مأثمة

بارت ٣٣

مريم. بصياح.  يا حقيرةةة فتحيلي الباب.. ضربته برجلها.. فتحي الباب اريد بتي منج يا حيوانه.

تلهث. واكفه ورة الباب.
نفس...

مريم. كتلج افتحي الباب.

نفس.
بعد الركع والصياح صار هدوء..
واشوف الباب ينفتح .. بالمفتاح.
فتحت الباب..
واشوفها.

مريم. واكفه تلهث بعيون حمر وسواد تارس وجناتها .. راسها مشدود ..
ومثل لمخبله.. هجمت عليه..

مريم. بتي.. بتي وينها يا حقيرةةةة بتي وينهاااا.

ما دافعت عن نفسي او دفعتها.

تضرب على راسي وبطني.. برجلها وبأيدها
كطعتت شعري.. ضربتني راشدي.
مخلت شي مسوته.

وخرت عني وهيه تلهث..
بصقت بوجهي.
مريم. ولج يا ريتج ميته.. اختيشش.. اختيش انتِ اريد بتي.. ولج اريد بتي... وينها .. وين وديتيها.

اباوعلها.
بس دموعي تنزل بدون اي تعبير او كلمه او حته رد فعل.

فجأة وكعت..
لازمه راسها..
اجه رجلها يركض..

حسن. مريم.. حبيبتي..كومي يروحي.

شالها..
باوعلي بحقد.
ونزلو...
مسحت وجهي لزمت شعري..
وين.. وين.. قراصاتي..
اباوع بالكاع.. ادور عليهن..
رحت فتحت الرف.. اخذت اثنين جدد.
اباوع بالمراية... رفعت اثنين كرون.  اباوع لوجهي.. عين حمره.. وزراك.. قميصي مشكوك من الجتف.. جرح شفتي رجع نفتح ينزف..
كعدتت على السرير....
تمدتت غمضت عيني وما اعرف شنو صار بعد...

فزيت واعتقد ما مر وقت هواي ..
على عطر.. نفس شخص.. بكلبي.. وبروحي..
فتحت عيني واشوفه..

نفس. بجت فورا. بابا.

كعدتت
حضنته واني ابجي.

ايهاب. ... اششش.

نفس . بابا....هئ..هئ...

وخرني عنه. مسح على وجهي باس ايدي.
ايهاب. شبيج.

نفس. وهيه تبجي. اريد اموت بابا.

ايهاب. تؤتؤتؤ...
مسح دموعها .

نفس. حضنته. هئ هئ

ايهاب. كلشي تصلح هسه.. بس.. ترجعين تعيديها؟.

نفس...هئ.

وخرها عنه.
ايهاب.همم؟

نفس. حجت بصوت طالع من كلبها.
اني .ما. ندمانه. على اي شي سويتة.

ايهاب...

نفس. ولا حندم بحياتي كولها.

. ابتسم بخفه. وكف.
فتح الدرج.. اخذ العلبه فتحها المعقم وكطن.
تقرب كعد..
ايهاب. تعرفون شنو نفس.
فتح المعقم بلل الكطنه.
لزم وجهي ..
يمسح شفتي..وخدي..