بعد قفلتة الباب واستوعبتة الموضوع جربت جري على غرفتي شلتة التلفون واتصلتة على فريدة وبقيت اقول ليها عملة ايوة عملة قالت لي بجد قلتة ليها قالت لي احكي لي حكيت ليها قلتة ليها طلعتة معاهو للباب باسني وحضني قطعت لي
كلامي قالت لي بس قلتة ليها أي قالت ومن قبيل شابكاني عملة وانا فرحتة قلتة خلاص بس ياستي ماشين
كويس في تطورات قالت لي زياد واياد وين قلتة ليها لسة نايمين قالت لي تمام خلي بالك منهم قلتة ليها والله
يافريدة حاساهم زي كأنو انا الولدتهم مش مرة غيري واصلا قلتة ليها هما بيتحبو رغم ازعاجهم قالت لي حبك ليهم
ح يخلي مروان يحبك قلتة ليها عارفة كل مرة بشوفني معاهم بحس بيهو مبسوط خلصتة منها زياد واياد صحو من النوم
حممتهم وغيرتة ليهم واديتهم وجبتهم واللبن ونزلنا مشينا لي ماما مريم تحت قعدنا فطرنا بعدها قالت لي يالنا نزلي
حنتك دي قلتة ليها ليه قالت لي بت اخوهو لي حاج عبدالباقي مناسبتة الاسبوع الجاي عشان ترسمي وحدة غيرة عبدالباقي
دا ابو ناس مروان متوفي يعني العروس بتبقى لي مروان بت عمو قلتة ليها طيب كويس قالت لي ح تجي تدخني عندنا
حفرة تحت هنا بتاعت سولارا تعالي ادخني فيها قلتة ليها كويس قالت لي بعدين العصر ولعيها قلتة ليها بعدين مواعيد
جية مروان إلا بكرة الصباح قالت لي قبل مروان يجي قلتة ليها طيب عملتة لي العصر قعدتة اصلا قضيت القعدة كلها
نصها دموع بتجري من الدخان ونصها كحة فجأة اسمع صوت مروان جا سلم على امو وعلى اولادو وسأل امو قال ليها
لنا وين قالت ليهو بتدخن وقتها انا بقول ليها ليه ياماما مريم كلمتيهو هو سكت م ردة ليها انا سريع سريع قمتة لبستة
ملابسي وتوبي ومشيت سلمتة عليهو بقى يتحمحم م قادرة اوصفة حمحمة الرجال الواحد كأنو عايز يكح ولا عندو حاجة
في حلقو عاينتة ليهو كدة نزل عيونو بقى يتكلم مع امو عن مناسبة بت عمو انا قلتة ليهو طالعة فوق جيب معاك
الأولاد بعدين طلعتة قال لي طيب مشيت دخلتة غرفتي اصلا م كنتا نمتة بالنهار وهاك يالنومة م صحيت إلا قريب
للمغرب على صوت مروان بيقول لي قومي كفاية نوم المغرب جا قمتة بعدها لقيت نفسي نمتة قلتة ليهو طلعتو
متين قال لي بعدك طوالي جينا لقيناك نايمة م صحيناك قلتة ليهو طيب زياد واياد قال لي لعبو لما تعبو نامو قلتة
ليهو طيب هو سكت وانا سكته بعدها قال لي أنا في الصالة قلتة انا هسي ح اجي اخدتة حمامي وغيرتة ملابسي
وسرحتة وختيت حبة ميك اب وطلعتة لقيتو بيحضر في كورة قعدتة معاهو قاعدين في نفس الكنبة أتلفت علي
قال لي لنا قلتة ليهو نعم قال لي جواك بتقولي عني شنو ظالم صاح قلتة لا خالص وليه اقول كدة قال لي بسبب
البعملو فيك قلتة ليهو انت من أول يوم كلمتني وانا كنتا موافقة يعني ماف حاجة بتحصل غصبنا عني اتكلمنا
في الموضوع كتير بعدها الأولاد صحو مشيت اديتهم وجبتهم ولبستهم قمتة الصباح نزلتة عند ماما مريم بقيت
يومي اقعد في الدخان عشان ارسم للمناسبة جاتنا الحنانة في البيت كنتا قاعدة ارسم تحت عند ماما مريم
مروان جا وطلع طوالي م جانا تحت لقانا في البيت جا نازل لي امو انا كنتا سامعاهو بس انا جوة مع الحنانة
قال ليها ياامي لنا وين قالت ليهو بري م عارفاها وقعدت تضحك قالت ليهو فوق ماف قال ليها لا طيب والاولاد
قالت ليهو نايمين جوة جات نضال سالة قال ليها نضال لنا وين قالت ليهو م عارفة الحنانة قالت لي دا راجلك
قلتة ليها أي بس امو واختو بلعبو باعصابو ضحكنا قالت لي يخسي عليهم بعدها ناديتو قلتة ليهو يامروان انا جوة
جا لقاني بتحنن سلم علينا قال لي يعني ديل غشو علي قلتة ليهو أي قال لي خلاص انا طالع فوق خلصي والحقيني
قلتة ليهو طيب مشى الحنانة قالت لي راجلك راقي ونستني وانا اضحك لحد م خلصت مني كانت عايزة تحنن
سولارا كمان بعدها غسلتة حنتي بعد جفت طلعتة فوق اتحممتة وغيرتة ومشيت اشوف مروان في غرفتو لقيتو
راقد بس م نايم قال لي تعالي يالنا ادخلي دخلتة قعدتة على الكرسي
يتبع.....
