ياوطن قلبي

النهايه

                                 ~ ياوطن قلبي ~

كانو كلهم بالمستشفى الا نجد وسطام ، ينتظرون اي رد من اي دكتور على حالة ملهم ، ريوف كانت منهار بشكل يخوف بعد ٥ ساعات تقريباً طلع الدكتور يبشرهم انهم استاصلو الورم وهو بخير وحالته كويسه
ومستقره ، جلست ريوف بخوف وهي امسك بطنها وما تدري وش السالفه بس الي تعرفه انه بخير ، كانت الساعه ٧ الصبح طلعو الاغلب ما بقى الا ريوف واخوانها واهل ملهم
-
قام سطام وهو ما يدري كم الساعه شاف نجد غرقانه بنومه طلع الحمام وهو مستغرب وين جواله توقع انه تاركه بالصاله طلع من الحمام وتوجه الصاله ومالقى اي اثر لجواله ولا لجوال نجد زاد خوفه وراح لـ نجد
يبي يصحيها بس قبل يدخل الغرفه طلع ابو نجد من غرفته وهو توه صاحي نطق سطام بخوف: عمي كم الساعهه ويين جوالي وجوال نجد!
عبدالعزيز بقرف: جوالاتكم هنا حنا الظهر
وسكت شوي بعدين نطق بعدم مبالاه : ملهم بالمستشفى
لف سطام بصدمه : صايييير له شي !!
ناظر فيه عبدالعزيز بكرهه : لا بخير هو معليك
استغرب سطام نظراته وليه قال له كذا وليه ماخذ جواله وجوال نجد ، طلع بستعجال بعد ما اخذ جواله توجه للمستشفى بعد ما شاف رسايل العيال وستغرب من رقم مرسل له كلام يصدم وكانت الرساله مفتوحه انصدم يقرا بدايته كانت الرساله
{السلام عليكم سطام بن فراس ، اتمنى تكون بخير وتجي تصلح غلطتك الي سويتها وما علمت عمك سليمان عنها البنت ولدت وولدها بخير }
تنح شوي وهو منصدم وين الي غلطت ومين ذا وش يبي وليه مرسل له كيف عمه سليمان يعرف كل شي عن حياته والي صار معه ،ومين فتحها وقراها كان مصدوم و تذكر تعامل عمه ابو نجد معه عرف ليه كلمه كذا هو الي قرا الرساله ويمكن فسر كل شي غلط ، حرك سيارته وهو خايف من ان ابو نجد يفهم غلط
-
تقدمت غرام تمد لريوف فطيره : كلي ما اكلتي شي
هزت ريوف راسها "لا" جلست جنبها غرام: فوفا تكفين كلي لا يصير فيك شي
تنهدت ريوف تاخذ منها الفطيره وهي مالها نفس بشي بس عشان خاطر غرام ، تقدم نواف وفارس يجلسون عند أختهم يسولفون لها عشان يغيرون مزاجها شوي
وقف نواف يلحق لميس الي طلعت برا وقفت تجلس عند كراسي برا تنهد نواف يجلس جنبها: وشفيك؟
رفعت يدينها بمعنى "مدري" : احس بضيقه
ابتسم نواف وهو يمسك يدها : بسم الله عليك من الضيقه
-
دخل ابو نجد يصحي نجد نطق بحده : بنت نجد
، قامت نجد وهي مصدومه اول مره ابوها يصحيها كذا
ناظر فيها ولف يطلع: تعالي الصاله بكلمك
وقفت نجد بخوف من صوت ابوها وطلعت وراه: هلا؟
جلس على الكنب وجلست نجد جنبه وهي مستغربه
تنهد عبدالعزيز ونطق: تطلقي من سطام
ناظرت فيه نجد بصدمه: بابا!
عبدالعزيز بعصبيه: ي نجد ذاا عنده ولددد ولددد!
نطقت نجد بنفس صدمتها: باببا وش قاعد تقول!!!
سحب جواله يوريها الكلام كانت نجد مصدومه وخايفه وماتدري وش تسوي لازم تسمع من سطام تنهدت ونطقت: طيب شفت جوالي خل اكلمه اتفاهم معه وافهم منه
وقف ابو نجد ونطق وهو طالع: جوالك احلمي تاخذينه ومافيه طلعها من البيت لين اشوف ورقت طلاقك
وقفت نجد بصدمه: بابااا! وشفييييك ليه تخرب حياتييي!
صرخ عليها واول مره يصرخ عليها بحياتها: ابي مصلحتككك مصلحتك!
-
دخل سطام المستشفى بخوف مدري وش بيصيير بس يبي يشوف ملهم وريوف تقدم لشوف ريوف الي حولها فارس وغرام تقدم يشوفها وقفت تحضنه بنهيار : وش فيه ملهم انتت تدري صح!
