مأثمة

بارت ٣١

انعاكسي على المراية...
لازمه صطل المي الي صار لونه احمر..
دنكت اباوعله.. رفعت راسي على صوت.

... بووو.

اباوعلها..
تمشي.. وتتفتل بين المرايات.

.. عبالي بابا زعلان منه.

رعشه سرت بجسمي..
اباوع هنا وهنا..مو اني الي دا احجي مو اني.

نفس..

... ضحكت بصوت عالي.
يعرف انو دفعتيها متقصده.

نفس..

..... بس.. محجه شي.
هههههه.

نفس.م..منو انتِ.

سكتت  فجأه باوعتلي فاتحه عيونها الي صارن بيض وكبار.
... ا..اني.؟؟!!!

مشت خطوات بطيئه وكأنها طلعت من المراية ووكفت كدامي مباشرة.
... منو اني.

نفس.بلعت ريكي ووكع الصطل من ايدي
والمي الاحمر كله بالكاع.
نفس. ..

..... لتفتت للمراية.

بلعت ريكي.. وكل جسمي يرجف.
باوعت وياها على المراية.
و..واشوف بس روحي..

واسمع صوتها تهمس بأذني.
.... اني.. هيه انتي نفس..

نفس...

حجت بفحيح.
.... اني بداخلج.. وي انفاسجج.

نفس..

...... بكل مرة تسوين مأثمةة حتلكيني يمج..

نفس. بلعت ريكي ونزلت دموعي.

.... بكل مره تسوين ذنب.. حكون موجودة.

نفس..

حجت فجأه فاتحه عيونها.
...بس.. بس.. حكون موجودة.. حته اساندج.

نفس...

.... ضحكت بصوت عالي.
حته ... ازيح الهم الي حيتجمع بكلبج بعد كل اثم تسوي.

نفس..

... وحكون دائماً الجزء الابيض من كلشي.

نفس. ابتسمت صفح.

... ابتسمت مثل ابتسامتي .

نفس. يعني شيطان .

... لا، انتِ.

حجت هيج واختفت.

درت وجهي
لازمه اذني...
الهث.. واحس روحي اريد..اريد اتقيئ..
ركضت.. كدام المغسله.. غسلت وجهي..
كحكح...
ما باوعت بالمارية....
غمضت عيني..
واشوفها ..
تشبهني.. هيه نسختي..
بس..
وجها شاحب.. ابيض
شعرها مثلي..
تحت عيونها اسود
البؤبؤ جبير حيل..
شفتها مشككه ناشفه..
لابسه فستان احمر.. قصير....
فتحت عيني احاول اطردها من افكاري...
طلعت برة..واشوف المي الاحمر بالكاع..
وريحه..ريحه دم..
عبرت كلشي.
وصعدتت..
دخلت الغرفه قفلتها..
غمضت عيني..
وما اعرف شنو صار بالدنيه بعد.