ياوطن قلبي

Part 17

                                  ~ ياوطن قلبي~

طلعت نجد من غرفتها لغرفة ابوها تبي تقول له ايش صاير لانه تعبت وهي تفكر دخلت الغرفه وماكان ابوها موجود جلست على سريره تفكر
بعد نص ساعه تقريباً
دخل ابوها من برا وشاف بنته نايمه بغرفته ودموعها على المخده تقدم بخوف يمسح على راسها : نجد
ردة عليه بصوت كله نوم وتعب: هلا
عبدالعزيز بحزن من حالتها : نجودتي وشفيك يروح ابوك
انهرت نجد من تذكرت موضوع ملهم : باابا ملهم ملهمم تعباان فيه ورم في راسهه
سكت عبدالعزيز بصدمه وكملت نجد ودموعها ما توقف: باباا هو طلب مني اسوي له تحليل وطلبت من إبراهيم أخصائي أشعة عندناا وسوا له وامس عطاني نتائج تحاليله طلعع عنده ورم بالدماااغ بابببا ماعرف وش اسوي كنت بقول لـ سطام بس كان يتهرب مني بابا ساااعدنيي وش اسويي
نزلت دمعة عبدالعزيز بدون ما يحس حال بنته ما يسر وقف وهو يمسح دموعه ورفع جواله يتصل على ملهم
ردت عليه ريوف : اهلين عمي ابو نجد ملهم نايم نبي شي؟
بلع ريقه بخوف زوجته حامل وممكن يصير فيها شي لو عرفت بالموضوع نطق برتباك: اء صحيه ابي اكلمه تقدمت تصحيه بس ما تحرك حركته بخوف وهي تنادي : مُلهمم!
فز ملهم بخوف من صوتها: هلاا مافينيي شي هلا
عطته نظره بشك : قوم عمي ابو نجد يبيك بالجوال
وقف ملهم بسرعه واخذ جواله وطلع من الغرفه متجه برا البيت
نطق ابو نجد يكلم نجد : نجد قومي يلا بنروح المستشفى بناخذ ملهم ونروح
-
وقف سطام وهو يكتم ضحكه من وجه بهاج الي تغير بعد ما طرده ابو خويلد
وقف بهاج وهو يسحب رجلينه تسحيب ويلعن نفسه انه جاء معهم وقف ذيب وهو يضحك وطلع مع بهاج
تقدم ابو خويلد لـ سطام ونطق بحده: وش جابك بيتي وش تبي ؟
تنهد سطام ونطق: ابي اعرف وش صار لابوي؟
ابو خويلد: ابوك مات خلاص ؟
سطام ببرود: ادري بس كيف مات ؟
ابو خويلد بستغباء: بحادث !
سطام بملل: ياخي ادريييي بس هو ماات بحادث مدبر
ابو خويلد بشك : وانت وش دراك ؟
تنهد سطام بتعب: ياخي شفت ملف كامل عن ابوي
رفع ابو خويلد حاجبينه بستغراب: طيب ابوك كان عنده مشاكل
سكت شوي ورجع يكمل: انت الي كنت معه؟
هز راس سطام بـ"لا": فارس
تنهد ابو خويلد ونطق: ابوك ي سطام كان متورط مع ناس ، ناس ماعندهم لف ودوران ، سطام ابوك كان مدمن مخدرات، وتورط مع ناس ما يخافون الله يوم ما دفع لهم المبلغ كامل خربو سيارته وصار الحادث وقدو الله وما شاء فعل، انا طردني ابوي بعد ما عرف اني كنت اعرف عن فراس وعن ادمانه .
سكت العم بتفكير وسطام دخل عالم الهواجيس
-
كنت جالسه تسوي قهوه وتفكر بـ ملهم جلست وهي تمسك بطنها الي كان بارز شوي وهي تبتسم
دخلت عليها غرام : فوفاا تخيليي مين مرسل لييي
عدلت ريوف جلستها: مين؟
غرام بخوف مع فرح: رعععد
ريوف بصدمه: رعد رعدد
غرام بضحك: اي رعد رعد
ريوف بتفكير : مين وين جاب رقمك؟
غرام وهي ترفع كتوفها بمعنى"مدري" : اذا السؤال الي حيرني
ريوف بضحك: طيب وش يبي؟
غرام ببتسامه: يسال عن حالي
ضحكت ريوف بصدمه: حركاااات
-
عند سطام طلع من بيت العم بهدوء ركب مع خويلد يوصله لاقرب فندق عندهم
سطام بهدوء: توقعت ابوك يطولها زي ما طولها مع ناس كثير
خويلد: هو كان بيطولها لولا ان جود فتحت لك الباب ودخلتك البيت ، ولا فيه ناس تقعد شهور زي حالتك يطق الباب ومحد يفتح بس انت حالفك الحظ
بعد دقايق وصلو الفندق الي فيه ذيب وبهاج نزل سطام وودع خويلد
-
دخل ملهم ومعها نجد عند الدكتور إبراهيم 
د. ابراهيم: شوف ي ملهم حالتك بسيطه ان شاء الله بس تحتاج تسوي عمليه وان شاءالله ربي تكون سهله بس اتمنى ي استاذ ملهم تستعجل عشان ما يسبب كل اشياء ثانيه معك اقل من اسبوعين ولازم نحدد العمليه فيهم
ملهم وهو ماسك راسه بصدمه: طيب نقدر نحدد الحين ؟
د. ابراهيم: نشوف لك ابشر
وقف يطلع وطلع وراه ابو نجد وقفت نجد بتفكير : دكتور ابراهيم العمليه سهله؟
هز راسه ابراهيم "ايه": دكتوره نجد صدقيني سهل ان شاءالله والورم الي فيه صغير نوعا ما بعدين اكتشفنه بدري لو متاخر كان ممكن يكون صصعب
هزت نجد راسه وطلعت ورا ابوها وملهم ، كان ملهم واقف بممر المستشفى: كككيف بقول لـ ريوف ؟
اخاف يصير فيها شي اخاااف عليهااا !
كنت ابو نجد واقف مايدري وش يسوي تقدمت نجد : ملهم
لف ملهم عليه بتعب: هلا
نجد بتعب ماتدري وش تسوي : اتصل على سطام
سكت ملهم بتفكير ؛انا ويين وهي وين انا ماكل هم ريوف وهي تسالني عن سطام ، قاطعت تفكيره: هو الي بيعرف يقول لها
هز راسه : طيب بكلمه
-