بادلها الحضن: اشش هو بخير اهم شي
-
تنهد نواف بتعب: متى تصيرين حلالي تعبتت وانا انتظر
رفعت لميس يدينها "مدري" وقف يدخل تاركها تهوجس
تقدم يشوف اخوانه جالسين وريوف تبكي بحضن سطام واهل ملهم منهارين زي ريوف رغم انه بخير بس مايدرون وشفيه اساسا
كان سطام سااااكت ما تكلم لحرف يفكر بالرساله وباسلوب عبدالعزيز معه سكت يهوجس
-
نجد بعصبيه رغم دموعها: بااباا حياتي ترا بعدييين وش ذا ويمكن احد يكذب بابا الله يخلييك
عبدالعزيز بعصبيه قلت لك خلااااص انسيي انسي سطام ورقت طلاقك بتوصلك ونزوجك الي احسن منه حنا الغلطانين يوم عطينها وحنا ما نعرف منهو اصلا
سكتت نجد بصدمه من ابوها ليه تغير كذا وش فيه مصدق الرسال كذا بقوه مستحيل فيه شي غيره بس ما تدري وشو
-
كان ملهم بغرفة الإفاقه واهل ملهم كانو ينتظرون برا ريوف نامت على كتف سطام بتعب وهي ماسكه بطنها بخوف من كل شي ، غرام ورجعت هي وفارس مع نواف البيت وهم تعبانين
-
بعد اسبوع
ملهم كان بالمستشفى تحسنت حالته وقام ريوف ما فارقتها ابد طول وقتها عنده كان سطام جالس عندهم يفكر بـ نجد الي ما ترد عليه ابدا
تنهد يشوف ريوف توكل ملهم : اف اف يدلع يملهم محد قدك فوفا توكلك
ضحكت ريوف تشوف الحزن برجه سطام رغم انه سكت ويحاول ما يبين نطقت بضحك : تبي اوكلك معه هههههه
ابتسم ملهم بحب لريوف وابتسامتها الحلوه : اخخ بس يحظيي بـ ريوفيي
كان سطام مبتسم لعلاقتهم الحلوه قاطع تامله لهم رساله على جواله من عبدالعزيز تنهد يفتحها وانصدم اني يبي ورقة طلاق نجد كان يقرب الجوال ويبعده بصدمه كيف كذا لييه طلع من غرفة ملهم يتصل على عبدالعزيز وهو مصدوم ، حاول يطلع الشخص الي ارسل الرساله الي كلها كذبب بس ما قدر
ماجاه اي رد وحاول يتصل كثيير بس للاسف اتصل على نجد وكان جوالها مقفل
تنهد بضيق مايدري وش يسوي ركب سيارته وقراره الوحيد الجد سليمان
-
كانت بفراشها تفكر متى بيخطبها رعد رسمي؟ متى بتكون حلاله ؟ ومتى ومتى قامت بعد ما تعبت من الهواجيس راحت للحمام اخذت شاور وطلعت تحاول تغير جو
تقدمت للصاله تشوف فارس منسدح على الكنب يتابع مسلسل نطقت بضحك: وش تسوي انت وراك منسدح كذا؟
عدل نفسه فارس وضحك : ياخي عجبنييي المسلسل بشكلللل تخيلي من امس وانا اتابع وصلت الجزء الثاني .. كمل سوالف معها وكانت جالسه تسمع سوالفه بحب وهي تضحك عليه كيف متحمس مع الاحداث ويقولها لها بحماس
-
دخل سطام على الجد الي كان مبتسم بحب له : ارحب سطيم
ابتسم سطام بحزن: جديي ساعدنيي
فز الجد بخوف: وش فييك !!
جلس سطام جنبه بضيق: عمي عبدالعزيز يبيني اطلق نجد!
الجد سليمان بصدمه: ليييه!
قال له سطام كل الي صار وكان يحاول يكتم دموعه: بس اليوم ارسل لي يقول ارسل ورقة طلاق بنتيي!
