بعد إصرار مني مروان رضى يمشي غرفتو لاني م كنتا عايزاهو يفضل اصلا وقتها انا م فاهمة حاجة قال لي طيب لو عايزة حاجة بس اتصلي علي قلتة ليهو حاضر صحيت الأولاد عشان اديهم اللبن ورجعتة نومتهم تاني وانا كمان نمتة معاهم
صحيت على صوت مروان خاتي ايدو على كتفي وبيقول لي لنا صحيت لقيتو قاعد على طرف السرير اتجاه راسي
قال لي صباح الخير قلتة ليهو صباح النور قال لي انتي كويسة قلتة ليهو أي انا كويسة قال لي زياد م يكون عذبك
قلتة ليهو أمس كان اكتر ليل هو يكون هادي فيهو م بكى قال لي طيب الحمدلله قال لي أنا أسف قلتة ليهو على شنو
قال لي على الحصل قلتة ليهو انت كنتا فاكر انو م ح يحصل تبقى غلطان واصلا ماف حاجة بتخليك تتاسف قام قال لي
طيب انا ح امشي المكتب اصلا عندي حجات بسيطة عايز اعملة واجي قلتة ليهو طيب قال لي عايزة حاجة قلتة ليهو سلامتك
قام مشى اتجاه الأولاد نايمين باسهم وصبح عليهم وطلع انا بعدها يداب بديت استوعب الحصل شنو أمس وبديت ارجع
لي أمس بليل وانا مغمضة عيوني بقول في قلبي كنتا بتقول يامروان إنك م عايز مني حاجة وطلعتة عايز مني كل حاجة
بقول في نفسي هو معقول يكون حنيين كدة قطعتة أفكاري وقمتة اتحمم واغير حالي المبهدلة اتحممتة وطلعتة لسة
كانو الأولاد نايمين رجعتة نمتة جنبهم اسمع صوت الجرس لبستة مشيت على الباب فتحتو لقيتة نضال قالت لي مالك
الليلة م نزلتي تحت منتظرنك وانا بقفل الباب وخاشين جوة بخلعة طبعاً لنا مالك بتمشي كدة قلتة ليها عيانة قالت
لي عندك شنو قلتة ليها(حبن) وهي طبعاً ياحليلة صدقتني قالت لي وب عليك ح يعذبك قلتة ليها أي دخلنا
الغرفة قلتة ليها طالما جيتي صحي الأولاد حمميهم وغيري ليهم واديهم اللبن قالت لي كويس عملت زي م قلتة ليها
بعدها نسيت حكاية الغرفة بتاعت مروان والحصل فيها قلتة ليها يانضال ممكن تفرشي لي مروان غرفتو وانا م كان في
بالي انو أمس حصل الحصل قالت لي كويس رقدت الأولاد جنبي ومشت بعد خمسة دقايق جاتني البت جارية وبترجف
وبتقول لي يالنا مروان قلتة ليها مالو قالت لي سريرو قلتة ليها وبعدين قالت لي مليان دم بعدها استوعبتة الحصل
هي بتقول لي مروان مالو عيان قلتة ليها كدة تعالي اقعدي قعدت قلتة ليها دا م مروان دي انا بقت تعاين لي عين
الزول المخلوع واصلا هي في عمري حكيت ليها قالت لي لنا انتي جادة قلتة ليها ايوة قمتة قرصتها قلتة ليها تمشي
تكلمي زول بقتلك ضحكت قالت لي أنا بقدر احكي اصلا مستحيل قالت لي طيب ح نعمل شنو في الغرفة قلتة ليها
انا بفرشة قالت لي بس انتي قلتة ليها بقدر مشيت شلتة المفارش طبقتها وفرشتة مفارش جديدة وبخرتها ليهو وطلعتة
نضال قالت لي أنا ح اشيل معي إياد وزياد عشان انتي تنومي قلتة ليها كويس قالت لي ح أجيب ليك الفطور قلتة
ليها لما ا جوع ح اتصل عليك قالت لي كويس مشت وانا نمتة م صحيت إلا على صوت الباب بتاع البيت بيفتح اتاكدتة
انو دا مروان بعدها بي دقايق باب غرفتي فتح لقيتو مروان بيقول لي نهارك سعيد قلتة ليهو الليلة جيت بدري قال
لي عشان الخميس قال لي الأولاد تحت ولا شنو قلتة ليهو جات نضال شالتهم قال لي انت كيفك قلتة ليهو تمام
قال لي هاك كان في كيس في ايدو مداهو لي شلتو قلتة ليهو دا شنو قال لي افتحيهو فتحتو عبارة عن سلسل
ومعاهو حلق واسورة هو سد كامل قلتة ليهو لي شنو قال لي اعتبريها الشبكة الم جبتها ليك قلتة ليهو اصلا
م كان ضروري قال لي لازم بعدها طلع مشى وانا بقول اصلا يامروان جبتو لأنك حاسي بالذنب ولا فاكرني
زعلانة قمتة دخلتة الحمام اتحممتة وسرحتة شعري وقعدتة أتكلم مع فريدة حكيت ليها الحصل قالت لي يالنا
يعني كل م يحصل بينكم كدة بس ح تكونو في غرفة واحدة وبعدها أي زول في غرفة قلتة ليها م بعرف يافريدة
قالت لي لازم تعرفي إذا كنتي ح تكوني مرتو بجد ولا لا
يتبع....
