وانا واقفة في المراية بفك في دبابيس التوب مروان قال لي خلينا نسافر قلتة نسافر وين قال لي المكان الانتي بتحلمي بيهو وجا مسكني قال لي اعتبريهو شهر عسل لانو اصلا انا م وديتك شهر عسل قلتة ليهو شهر عسل قال لي أي
قلتة ليهو بس انحنا م عرسان قال لي لسة عرسان وح نمشي قلتة ليهو طيب موافقة وعلى الأقل تبقى
ليك انت إجازة قال لي أي قال لي اتفقنا قلتة ليهو إياد وزياد يغيرو جو قال لي يعني نسوقهم معانا
م نخليهم لي امي قلتة ليهو لا انا م ح امشي من غيرهم وهو حاضني قال لي زي م انتي عايزة انا بموت
فيك ياصغيرتي ضحكتة قلتة ليهو صغيرتك قال لي أي صغيرتي زيك زي إياد وزياد قلتة ليهو وانا كمان بحبك
ياولدي الكبير قام قال لي أحلى ماما في الدنيا وقتها حسيت بي انو قراري من البداية كان صح واختياري لمروان
كان احسن قرار اخدو في حياتي بقت الأيام تعدي علينا ونحنا مع بعض أسعد اتنين ومعانا الأولاد جهز لينا كل
حجات السفر سافرنا ماليزيا كانت أحلى أيام حياتي بس لما بتذكر تكشيرة مروان لما زياد بصحى نص الليل ويبكي
بموت من الضحك بيقول لي زياد دا يوم ح اجدعو بالبلكونة كأنو بيظبط مواعيدنا وبيقوم يبكي قلتة ليهو
انا م ح أرضى ليك تجدعو ضحك قال لأنك بتلقيها فرصة عشان تهربي قلتة ليهو أي قضينا أحلى أيام شهر عبارة
عن ضحك وفسح خلصت أيامنا جينا راجعين بعد كم وانا نازلة السلم عترت لي الدرجة بتاعت السلمة وقعتة
لما قمتة لقيت دم نازل مني جريت نزلتة لي ماما مريم كان الدم نازل بطريقة مخيفة وقفتة قدام ماما مريم
بدمي قلتة ليها الحقيني ياماما مريم لما شافتني صرخت وبقت تقول لي لنا يا لنا مالك قلتة ليها وقعتة قالت
لي انتي حامل قلتة ليها م عارفة ياماما مريم اتصلت على مروان وجابت بتاع أمجاد وجري على المستشفى
خلينا الأولاد مع سولارا في البيت طلعتة حامل واجهضتة حتى من غير م اعرف مروان جانا جري على المستشفى