الجد بستغراب: طيب وبتطلقه؟
رفع سطام راسه وهز "لا" : انااا احبها يا جددي احبهااا
تنهد الجد بحزن من حال سطام: انا بكلم عبدالعزيز واشوف
سكت سطام يوم دخل فيصل ووراه هيثم: السلام عليييييكم
ابتسم الجد يرحل ويهلي فيهم جت الاجازة وبيتجمعون كلهم ، تنهد سطام يقوم بعد ما سلم عليهم وقف بصدمه وهو يشوف عبدالعزيز نزل من سيارته متوجه لابوه تقدم له بحزن : عمي عبدالعزيز
ناظر فيها عبدالعزيز بكرهه : نعم وش تبي
سطام بحزن : الله يخليك لا تحرمني منها والله انها احبهاا تكفى
عبدالعزيز بدون ما يعبره وهو كارهه : تحرم عليك نجد الا يوم الدين
ناظر فيه سطام بصدمه ونهار نزلت دموعه غصب ما قدر يمسك نفسه نطق بين دموعه وهو يصارخ بقهر: لا لااا ي عمم تكفى
طلع فيصل وهيثم وهو يسندون الجد سليمان وشافو حالة سطام ونهياره
كمل سطام بقهر: والله كذببب كذبب الي قريته انا ما سويت شيي انا بحياتي ما لمست احد غير نجد بالله علييك لا تحرمني منها لا تحرمني من وطن قلبييي
دفهه عبدالعزيز ودخل لابوه ، نطق سطام بحزن : تكفى ي جديي قول له قول له ابيهاا ويحرم علي غيرهاا
الجد سليمان بحزن : ي عبدالعزيز انت عطيته لا تكسره خلاص والسالفه الي وصلت لك كذب بكذب
وقف قدام ابوه صرامه : بنتي تحرم عليه والله ثم والله ما ياخذها
سكت الجد بصدمه ونطق بعد دقايق: تعصي كلمتي ي عبدالعزيز
عبدالعزيز بعصبيه : والله اني اعتذر بس ذا ما ياخذ بنتي وورقة طلاقها اذا ما وصلت باليل برفع عليه قضيه
تنهد سطام وهو ما يقدر بس سوا الي عليه طلع من بيت آل سليمان متوجه للاسطبل الي اشتراه للخيل حقه تنهد يشوف الغيم الي كان مشتاق لها ومن زمان ما شافها تقدم يحضنها ونطق: تذكرييين الي كلمتني وانا افضفض لك
سكت يتذكر احداث ذاك اليوم
"سطام كان عند الغيم ويفضفض لها يحب يفضفض للخيل حقه ، جت نجد من وراه وكانت هاديه لدرجة ما انتبه لها سطام ، كان سطام يكلم الغيم : اخخ تعبت والله تعبت ابي ارتاح ودي انام بدون ما افكر بشي تخيلي ان نواف وريوف تهاوشو بسببي ، ريوف تحاول تهرب من امي وتسلطها امي ي الغيم حتى غرام وهي بنتها تكرهه مدري وش صار لها كانت طيبه مدري وش غيرها ....
قاطعته نجد: طيب لا تكلم حصان ماراح يرد عليك
لف بصدمه: انتي من متى هنا ؟
نجد بتمثيل البرود: من اخ تعبت؟
تقدم سطام: انا ماعمري اشتكيت لاحد ولا احب اشتكي مابي احد ياكل همي
نجد: اء اي هم همك اخوانك؟
سطام:ايه اخواني كل شي بحياتي
نجد : بس انا ما شوف فارس هم ؟
سطام: انتي وش اسمك؟
نجد بارتباك:نـ نجد
سطام بحزن: انتي ي نجد عندك ابوك الاب هو العائله
انا مدري وين ابوي ، ابوي تركني وانا عمري ١١ مدري وين راح مـ ماكان يبيني ، ونزل راسه بخيبة امل
نجد بحزن : انت وش اسمك؟
سطام لف يداعب الغيم : سطام فراس آل عبدالله
ابتسمت نجد ونطقت بمزح: نجد عبدالعزيز آل سليمان
ابتسم سطام ولف: امشي قبل يفقدوننا."
رجع من هواجيسه ودمعته تنزل غصب كان تعبااان من كل شي ركب الغيم يدور حول الإسطبل تنهد وهو يشوف خالد داخل من مدخل الإسطبل ابتسم وهو مشتاق له نزل من الغيم وتقدم له خالد بعد ما عرف السالفه من جده : معوض خيير معليك بنحاول مع معي ان شاءالله يغير رايه
تنهد سطام بضيق: قال لي تحرم حرم عليك
فتح خالد عيونه بصدمه: قققال لك كذااا!
نطق سطام بحزن: احبها احبهااا ي خالد ما اقدر على فراقها
تقدم خالد يحضنه بحزن نطق سطام وهو حاضن خالد : وييينك عني من زمان وييينك يوم اني دايم لحاليي
تنهد خالد بضيق من حال سطام: الحياه اشغلتني اعتذرر
تركك سطام وعيونه حمرر تلثم بشماغه ما يبي يبين حزنه تنهد خالد بضيق من حال سطام وهو يفكر وش يسوي
-
ريوف كانت نايمه بحضن ملهم الي كان يفكر متى يطلع تنهد وفز يوم حس بشي ينزل عليه فزت ريوف ونصدمت يوم شافت نفسها تنزفف صرخ ملهم بخوف
ودخلت الدكتوره على طول تشوف وش فيهم اخذو ريوف يفحصونها وهم خايفين
كان ملهم بغرفته خايف على ريوف تنهد بعد ما دخلت النيرس وطمنته عليها وقومته من السرير عشان تنظفه تنهد براحه وهو واقف يفكر بريوف طلعت النيرس بعد ما نظفت كل شي انسدح ملهم بتفكير وهو فاقد سطام تنهد ياخذ جواله يتصل فيه
-
كان جالس خالد على الكراسي حقت الإسطبل وسطام ساند راسه على كتف خالد ونايم تنهد خالد ما يدري وش يسوي حالة سطام كانت تحزن تنهد يشوف جوال سطام يتصل وهو غرقان بنومه بتعب سحبه من جيبه وسند سطام على الكرسي يكمل نومه ويرد على ملهم: اهليين
ملهم بستغراب: خالد؟
نتهد خالد بضيق: اخبارك
ملهم بخوف: بخير وين سطاام؟
خالد بضيقه: سطام نايم وضايقه فيه من عمي عبدالعزيز
ملهم بستغراب : ليه وش صااااير!
