خالتو مريم جاتنا ووقتها كان ماري على موت زوجة مروان اكتر من أربعة شهور بس هو كان لسة زي م هو كأنو لسة هي ماتت أمس سلمت علينا خالتو مريم وقعدت بعدها بدت تقول لي امي انا عايزة اعرس لي مروان مروان لازم يتزوج
ماف حاجة ح تطلعو من الحالة اللي هو فيها غير الزواج وكمان إياد وزياد محتاجين أم وهي بتقول انا بقيت كبيرة
في العمر نسيت حتى أتعامل مع الأطفال الصغار كيف ونضال مع الجامعة وانا قلبي مقطوع عليهم شايفاهم قدامي
كدة عايزة وحدة تكون ليهم أم هم وتكون أم لمروان كمان لما تكون في وحدة جنبو بيقدر يطلع من الحزن الهو فيهو
دا وهو طول الوقت من الشغل للبيت يقفل نفسو م بشوفو إلا تاني يوم الصباح امي قالت ليها كلامك صاح يامريم
لو زوجتيهو ح يقدر ينسى حبة والبيت ح يتقل ويكون فيهو حركة قالت ليها عشان كدة جاياك قالت ليها احكي يامريم
قالت ليها من يوم م جيتونا انتي ولنا بالعصر وشفتة لنا شايلة زياد وكيف نمتو في حضنها قالت ليها من وقتها وانا بقول
م ح يكون في احن من لنا على مروان واولادو امي قالت ليها يعني انتي عايزة لنا لمروان قالت ليها ايوة عايزاها لمروان
عايزاها تكون أم لي اولادو وتكون أم لمروان نفسو يحكي الم بقدر يحكي لي أنا امي قالت ليها بس لنا لسة م خلصت جامعة
باقي ليها سنة ولنا م عارفاها اذا ح تقدر تتحمل المسؤلية ولا لا قالت ليها لو على ألسنة ح تخلصة في بيتا ومستحيل مروان
يرفض وهي اصلا م كانت عارفة انو ح يحصل عكس كلامة وقالت ليها متأكدة ح تقدر تتحمل المسؤلية انا جنبها وانتي م بعيدة
منها كلها مسافة خمسة دقايق امي قالت ليها قرار زي دا تاخدو لنا جاتني امي جوة وحكت وانا الكلام نزل علي زي الصاعقة
بقيت م قادرة ارد ولا عارفة اعمل شنو بس في اللحظة الأنا فيها فكرتة في زياد واياد م عارفة ليه مروان بالنسبة لي
كان عبارة عن حاجة محطمة وقتها وهو ح ياخدني بس عشان يقدر يلملم نفسو من أول وجديد ويرجع زي م كان الولد الكان
مكسر كل بنات الحي وكل واحدة تشوفو إنسان راقي جداً وانيق بس كانت عيونو م بتشوف غير زوجتو ربنا يرحمة اكتر تفكيري
كان في أولاد مروان وليس مروان وكنتا بقول على الأقل اخفف مسؤلية عن امي وأقدر اساعدة في قراية أخواتي الباقيات
وبقول لي نفسي يالنا انتي ح تبقي أم لولدين يعني ح تكوني أم قبل م تكوني أم يعني مسؤلية بيت وأولاد وزوج بدل
م تحصل بالتدريج لا انتي كلها ح تحصل ليك مرة واحدة قلتة لي امي قولي لي خالتو مريم لنا موافقة امي قالت لي متأكدة
قلتة ليها ايوة ياامي امي قالت لي خالتو مريم كلامي وخالتو فرحت ومشت بيتها وانا هنا بفكر بقول يالنا ح تقدري تتحملي
مسؤلية تلاتة وهما اصلا حتى الكبير فيهم بالنسبة ليك ح يكون طفل كلهم محتاجين حب منك ومحتاجين حنيتك ح تقدري
تقسميها بينهم بالتساوي من غير م تجي على التاني خالتو مريم شكلها كلمت مروان ومروان كان موافق اصلا لانو هو اصلا
كان بس بوافق عشان اولادو وكلمت الباقي ووافقو جونا في البيت بس في كل البحصل دا م شفتة مروان بعيني ولا كأني
عروس زي زي أي عروس عايزة تفرح بعريسة
يتبع....
