بعد مرور اربعه عشر يوماً
مرن هلايام
على نفس الي ما تركت غرفتها لا اكل او نوم
ما تحجي وي اي بشر وحته من رسل وعذراء وفاطمه اجنها للبيت رفضت تشوف اي احد.
ايهاب. سافر لاربيل حته يكملون اتفاقهم مع عصابه دحام.
نور. تروح للمدرسه وترجع كلمن بالبيت ملتهي بهمه
وعدها تواصل مع محمود .
وجدان. تردتت على اختها وتحاول تصلح علاقتها بأخوانها شوي شوي .. لكن اخوها الي بالبصرة
لحد الان ميحجي وياها.
حسين. وبعد ما عرفت انو نفس مخطوفه احس روحي شاطتت بس اريد اشوفها بس اريد امرها
سمعنه من امها حجت ابوها اصلا مفكر يحجي او
يطلب مساعدتنه والبنيه مطالعه ولا احد شايفها اهخخ لو بيدي.
محمد. خلصت هلايام من الجامعه للمستشفى لسلسبيل مستحيل اكدر اعوفها كلبي تكطع عليها
الليل ما اكدر انامه واني افكر بيها بس تخلص هلفتره حتقدملها واجيبها لبيتي هيه واخوانها مستحيل اعوفها يم عمامها القذرين ذول.
سلسبيل. خلصت الفاتحه وخلص البجي وعمامي محتارين واحد يشمرنه على الخ... عذراء وفاطمه ورسل اجني للبيت واسلوبهن مختلف وياي صايرات لطيفات ما خلني استغرب بكثر ما نفس صديقتي والاقرب الي ما اجتني ولا واستني اذكر اجت اول يوم اصلا جنت مو بوعييي وما حجت وياها حرف
راحت وعذراء لامتها هواي .. بس رسل كالت ضايعه مدري مخطوفة بس ما كلفت نفسها تتصل عليه وتعرف اخباري.. على الاقل بس تكلي البقيه بحياتج.. ما توقعت منها.
______________
اليوم الخامس عشر
نفس. كعدتت صبح دخلت الحمام .. اباوع على المراية.. غسلت وجهي .. اباوع على المي وهوه ينزل..
وفجأه
اسمع صوت خرشة وراي.
درت وجهي واشوفها.
درت وجهي اباوع بالمراية واشوف انعكاسها وراي.
تقربت لحضات وحجت.
.... صرنه نتشابه نفس .
نفس..
... ضحكت.
طلعت وسديت باب الحمام بقوة.
وكفت كدام المراية..
رفعت شعري اثنين كرون.
بدلت وطلعت.
جانو كاعدين على الريوك
وجدان. وكفت. نفسس.
نور. ابتسمت . اخيرا طلعتي من الغرفه.
وجدان تعالي اكلي حبيبتي.
نفس. بدون ما اباوعلها . ما..ما اريد.
طلعنه
صعدنه.
كرار. باوعتلها عكدتت حاجبي .. ضعفانه حيل..
جوه عيونها اسود .. وجها اي حياه مبي..تحسها
جثه.. شفتها بيضة.. الشي الوحيد المتتغير بيها كرونها.
نزلت..
دخلت المدرسة
تمشي ببطئ كل مره تركض.
ما اعرف شحجي والله بس الي يشوفها قبل وهسه يكول :
حسبي الله بالوصلها هيج مرحله.
بس هاي.
أنت تقرأ
مأثمة
General Fictionروايه باللهجه العراقيه. ملاحضه/البارتات قصيرة الى وسط صعوداً.. - اني هنا يمج نفس .. بكل وقت تسوين بي مأثمه حكون يمج.. بس.. حته اساندج واشجعج تكملين بس حته ازيح الهم اليهجم على ضلوعج بعد كل اثم تسوينه. = انتِ شيطان. - لا ، اني انتِ. بقلم الكاتبه رو...
