مأثمة

بارت ٧

نفس. وشبيها.. ترا بكد جدي.

حسين. بهدوء وهوه يباوعله.
خوفج من هذول ..

نفس. عوجت حلكي.
مشيت وراه.

صعدنه السيارة.
كعدتت كدام.

حسين. اكثر من مره كلت لعمي  ليخلي سائق ..

نفس. بعدم اهتمام. لعد منو يوصلنه بعد.

حسين. خلي امير يتعلم سياقه.

نفس. هه حته نموت.

حسين. اسم الله.

نفس. هه.

حرك السيارة.
حسين. وين صايرة صديقتج.

وصفلته العنوان.
نفس. مو الشارع الاول ولا الثاني لا الثالث على اليمين بالفرع اول بيت يمه بيت ثاني عدهم دجاجات يطلعن بالشارع.

حسين...

نفس. تخيل ولك اكثر من مره اشوفهن من يخافن يدخلن لبيت اصاحبهن يعرفن فدوة لله.

حسين. ابتسم. طبعا غير مربينهن..
بس وصفج جيد احسنتي.

ضحكت.
نفس. رفعت ايدي. والله ما اعرف اوصف شسوي.

حسين. كلت وصفج جيد.

نفس. خوش استاذ.

حسين. ابتسم.

نفس. صير مدرس احسن..شرحك يخبل ..
بصوت خافت.
نقذني اليوم.

حسين. صدك والله .

نفس. وداعتك.

حسين. افكر بالطب صراحه.

نفس. اكو طالب عراقي ميفكر  بي.

حسين.ضحك.

نفس .وهيه تباوع من الجامه.
والله عبالك فد اختراع.. ومن تحجي
يكلك (دوصله هسه).. ويسكتك..
منين نجيب ال ٩٩.٤٣

ضحك بصوت عالي.
حسين. والله عندج سوالف نفس.

باوعتله .
نفس بجدية. شبيها.

حسين.باوعلي. ابتسم.
تخبل.

ابتسمت بخجل.
ودرت وجهي على الجامه.
وصلني.
نزلت.

حسين. شوكت ارجع عليج.

ابتسمت بغرور.
نفس.مداعي اتفقت وي بابا يرجعني.

حسين.  متاكدة.

نفس. طبعا.

حسين. تمام.

مشه.
ضربت الباب.
فتحتلي  امها.

نفس. هلاو خاله اشونج .

كريمه. هلا يمه تفضلي. الحمد لله انتِ شلونج.

دخلت..
انزع بالحذاء( تكرمون).
نفس. بهلدنيه خاله شنسوي لعد..
سلسلوة هنا.