اصبحت اما قبل ان ابقى اما

4

بعدها

قعدتة في مكاني بفكر في الكلام القالو مروان بيني وبين نفسي قلتة يالنا

حاولي إنك تتاقلمي على وضعك أي كان هو لأنك بارادتك انتي وافقتي ماف حد

غصبك بعدها دخلتة على غرفتي اتحممتة ولبستة ولسة كان عندي أمل

انو مروان ح يجي بس بعدها لقيت نفسي نمتة من غير م أحس م فتحتة عيوني إلا لما باب غرفتي في حد ضربو

وصحيت على فتحت الباب لقيت مروان جريت توبي اتغطيت قال لي صباح الخير قلتة ليهو صباح النور بي صوت

الإنسان اللي يداب بيكون قايم من النوم قال لي أنا طالع ماشي الشغل طبعاً هو عندو وكالة سفر وسياحة قلتة

ليهو طيب ح أقوم اعمل ليك الشاي قال لي لا خليك اصلا انا بشرب الشاي تحت عند امي من زمان متعود على كدة

ختة لي القروش على طرف السرير وقال لي ديل مصاريفك انتي والأولاد ولو احتجتي حاجة اتصلي علي قلتة ليهو

حاضر قال لي لو زياد واياد محتاجين حاجة اتصلي على اجيبه ليهم معي وانا جاي قلتة ليهو طيب قال لي مع السلامة

وطلع للحظة حسيتو كأنو كان مركز معاي وفي تفاصيلي وشي شعري باقي جسمي اللي م كان مغطيهو كل التوب

بس قلتة لي نفسي شكلك بتخرفي كلامو معاك أمس كان واضح قمتة اخدتة حمامي وغيرتة ومشيت رتبتة ليهو غرفتو

ورتبتة غرفتي ونزلتة عند ماما مريم ونضال لقيت سولارا قاعدة صبحتة عليهم وقعدتة ماما مريم خلت نضال تجيب لي

1

الشاي شربتة سولارا بقت تهمس لي بتقول لي في عروس بتنزل من بيتة تاني يوم طوالي قدرتي تعمليها كيف قلتة

ليها كيف قالت لي بعد الحصل أمس قدرتي تنزلي عادي انا لحظتها م كنتا فاهمة قصدها بس لما قالت لي شكلو مروان