قلتة
ليها طيب يافريدة انا اعرف كيف وانا متأكدة أمس هو عمل معاي كدة م عشان
بحبني عشان بس م قدر يقاوم فكرة انو انا وهو عايشين في بيت واحد قالت لي
طيب ياستي انتي حاسة نفسك بعد الحصل دا عايزاهو يحصل طبيعي
تاني قلتة ليها انتي بتهظري يافريدة مش راجلي اكيد طبعاً قالت لي يلا ياهبلة بعد كدة انتي وكيدك لو بقيتي
شاطرة مش ينسى مرتو الماتت ينسى نفسو عديل قلتة ليها كيف قالت لي أولا خليكي لنا الدلوعة الأنا بعرفة
تانيا زي م حكيتي لي يومي ناطة نازلة تحت عند ناس امو وبجي بلقاك معاهم اسمعي هنا تنزلي تسلمي
ولو خليتي الأولاد لي حبوبتهم اول م تعرفي انو قرب يجي جري تمشي تجيبيهم تحمميهم تجهزيهم وتعطريهم
وانتي زاتك يابتي مش عندنا مثل بقول أقرب طريقة لقلب الرجل معدتو قلتة ليها أي قالت لي تنسي لي المثل
دا وتحفظي مثلي البقولو دا زي إسمك أقرب طريقة لقلب الرجل نخرتو يافالحة قلتة ليها كيف قالت لي ح اوريك
أولا الريحة م ادوكي ليها عشان تخليها في قزازة شفتي انتي والبيت كلو تكون ريحتكم عطر اتعطري وعطري البيت
البخور بتاع العروس حق الصندل دا م تخليهو يطلع من جسمك وبيتك مفارشك تيابك ملابسك غرفتو لما يجي داخل
البيت يلقى البيت عبارة عن ريحة حلوة وتكوني مستنياهو انتي والأولاد وفساتينك الوريتيني ليهم بتاعت البيت
القصيرات كل مرة تلبسي واحد وتتمكيجي وتسرحي وتقعدي في الصالة تعملي فيها بتحضري في التلفزيون
قلتة ليها انتي يافريدة طلعتي م هينة قالت لي خلي موضوعي دا بعدين بنتفاهم فيهو فهمتي كلامي وعرفتي