دخل سطام الفندق وقابل بوجهه بهاج الي كان نازل ياخذ الاكل نطق بهاج بضحك: طردك عمك
ضحك سطام: لا بس عرفت الي ابي وجيتكم توقعت اني اطول بس شكل الي خلانا ما نطول ان بنتهم فتحت لنا
بهاج بضحك: يعنيي لو ما فتحت ماجيتنا ؟
ابتسم سطام : بالضبط
طلع بهاج ياخذ الاكل وصعد هو وسطام الشقه دخل سطام ووراه بهاج نطق بهاج وهو يفتح الاكل:اجل الحمدلله انها فتحت لنا
وقف سطام ينزل ثوبه : تبون شي ابي انااااام
ذيب عدل جلسته : تعال كل بعدين نام ترا ما اكلت شي
هز سطام راسه بـ" لا" ودخل الغرفه وانسدح على السرير بتعب ودخل عالم الهواجيس بس قاطع تفكيره رنين جواله الي كان من ملهم رد عليه : هلا
كان الجوال بيد نجد رفض ملهم يقول له وطلب من مجد تقول له : اهلين سطام
نط سطام من السرير بخوف وصدمه: نجد؟ ، صاايير شي؟
تنهدت نجد : اسمعني زين
خاف سطام من نبرة صوتها وقفل بوجهها وطلع بسرعه لبس ثوبه واخذ المفتاح وطلع بدون ما يقول لـ بهاج وذيب الي كانو ياكلون ماطقو له خبر رن جواله مره ثانيه وما رد انطلق لـ الرياض بسرعه تخوف رغم بعدها عن المدينه الي هم فيها الا انه وصل بوقت قصير رن جواله اكثر من ١٠٠ مره بس يوم وصل رد عليهم : وينكم؟
رد ابو نجد بصدمه: كيف ويننا ؟؟
نطق سطام بعصبيه وخوف: ويينكمم بجيكم ؟
ابو نجد: تجي كيف انت مو بالمدينه ***** ؟
سطام بهدوء مخالطه خوف: جيت صوت نجد ما يبشر بالخير
تنهد ابو نجد بتعب: تعال المستشفى الـ******
قفل سطام وانطلق للمستشفى رغم اتصالات بهاج وذيب قفل جواله ونزله ونزل بعد ما وصل  شاف ملهم برا تقدم يمسكه: فيك شي ؟
تغير وجه ملهم يوم شاف سطام رجع سطام يكرر كلامه: احد فيه شي ريوف نوااف فارس غراام جدي ؟؟؟
هز راسه ملهم"لا" : ادخل شوف عمي عبدالعزيز بيفهمك كل شي
دخل سطام بخوف وهو يفكر؛ نجد فيها شي يارب مافيها شي ميين وشفيهم !
وقف يوم شاف نجد يعرفها من بين الف شخص شافها جالسه على الكراسي وابوها عبدالعزيز جنبها تقدم ووقف قدامها نطق بهدوء: وش صاير ؟
وقف عبدالعزيز: تعال شوف الدكتور هنا بيقول لك لا تخاف شي بسيط
تقدم سطام دق الباب ودخل وقف الدكتور ابراهيم: اهلين
ناظر فيه وناظر ورا ودخل جلس الدكتور بتفيكر : انت سطام
هز سطام راسه "ايه" تنهد الدكتور ونطق: اكتشفنا عند ملهم ورم
ناظر فيه سطام بصدمه كمل الدكتور: ورم في الراس لازم نسوي له عمليه باسرع وقت ممكن عشان ما يتعب اكثر ، طلبو مني اقول لك عشان تقول لـ زوجته على حسب كلامهم انها اختك
وقف سطام والدنيا تدور فيه طلع برا وجلس على اقرب كرسي له تقدم ابو نجد بخوف وجلس جنبه ونطق: تهونن تهونن وانا عمك