوي لانه مسرع
تركي بخوفف وهو يصارخ: نوااااف ، ولددد ، تكفى ي نوافف ردد
بعد كم دقيقه بدا يسمع اصوات ناس منها : لا حول ولا قوة الا بالله ، اتصلو بالاسعاف ، لا اله إلا الله، يارب عفوك
صرخ بخوف : ننواااف
كان بالمستشفى تجمعو علي عيال عمه وعيال خواله رعد: ولد قصر حسك تراك بمستشفى
لف تركي وعيونه دموع: نواف نواففف ي رعددد
ملهم بخوف: وش فيييهههه !!!
رعد بنفس خوف ملهم: وشش صارررر!!!
تركي وهو يحاول يتنفس : سوا حاااادث مدري ويينهه   بس سمعتتت صوت السياره وناسسس اسسمععع
تقدم رعد ياخذ الجوال ويحطه على اذنه: الووو نواف
طبعاً الجوال طايح تحت وما قدر احد يطلع بسبب ان الحادث يخوف سمع رعد واحد من الناس الي متجمعه: ي ناس الحادث يروع السياره ذي بعد رجل الثانيه به عايله وكلهم طلعو سالمين بس ذا ما يرد يولددد
سكت رعد بخوف يفكر بسطام تقدم ملهم ياخذ الجوال : ووشو سمعت شي؟؟؟
رعد بخوف: الي واضح ان الحادث يخوف
حاولو يعرفون المكان بعد ما عرفو ، طبعا نجد قدرت تدخل تشوف حالة سطام بسبب انه دكتوره معروفه
طلعت وهي مبتسمه: ابشركم سطام بخير
لفو كلهم عليها وعلى وجههم خوف وحزن نطقت بخوف: وشفيكم اقول لكم والله مافيه شي
نطق تركي بحزن وهو متلثم : نواف
نجد بخوف: ايش فيك بعددد!
تركي وهو يحاول يمسك دموعه: سوا حادث ماندري وينه ولا بياخذونه اي مستشفى
-
بعد ساعتين تقريبا
طلعو الي جو مع سطام بعد ما تطمنو علي يحاولون يعرفون وين نواف جاهلين انه جاء نفس المستشفى الي هم فيها تقدمت نجد نشوف المريض الي جاء بالاسعاف بعد ما وصاه ابوها تجلس عند سطام
تقدمت تسمع كلام المسعف: المريض حالته خطره لازم نسعفه بسرعه
تقدمت نشوف المريض وما توقعت ولا واحد بالميه يكون نواف نطقت بخوف وصدمه وبكى: ن نوو نوااااف
جاء تركي يركض لانه كان جالس عند نجد وتقدم يشوف نواف ووجهه مليان دم وفيه كدمات على صدره : نوااااف
تقدم يبي يمسكه بس مسكوه الممرضين نطقت ممرضه: ما يصير نقولك حالته خطره تبي تقرب قرب بس بشويشش
تقدم تركي بعد ما تركوه وهو يمسح وجه نواف ودموعه تنزل غصبب نطق بحزن : تكفى ي نواف لا تتركني والله اني اسف ادري زعلتك بس لا تتركين وانت زعلان امانه ي نواف
دخلوه ونجد سحبت تركي بعد ما منعوه يدخل صرخ تركي بحزن: انا زعلتههه ي نجددد ياررررببببب
نجد بدموع: تركي خلاص هدي الله يخليك
تركي بدموع: ي نجدد ما قدر هو صار اقرب لي من نفسي
نجد بحزن ودموع : تركيي معليك بيقوم ان شاءالله
-
طبعا بالبيت صار ازعاج كانو يحاولون يهدون ريوف وغرام الي منهارين
العنود بخوف من حالة ريوف: هديي يروحي بيكون بخييير
غرام كانت تبكي بهدوء وهي جالسه بعيد عنهم وكانت لميس عندها ماسك جوالها ترسل لـ نواف تبي تشوف وصل ولا لا لان عندها خبر انه بيمشي الرياض
سمعو صوت الباب وصوت مهلم معه وهو يسال الي بالبيت احد يعرف نواف وين راح ؟
تقدمت لميس تهمس ل غرام: ادري وقتي غلط بس عادي تقولين ليهم انه كان رايح الرياض؟
هزت غرام راسها "ايه" وقامت تلبس عبايتها وتطلع لملهم نطقت بصوت كله هدوء : راح الرياض
لف يحسبها ريوف لان اصواتهم تتشابه : ريـ اهاا غرام طيب
وطلع وكله قلق يفكر وين راح نواف قاطع تفكيره صوت يناديه لف شاف ريوف ووجهه كله حزن: مُلهم ابي اروح معك
غمض عيونه بتعب: ريوف والله مافيه شي بس يصحى ابشري اخذك له والله
وطلع قبل يسمع ردها وهو يحاول يسيطر على التعب الي فيه ما يدري وش سببه بعد كم دقيقه جاه اتصال من فارس يقول له تعال المستشفى بعد ما اتصلت نجد وعطته خبر ان نواف عندهم
-
صحي سطام لقى نفسه بغرفة بارده والمغذي بيده مايتذكر ايش صار ولا ليه هو هنا رجع يسكر عيونه بتعب وتفكير
-
دخل المستشفى مسرع وخايف تقدم يشوف نجد تحاول تهدي تركي الي كان منهار نطق: وينهه!!
تنهدت نجد بتعب : داخل
—————
رمضان كرييم حيبايبيي ومبارك عليكم الشهرر ، اعتذر انس انزل متاخر بس منضغطه ذي الفتره 🥹.