مأثمة

بارت ٧٥

للكاتبة:ﺰيِّنِبً عٌلَيِّ.
روٌمًيِّسِـأّء..🥹🥹
تٌـصّـوٌيِّتٌـ+تٌـعٌلَيِّقُ+مًتٌـأّبًعٌهّـ=♡♡♡♡
أّسِـتٌـمًتٌـعٌوٌأّ.
ــــــــــــــــــــــــــــــــــــــــــــــــــــــــــــــــــــــــــــــــــــــــ

‏عٌِذرکْ مًأّيِّفُـيِّدٍ شُـلَوٌنِ عٌِذر أّلَمًأّيِّ
مًنِ يِّغُرگ بًنِأّدٍمً يِّرجّـعٌ يِّغُسِـلَهّـ !
ـــــــــــــــــــــــــــــــــــــــــــــــــــــــــــــــــــــــــــــــــــــــ

بكل ما بي من قوة وحيل مخلوط بالحقد وعقچت الحواجب وتعكر تفاصيل الوجهه رفع رجله ورفسني بنص گلبي حسيت روحي شاطتت وطلعت من عيوني وحلگي وي الدم والدموع.. شهگت شهگه قويه ما حسيت غير على جسمي ينرفع بسرعه عرگانه وانفاسي تتصاعد اناضر حولي واشوف نفسي بانعاكس مرايه ميز تواليت عالسرير والغرفه فارغه..رفعت ايديه اباوع بيهن يرجفن..قبضت ايدي وارجع افتحها على امل تروح الرجفه وخرت الغطه خليت رجلي على الارض وگفت سانده جسمي على الادراج ليم السرير  نويت امشي خطوه وخايفه اتحرك اكثر ورجلي القدم مجبرة والعكازة بعيده عني..  لحضات ونفتح الباب ودخل قيس بأيده صينيه زغيرة تقدم  بتجاهي بمجرد ما شافني واگفه.

_ نفس..ليش واگفه حبيبي گوليلي شتردين..

تقدم لزم ايدي مستغرب وضعي وعيوني الي تريد تحرگ جلده وتذوبه  تذكرت الكابوس تذكرت شلون چان يباوعلي تذكرت شلون ضربني وهاذ كله مو مجرد حلم هذا كله صار وياي عالواقع هذا كله اني ضگته وتجرعت مره.. هذا الانسان الي گدامچ نفس بعمره ما راح يصير زوج او حبيب .. هو عدو.. عدوچ اللدود الي حلفتي تنتقمين منه انتم كلكم نفس النسخه كلكم تتشابهون كلكم انذال وسُفلاء وطايحين حض واكبر گواويد...
دفعته من على صدرة فقدتت التوازن وتمسكت بالسرير حچيت.
_ وخر..  وخر مني حقير..  عوفني بحالي مااريد اشوفك شوفتك.. شوفتك تحرگني قيس اكرهك اني بعمري وحياتي ما حبيتك ولا اگدر احبك اصلاً.. شحب منك گلي.. عيونك..  كلامك..  ريحتك.. ايدك كلشي بيك من اشوفه احس روحي تصعد لزردومي مااگدر انسه ولا اگدر اكمل حياتي واعيش مثل هاي العالم..وشنسه انسه من قتلت ابني لو من اغتص* لو من ردتت تسحلني رابطني بالسيارة لو انسه حبستي هنا لو عمي الي راد ياخذني ويكتلني بصحراء ضلمه..  شنسه فهمني..اني..اني من يوم اجيت للدنيه تعبانه ومتمرمره لك ما اتذكر شوكت ا.. اني شوكت اخر مره فرحتت..
الهث وانفاسي تتصاعد وجسمي يقطر ناگع بالعرگ والغرفه حيل باردة اني شبيةة... ما حچه يناضرلي بعيون ذبلانه بحزن ليش ميحچي ليش..يريد يخبلني فوگ ما اني متخبله..
دنگت لتفتت اباوع واشوف بالصينيه سچينه يم صحن الفواكه..اخذتها ورجعت اناضرله.

_ اذا مو اليوم يا قيس.فـ باچر..واذا مو باچر فـ الي بعده اكيد..

_ نفس.. اني..

بحركه سريعه غرزت السچينه بنص بطنه
چانت چبيرة وتلمع لمع مزقت الجلد بسهوله واني غارزتها واحس اگدر اضغط اكثر واكثر..تقدمت بكل ثگل جسمي بتجاها بعد ما شبه وگع بجسمه عليه واني لزمته بس لزمته بالسچين الداخله ببطنه.. 
صرت اضغط واصعد ليفوگ بنفس الوقت بحيث الجرح صار بالطول.. اسمع صوت شهكه خفيفه وي اخ" بصوت خافت يصدرها بس مهتميت.دفعته وطلعت السچينه بنفس الوقت..اناضرله متمدد على الارض وگع على بطنه عالجرح مباشرة.. ومااشوف غير الدم وهو يزحف بكل بطئ وهدوء يلامس اصابع رجلي ويحسسني بقشعريرة سرت بجسمي وي صوته الي يردد اول حرف من اسمي بدون ميگدر يكمل الحرفين الباقيين.