مأثمة

بارت ١٤

مقص..
اخذته..
اباوع على شعري..
فتحته.. مشطتت وكعدتت اقلمه
قصرته حد وي اذني.. طولان شوي...
نفشته.... وهوا اسود .. اسود ليل
ما يمشي بي صبغ ولا تبين تفاصيل التسريحه بي كدما اسود..
بس لكرون حلوه ..
قفلت باب الغرفه..
فتحت الكنتور...
طلعت فستان احمر ضيك فوك الركبه..
شمرت الملابس..
ولبسته..
لبست الكعب..
وكفت اباوع على مرايتي
شكد احبها..طويلة حافتها منقوشه بورد
اسود...لازكه عليها صوري وكل ذكره..
لزمت دفتر مذكراتي.. كتبت شوية..
لزمت الحُمره الحَمره..
لطخت شفتي....
شغلت معزوفه ساجده عبيد بصوت مسموع بس بالغرفه..
وكفت..
غمضت عيني.
رفعت ايدي احركها
حركه نازكه بطيئة....
اسمع صوت الباب يدك.
مشيت واني اركص...
فتحت الباب..

نور. نف.....

سكتت وهيه تباوعلها..
فاتحه عينها.
نور....؟؟؟؟؟؟

اباوعلها نص عين..مبتسمه.
لزمت ايدها.. عتيتها دخلتها..
سديت الباب.
افتر بشكل دائرة واركص...
وهيه واكفه بالنص.

نور. صدك تحجين نفس.

ضربتها بخصري.
لزمت ايدها..ومستمره.

نور. سكتت. ابتسمت صفح.
لزمت الموبايل بأيدها.
وبدتت تهز جتاف وياي... ضهري على ضهرها. وكلمن تركص على صفحه...
تقريبا مرت دقايق..

غيرت الاغنيه.
واني بيها وبدونها مستمرة مغمضه عيوني.

نور. سمعي هاي أحلا...

وكفت ..

نور. ليش وكفتي.

نفس.كعدتت .. على السرير.... ابجي.

نور. اهووو سيطري على هرموناتج نفسسس.

نفس.بجيت بصوت اعلى.

طفيت لغنيه.
نور. خيرج ولج انتِ هواي اضحكين
بكده مرتين البجي.

نفس. حياتي قاسيه شسوي.

نور. احمدي ربج اكو ناس تتمنه عيشتج.

نفس. وينهم .. دليني خنتبادل..
سكتت وحجيت.

نفس. بس اخذ بابا منها وخلياخذ عيشتي.

نور. تنهدتت. كومي نامي باجر دوام.

طلعت.. وسدتت الباب.
رجعت متمدده على السرير..
اباوع على السكف ودموعي تنزل..
لزمت الموبايل.
واشوف.

رسل..
الرسالة : وينججج ولجج خبيثة.

كعدتت .
نسيت ارد.

فتحت البصمه  وجانت :
رسل.هلاو نفيسه اكولج باجر متفقين نطلع  اني وعذيرة وفطوم تجين ويانه.

الرسالة الثانيه :
رسل.ترا هنه كولش حبنج ام كرون.

دزيت بصمه.
الرسالة :
نفس. كلش حبني وماتن من الحب همين.. من حجايه وحده خنزرت بوجهي ومشت جنها مطي.