قال له خالد الي صاير وهو متضايق من حال سطام تنهد ملهم بضيق وهو يعرف عمه مهما صار ما بيغير رايه تناقشو يدورون حل
-
الجد بضيق: ياولد انت وشفيك انا اعرف عنه كل شي ما كذب علي بحرف
عبدالعزيز بعناد: ماراح ازوجه بنتي حرام بالله ما ياخذها
تنهد الجد بضيق واعياله واحفاده يحاولون بالعم عبدالعزيز بس كان صامل ما ياخذها
مرّة الايام وورقة طلاق نجد وصلت بعد ما رفع قضيه عليه ،سطام كانت حالته سيئة ويبي يعرف مين الي مرسل ذا
-
دخل البيت ومعها ورقة طلاقها ومدها لها كانت منهاره صرخت تضرب ابوها: لييييه لييييه لييه تحرمني سعادتي لييه
تنهد عبدالعزيز من حالتها: يجيك الي احسن منه
صرخت نجد بقهر: مابي مابي غييره ليه دمرتني انتت دمرتني انت مو ابب تدريي
تنهد يدخل غرفته تارك نجد منهاره بالصاله
-
كل آل سليمان منهارين ليه عبدالعزيز سوا كذا رغم انه اكثر واحد يمدح سطام بس صدق من اول كذبه وصلته كرهه ومايحبون طاريه حتى ابوه رفض يكلمه بسبب حركته مع سطام
بعد اسبوع
اختفى سطام عنهم ولا يدرون وين راح
-
عند عزيز كان حاقد من زمان تنهد براحه ان محد شافه حط مخدرات بسيارة سطام وبلغ عليه ابتسم بنتصار وهو يشوفهم ياخذونه نطق وهو مبتسم: حرمته سعادته زي ما حرمني سعادتي
بالقسم
كان رعد مع سطام بالقسم بمكتب رعد تحديدا نطق بعصبيه: كييييييف مهي لك لمييين اجل؟
كان سطام كاره كل شي نطق بضيق الدنيا: خلاص لي لي يلا اسجنوني
تنهد رعد بضيق : سطااام ترا والله مايصير تعبتني
سطان بضيق : ي رعدد والله مهي لي مهيييي ليييي!
وقف رعد يطلع من المكتب وقبل يطلع: القاضي هو الي بيحكم انا مالي اي ذنب حاولت اساعدك بس ماعطيتني فرصه ابد
تنهد سطام ونطق: اخواني امانه برقبتك ي رعد لو صار لي شي
بالجلسه
نطق القاضي بعد ما شاف الادله : انت تتاجر فيها؟
تنهد سطام بضيق : مهي ليي والله مهي لي
نطق القاضي بهدوء: انت ماعطيتني اي دليل انها مهي لك
سكت سطام ورجعو يجلس ونطق القاضي الحكم : سجن ٧ سنوات بسبب متاجرته بالممنوعات
نزل سطام راسه بضييق الدنيا ودخلوه السجن
-
بعد ٧ سنوات
كانو اطفال متجمعين يلعبون بحماس
دخل الحوش شخص كبير شوي ابتسم يشوف اطفال يلعبون لف واحد الصغير يشوف الشخص الي دخل عليهم وهو مستغرب تقدم يوقف قدامه: انت مين؟
ابتسم الشخص وجلس على ركبه: انت وش اسمك؟
رد نهار: انا نهار بن فارس
ابتسم سطام : وواضح عيون فارس
استغرب نهار منه وتجمعو باقي الاطفال عليه بستغراب تنهد يسالهم عن اسماهم ردة طفاله منهم : انا نوره بنت ملهم ، ورفعت يدها لبنت صغيره: وهاذي اختيي ورد
ابتسم طفل ينطق بحماس: انااا محمددد نواف
ضحك سطام ونطقت بنت منهم : انا نهى بنت رعد
ابتسم سطام والدموع بعيونه ذولي عيال اخوانه تنهد يشوف واحد جالس على الدرج ما جاء معهم زعلان ابتسم يتقدم له وجلس جنبه: مين مزعلك ي بطل؟
رفع الطفل عيونه وحس سطام بشعور غريب نطق الطفل: ياخيي حمود مايخليني العب معهم
ابتسم سطام وهو حاس بشعور غريبب يداهمه: اهاوشه الحين بس قول لي انت وش اسمك
ناظر فيه الطفل ببراءة: انا سطام
ضحك سطام بستغراب ونطق: وانا بعد سطام
ضحك الطفل ينادي الاطفال وهو يصرخ: فيه سطام كبييير
كان سطام جالس يشوف سطام الصغير يسولف لهم بحماس طلع شخص ما يعرفه سطام ابددا ونطق بصراخ: سطااام انتبه لا تطيح
وقف سطام بصدمه وهو مستغرب واستغرب الشخص منه ونطق : مين انت؟
نطق سطام بهدوء: انا سطام بن فراس
ابتسم الشخص ودخل تارك سطام يهوجس طلع نواف وهو مستغرب وتجمد يوم شاف سطام قدامه كان وراه تركي وهو معه بنت صغيره انصدم وهو يشوف سطام الي ما تغير بس كبر ونطق بصراخ: سطااااام!
