هائمًا في بحور الدُجًى(جاري تعديل السرد)

البارت 6

عدت الايام وبسمة عايشه مع علي بسمة حبها لعلي كل يوم بيزيد أما علي فبدأ يتعلق بيها وبقى متعود على وجودها معاه
أما كريم بيحاول بكل جهده علشان يخلي علاقة بسمة وعلي تتطور لأنه شايف قد إيه هي بنت طيبه وعلي مش هيلاقي واحدة  أحسن منها

علي : بسمه أومال فين كريم أنا ماشفتوش من الصبح ..

بسمة : خرج قال إن عندوا شغل مهم ..

حل الصمت بالمكان لحد مابسمه قررت إنها تسأله
بسمة : علي إنت ماكلمتنيش عن نفسك خالص ..

علي : عايزه تعرفي إيه عني ..

بسمة : فين عيلتك إنت مش معاهم ليه و.... سكتت بسمة ..

علي : كملي أنا بالحاله دي من إمتا  ..

بسمة بحرج : أنا آسفة مقصدش إني أقلب عليك المواجع هو بس سؤال ..

علي : محصلش حاجه أنا عندي عيلة لكن أنا بروح مع اخويا لأي مكان بيروحوله علشان محسش إني ثقيل على حد ..
كريم بيحبني وعمروا ماحسسني إني عبئ عليه وبخصوص اعاقتي فأنا بالحاله دي من وأنا صغير ..

بسمة : أنا بعتذر آسفة لو سؤالي ضايقك ..

علي : أنا ما اضايقتش أنا اتعودت واحد معاق ومريض زيي فطبيعي إن  الكل يسأله ..

بسمة : مرة ثانية ماتقولش إنك عبئ أنا هنا مش هخليك تحس إنك عبئ على حد مهما حصل ..

علي : وإنتي ذنبك إيه علشان تستحملي واحد بحالتي دي ..

بسمة : أنا معاك ومش عايزه أسمع منك كلمة حالتي مالها حالتك خليك واثق من نفسك ومتخليش كلام الناس يأثر عليك ..

علي : بسمة ماتزعليش مني إنتي عارفه إني لما بكون مضايق مش باخذ بالي من كلامي ..

بسمة : ماشي فاضل آخر سؤال ولومش عايز تجاوب إنت حر ..

علي :اسألي ..

بسمة : إنت حبيت قبل كدا في واحدة في حياتك ؟

علي : لا أنا ماحبتش قبل كدا قضيت عمري حابس نفسي في البيت بين أربع حيطان مافكرتش إني أحب
وبالنسبة لجواب السؤال الثاني أيوة في واحدة في حياتي ..

بسمة حست بالخوف من فكرة إنه يكون يعرف واحدة ثانية
بسمة بتوتر : مين هي أنا أعرفها ..

علي : هههه مستغربه ليه أيوه إنتي تعرفيها كويس ..

بسمة سرحت في ضحكته كانت بتكلم نفسها أتمنى إني أشوف ضحكته دائماً ..

علي : مش عايزه تعرفي هي مين ..

بسمة : لا مش عايزه أعرف اللي سرقت جوزي مني ..

على : مافيش في حياتي غيرك أنا ماتكلمتش مع واحدة ثانية قبلك إنت أول بنت تدخل حياتي ..

قضوا مع بعض وقت جميل كله ضحك ومرح لحد مادخل
كريم بخبث : أنا شايفك مبسوط النهاردة ياعلي إيه مش هتقولي سبب السعادة اللي على وشك دي أنت سامع صوت ضحكتك من برا ..

بسمة بحرج : أنا هروح علشان أطمن على ماما وهرجع بسرعة مش هتأخر ..

علي : إنتي هتستأذني علشان تروحي عند مامتك روحيلها وقت ماتحبي ..

بسمة : تمام خلي بالك من نفسك وخرجت بسرعة ..

كريم : أنا شايف إن علاقتكم بقت كويسه ها قولي إيه سبب ضحكتك دي شايف الإبتسامة لسه مرسومه على وشك

علي : مافيش حاجة ياكريم كانت بتسألني لوكنت حبيت قبل كدا ..

كريم : أنا شايف إنها بتهتم بكل حاجة بتخصك تكونش بتحبك ..