اطلعو كل المجلس وهو خايفين يحسبونه سطام الصغير وطارت عيونهم يوم شافو سطام الي الكل فاقده تقدم نواف وهو بصدمه يحضنه ويصرخ: سطططام سطام اخوي رجعع سندي بعد الله رجع
قلبو البيت فرح والكل مستانس برجعت سطام بس الحريم محد درا منهم ، ابتسم وهو مشتاق لهم كثيير كان يتواصل معهم بس من فتره لفتره عن طريق رعد
-
بالمجلس ابتسم نواف يساله: كلنا ندري انك مظلوم لا تخاف
ابتسم بحزن ونطق : الحمدلله على كل حال
تنهد سطام بستغرب ونطق: الا سطام الصغير ولد مين؟
سكت المجلس كله تنهد سطام لان كل ما سالهم سكتو وقف يطلع من المجلس متوجه قسم الحريم يبي يجلس عند خواته ابتسم يشوف نوره بنت ريوف جالسه برا مع البنات : ي بنت ريوف
لفو بنات ريوف كلهم الي هم نوره وورد ابتسم ونطق: نادو اختي
دخلت نوره وورد جلست تناظر له بستغراب جلس وجت جلست جنب: انت مين؟
ضحك سطام وهو يشوف ملهم صغير قدامه: انا خالك سطام
ورد بستغراب: خالي؟
هز راسه ب"ايه" سكتت ورد تتامله وهو يبتسم لانه تويق بوجهه : اشبهه خالي نواف؟
هزت ورد راسه" ايه" : بس انت احلى
ضحك سطام من ردها الي صدمه ، كانو العيال يلعبون كوره بالحوش قدام سطام الي يلعب مع ورد وقف لان نوره طولت يبي يرجع للرجال بس جته الكوره وتنهد يلعب معهم
-
نوره دخلت تبي تقول لامها ونست وجلست تلعب مع بنت تركي و رهف وقفت نجد بتطلع تشوف ولدها تنهدت تشوف واحد من الرجال يلعب معهم كان معطيها ضهره لابس ثوب ورافعه يلعب معهم بحماس كانت تشوفهم من نافذة الصاله تنهدت براحه تشوف ولدها سطام يلعب معهم وهو مستانس بس اقشعر جسمها وهي تسمع محمد ولد نواف يقول: عميي سطام شوتها هنا
حست الدنيا تدور فيها سطامم سطام رجع! لفت للبنات : بنات هذا مين؟
وقف كل البنات يبون يشوفون صرخت ريوف: سطاااااام
وطلعت تركض وطلعت وراها غرام انهارت نجد ما قدرت رجع بعد كل ذي السنين!
-
انخرش سطام من صراخ خواته الي جو وحضنوه والاطفال مستغربين غرام بنهيار: وييينك كل ذي السنييين
تنهد سطام يبادلها وهو ما وده يتكلم عند الاطفال : الحياه ي غرام الحياه
تنهدت ريوف ومسكت بناتها توريه : شوفف جو بناتيي وانت مو موجود ويينك عننا
غرام سحبت نفسها داخل وطلعت ومعها ولد صغير: تحسبين بس انتي تورينه عيالك
ضحك سطام من خواته ومعاملتهم معه نطقت غرام: شوفف ذي نهى وهاذا هايف
ضحك سطام وهو ياخذ هايف منها ويحضنه : اخخ ماتوقعت بيجي يوم اشوف عيالكم حولكم كذا
ضحكت ريوف ونطقت: باقي انت نشوف عيالك
ابتسم بحزن : مافيه عقب نجد الاحباب احد
تنهدت غرام تغير الموضوع: شوف حمود نسخمه مصغره من نواف
ضحك سطام : اشوفه عرفت انه ولده على طول
ريوف : حتى نهار فارس صغير
سطام بتسال: عنده غيره؟
هزت غرام راسها: عنده نهار وبنته عمرها ٩ اشهر اسمها غلا
ابتسم سطام ونطق: ونواف
ريوف : نواف عنده ولدين حمود و
قاطعها سطام بعتقاده ان سطام الصغير ولد نواف: سطام؟
سكتت ريوف وهزت راسه"لا" سطام بستغراب : انتو وشفيكم كل ما سالتكم ولد مين تسكتون ميين مسمي على اسمي؟
غيرت ريوف الموضوع: طيب انا نوره تشبهني؟
تنهد سطام بضحك: ايه بس الصغيره ملهم
-
كانو البنات يهدون نجد المنهاره : رجعع رجعع
تنهدت لميس: خلاص ي نجد اهدي ياخي
نجد بدموع: كيف كييف
دخل سطام الصغير بستغرب يشوفهم متجمعين على امه همست رهف: امسحي دموعك لا تخوفين ولدك
تنهدت نجد وهي تحاول تهدي نفسها عشان ما تخوف ولدها الي عمره ٦ سنوات تقدم سطام يشوف وجهه امه احمرر رفع يده يحطها على وجهه بستغراب : ماما
تنهدت تحاول ماتبين دموعها نطقت برجفه: هلا يماما
سكت سطام ولدها يشوف دموعها تنزل وقفت تاركته تركض للحمام سكرت الباب ونهارت ركض ولدها وراها بخوف وقامت لميس والعنود وراها تقدم سطام ولد نجد بدموع يطق الباب على امه الي يسمع بكائه: ماماا
تنهدت العنود تتقدم تبعد سطام الي كان خايف وتطق على نجد الي اختفى صوتها: نجدد بنتت
ما سمعت اي رد خافت وطقت بكل حيلها مسكت راسها بخوف ولميس اخذت سطام تركض للرجال خافت تدخل جلست على ركبها تكلم سطام الصغير: روح ناد نواف بس لا تقول ماما فيها شي قول خاله لميس تبيك
هز الطفل راسه ودموعه تنزل وطلع الحوش لقسم الرجال تنهد سطام يدخل وخواته بالحوش مع الاطفال انصدم يشوف سطام الصغير يمشي للمجلس ودموعه تنزل تقدم يمسكه: بسم الله فيك شي
هز الطفل راسه بخوف ونطق :ماما ماما ما ترد
استغرب سطام وساله: وينها ماما
رد سطام الصغير: كانت تبكي دخلت الحمام وخاله العنود طقته بس ماما ما تفتح
وقف سطام يشيل الطفل ويدخل لقسم الحريم جاهل مين امه كانو البنات متجمعين يطقون باب الحمام على نجد وقف سطام عند باب الحريم ونطق بصراخ: وخرو خل اكسر الباب
لفت غرام وريوف لبعض بخوف وصار صمت لثواني دخلو البنات الا غرام وريوف تقدمت غرام تاخذ سطام الصغير وقف سطام يسالهم: منهي امه؟
بتفكيره ان ممكن يكون ولد خالد رغم ان خالد مو موجود ، سكتو غرام وريوف تنهد يناظرهم بغضب: انا كل ما سالتكم عن ام سميي ما تجاوبوني منهييي امه وش اسمها !
نطق سطام الصغير وهو يناظره : ماما اسمها نجد
توسعت عيونه بـ صدمه للحظة حس بمثل الموية الباردة تنكب عليه اسمها يتردد بـ إذنه : ماما اسمها نجد !
لف بـ إستعجال وهو يكسر الباب لما رجع لـ واقعه بلع ريقه بـ صدمه وعدم إستيعاب وهو يشوفها طايحه بـ نص الحمام .. اقترب منها وهو ينزل لـ مستواها رفع راسها وهو يناظرها بنبضات قلبه المتسارعه نزلت دمعة حاره ع خده شلون تغيرت من الهم والحزن خشمها الاحمر وجهها الذبلان وجسدها النحيل !
غمض عيونه بـ قوة ماتحمل النظر لها بهالمنظر المؤلم رغم شوقه لها هي مو مثل ماتركها تغيرت كثير !!
رفع يده وهو يضرب خدها : نجد .. نجد تسمعيني !!
شالها بـ إستعجال لما ماسمع اي رد منها خايف عليها كثير خايف يفقدها وهو ماشبع من النظر لوجهها
ركض لسيارته وهو يضمها لـ صدره أكثر بـ شوق ولهفه غمض عيونه لـ وهله وهو يتذكر لما كانت نايمه بـ حضنه بـ اخر مره شافها كان سطام الصغير وراه ما قدرو يمسكونه رفض الا ويروح مع امه تنهد سطام يركبه جنبه ونجد ورا ركبت ريوف بعد ما اخذت اغراض نجد بعد دقايق وصلو المستشفى وريوف دخلت مع نجد بقى سطام ومعها ولد معشوقته نجد تنهد سطام بخوف ينتظر اي شي وقف سطام الصغير جنبه ناظر فيه سطام وابتسم نطق الصغير: ماما بخير؟
هز سطام راسه بـ "ايه": ان شاء الله
تنهد يسند نفسه على السياره وقف سطام الصغير جنبه ونطق: جوعان
ناظر فيه سطام بضحك: هاه
كشر سطام الصغير: جوعااان جوعان
تنهد سطام بضيق يوم تذكر نجد كان ولدها نسخة منها عيونه .. خشمه .. لون شعره .. شامته الي بنفس مكان شامة امه ابتسم ورفع جواله يتصل على ريوف
كان يتامل سطام الصغير الي كان ماسك يده وسرحان فيه رجع من سرحانه يوم سمع صوت ريوف: هلا سطام؟
رد بهدوء : بروح اجيب اكل لـ سطام جوعان
تنهد ريوف: تمام اي شي يصير بقول لك
نزل جواله وهو يشيل سطام الصغير للسياره وهو مبتسم رغم الحزن الي داخله .. تزوجت غيره ما فكرت فيه؟ تنهد بحزن ونطق: الله يسامحك ي عبدالعزيز
ناظر فيه سطام الصغير بـ بتسامه: وين بنروح
ناظر فيه سطام وابتسم له وقلبه ينزف بكل مره يشوف ويتذكر انه ولدها من شخص ثاني نطق بضيق وهو مبتسم: بنجيب اكل لـ سطيم
ضحك سطام الصغير ونطق : حتى ماما تقول سيطم
ارتجف قلب سطام وابتسم بحزن وشغل السياره
وجلس سطام الصغير يربط له الحزام
-
بعد ٣ ساعات
فتحت نجد عيونه بتعب ماتدري وينها تنهدت تشوف المغذي بيدها لفت يمين شافت ريوف شبه نايمه على الكنبه رجعت غمضت عيونها وتذكرت ولدها وصرخت :سطاام
فزت ريوف الي كانت مغمضه من التعب بخوف: بسم الله
وقفت نجد تسحب المغذي : سططام سطام ولدي وينه!
وقف ريوف بسرعه تمسك يدها : هديي هديي ولدك مع سطام
تنهد نجد ونزلت دموعها بضيق: يعني رجع؟
هزت ريوف راسها بـ"ايه": صدقيني قولي له كل الي صار ماراح يتركك هو يحببك ويعشقك بعد
نطقت ودموعها تنزل على خدها: وينه عنيي كل ذي السنين ما جاء الا يوم كبرر ولدي ومات زوجيي
تنهد ريوف ماتدري كيف تعلمها الحقيقه سكتت تشوفها تبكي منهاره
-
تنهد يشوفه نام بحضنه كان جالس يسولف له ونام ابتسم يتامله وبكل مره يتذكر انه ولدها من شخص ثاني تنزل دمعته بقهر تنهد يشيله وينزل المستشفى يبي يتطمن عليها وقف بصدمه يشوف شخص ما توقع يشوفه كان واقف عند قسم أمراض القلب ، تنهد لانه لازم يمر من قدامه مشى وهو يتمنى ما يشوفه ذاك الشخص بس وقف وهو يسمعه يناديه : سططام
غمض عيونه وهو يدعي عليه من كل قلبه ولف : نعم
غمض عيونه عزيز بتعب: تكفى سامحني والله اني اسف
ناظر فيه سطام بقهر وهو يتذكر كيف عرف مين سوا فيه كل ذا
قبل ٤ سنوات
رعد: عزيز سلطان تعرفه؟
وسع عيونه بصدمه : عزييز!
هز رعد راسه: هو ورا الرساله الي جتك ، تعرفه؟
نزل راسه بقهر : ولد خالي ، يعني هو ورا كل شي؟
تنهد رعد وهز راسه "ايه"بضيق : مانقدر نسوي شي ما فيه دليل انه هو الي حطها .. اعتذر يـ سطام سويت اشياء كثييير بس ماقدرت
تنهد سطام ونطق بغصه: يعطيك العافيه
رجع للواقع وهو يشوفه يعتذر تنهد بقهر الشخص الي قدامه حرمه من سعادته حرمه من نجد حرمه من الحياه حبسبه بالسجن ٧ سنوات نطق من قهره بغصب: الله لا يسامحك لا دنيا ولا اخره
ولف تاركه وهو يسمع ترجهه واعتذاره شد على ولد نجد بضيق : لو ما سويت كل ذا كان الي بيدي ولدي الله لا يسامحك
دخل غرفة نجد وتنهد يكتم ضيقته ودمعته الي بدت تنزل غصب عنه من قهره نزل سطام الصغير عند رجلين امه بالسرير ووقف لثواني يتاملها .. طلع منهار مقهور طلعت ريوف وراه تشوفه حالته تقدمت تشوفه يبكي اول مره بحياته تشوفه يبكي تقدمت تحضنه وهي مصدومه من صدمته انهارت معه تنهد سطام بضيق ونطق بين دموعه : منهو زوجها ؟
تنهدت ريوف بضيق: باخذ سطيم وادخل اسالها بنفسك وقول لها الي صار معك .
وقف سطام وعيونه غرقانه دموع دخل شافها تمسح على راس ولدها غمض عيونه بقهر بكل مره يتذكر انه ولدها من شخص غيره تنهد بضيق وجلس على الكنب معطيها ضهره رغم انه وده يتاملها مشتاق لوجهه
نطقت بعد ما طلعت ريوف: اجبرني
غمض سطام عيونه وهو مشتاق لصوتها ونطق: مين؟
نطقت بغصه: ابوي اجبرني اتزوج .. نايف ولد صديقه تزوجته .. وانا كارهته بس وش اسوي جبت سطام بعد زواجنا بسنه و ..
سكتت شوي وهو سكت من سكوتها نطقت بعد دقايق بصوت باكي: توفى .. توفى هو وبابا بحادث كانو جايين باخذوني من بيت ماما .. سكتت شوي تتنفس
تنهد سطام بضيق وهو يسمع بكائه ، كملت كملت بدموع : عشتتت ٦ سنوات انتظرك يوم فقدت الأمل منك جيتت وينك كل ذي السنيين ؟
سكت سطام شوي ونطق بتردد وبصوت مبحوح : بالسجن
‏شهقت بصدمه
وتنهد سطام تنهيده طويييله ونطق بغصه : مظلوم والله مظلوم ..
سكت شوي ونطق بصوت مبحوح كله حزن : شفت الي ظلمني بقسم أمراض القلب .. طلبني اسامحه
سكتت وهو سكت مافيه الا اصوات انفاسهم تنهد سطام وقفت نجد كان معطيها ضهره ومنزل راسه بهدوء ودموعه تنزل غصب عنه بضيق تقدمت تطبطب على كتفه لف لها وتامل وجهه الذبلان وقف يحضنها و يبكي تعب .. من كل شي ونجد مسكته وتبكي معه اتعبتهم الحياه ضحو كثيير عشان حبهم .. بعد دقايق انفتح الباب ودخل سطام الصغير وقف يشوف سطام حاضن امه تقدم بغيره وغضب يدفه: وخر وخر عن ماما
ضحك سطام رغم حزنه ونجد ابتسمت ودموعه بعيونها نطق : غيور ترا
ابتسم سطام يبتعد عن نجد ويحضن سطام الصغير : تغار انت ووجهك
ضحكت نجد تجلس على السرير وتشوف سطام يحارش ولدها وولدها يصارخ
-
بعد يومين قامت من النوم وابتسمت تشوف فستانها الابيض قدامها واغراضها وسطام ولدها نايم جنبها ابتسمت بحب .. اخيرا بعد كل ذا التعب بتصير حرم سطام رسمي ..قامت تتجهز ليومها الي تنتظره من سنين زواجها هي وسطام ،انكتبت رسميا محرم سطام بن فراس تزوجو بعد عناء دام لسنوات ابتسم يشوفها تتقدم له بفستانها الابيض وصوت الموسيقى وسطام ولدها جنبها ماسك يدها
ابتسم سطام وهو ينتظر ذي اللحظه من سنواات حضنها سطام بشوق وحببب نطق وهو مشتاقق لها : اخييرا وافق الزمان نكون مع بعض
رفع بشته يغطي وجهه وهو مشتاق لها مشتاق لصوته مشتاق لكل شي فيها ، باس مبسمها بشوقق ونطق وجبينه على جبينها: احبك ياوطن قلبي
ابتسمت نجد بحب له
عاش احلى حياه حياه كلها حب وحنان كانت حياتهم سعيده بشكل وسطام الصغير اسعدها اكثرر
-
بعد سنه
دخل بيته بتعب من دوامه المرهق ابتسم يوم شاف سطام يركض بجهته تقدم يشيله ويدور فيه: وش مصحييك؟
سطام الصغير بحزن: ماما تعبانه
تنهد سطام بصدمه ودخل البيت متجه لـ نجد الي اول ما دخل عليها صرخت عليه : بووووولدددد بولددد ضيعتتت جوالي عجزت ادوره بدق عليك
صرخ سطام معها بخوف : بتولدييين وين كيف وش اسوييي
صرخت نجد بالم: وش الي وش تسوييي ودني المستشفى
اتجه لها يساعده بخوف وركبو السياره تاركين سطام الصغير مع العامله بعد ما طلبو منها تنتبه له
بالمستشفى
نجد بـ غرفة الولاده سطام يدور عند الغرفه بخوف ضحك ملهم على شكل سطام : ذقت الي ذقنها معليك ان شاء الله تطلع بالسلامه
سطام بخوف وارتجافي : ياربب تجي بنتي بخير وتقوم نجد بالسلامه
بعد ساعه تقريبا طلعت الدكتوره وتقدم لها سطام نطقت بتسال وهي مبتسمه: سطام بن فراس؟
هز سطام راسه: اييه
الدكتوره ببتسامه: مبروك جتك بنت
ابتسم وبغى يحضن الدكتوره من الفرحه بس مسكه ملهم وهو ميت ضحك ضحك سطام وسجد سجود شكر
طلعت نجد للغرفه الخاصه فيها ابتسمت تشوف سطام مجهز استقبال في غرفة المستشفى زادت ابتسامة وهي تشوف سطام ولدها داخل ومعه باقة ورد ولف بحماس : ماما شوفيي
كان لابس وشاح مكتوب علي
{ سند وطن }
ودخل وراه سطام معه لوحه مكتوب عليها
{وطن بنت سطام ونجد}

انتهت الرحله بسعاده •••

———————————————————————
انتهت اول رواياتيي { ياوطن قلبي}
2024/6/28 | 1445/12/22
شكر خاص لـ اهل الواتباد على صبرهم وانتظرهم بكل مره 🥹💗
الحمدلله دائما وابدا اشكر كل من دعمني وساعدني اوصل للي وصلته ، كانت بدايه حلوه والجاي افضل باذن الله ، كنت مجرد قارئة احب الروايات اليوم صرت كاتبه وانهيت اول كتابتي بنجاح باهر الحمدلله وان شاءالله تشوفوني بروايات اكثر واجمل💗