هائمًا في بحور الدُجًى(جاري تعديل السرد)

البارت 14

مراد : طمني يا دكتور العملية نجحت إبني عامل إيه ..

الدكتور بإبتسامة : الحمدلله العملية نجحت لكن هيبقى تحت الملاحظة أربعه وعشرين ساعة مش هتقدروا تشوفوه النهاردة تقدروا تروحوا وترجعوا بكرة ..

هناء بدموع : الحمدلله ..

بيجاد بدموع : الحمد لله ربنا استجاب لدعواتنا ..

مراد : بيجاد اتصل بسرعة كلم البنات وطمنهم عدى وقت طويل أنا خايف مرات أخوك يحصلها حاجة ..

كريم : ياااااه كأنه كان حمل واتشال من على قلبي كنت هموت من الخوف عليه كنت خايف إن العملية ماتنجحش ..
 
هناء : الحمدلله يارب ..
***********************

بسمة بقلق : ماما الوقت إتأخر ولسه محدش كلمنا علشان يطمنا على حالة علي استر يارب صوتها اتخنق ودموعها نزلوا ..

جميلة : اهدي يابنتي علشان اللي في بطنك ..

بسمة : نور كلمي بيجاد ..

لارا : كفاية تمثيل بقى إنتي اخذت كل حاجة وخطتك نجحت بتعيطي ليه دلوقتي ..

نور بعصبية : إنتي تقصدي إيه إنتي مش شايفه حالتها كل اللي بتفكري فيه الفلوس وبس ..

مايا بغيظ : خذت كل الأملاك وكمان خذت مني علي ..

وقبل ما تكمل كلامها نزل قلم قوي على وشها من بسمة
بسمة بعصبية : علي ملكي أنا وبس   ولو اتكلمتي عني مرة ثانية أنا هندمك أنا مش زيك طماعه وبجري ورى الفلوس ..

رؤيا : إحنا كنا مستحملينكم بس علشان بابا لكن لحد هنا وكفاية لو قربتوا من بسمة أنا اللي هقفلكم ..

رن تلفون نور كلهم جريوا ناحيتها
بسمة بلهفه : مين اللي بيتصل نور ردي بسرعة شوفي يمكن يكون بابا ..

نور : ده بيجاد اللي بيتصل ممكن تهدوا ..

بسمة : ردي بسرعه مستنيه إيه ..

نور : الو بيجاد طمنا علي كويس العملية نجحت ..

بجاد : طيب اهدي علي كويس والعملية نجحت الحمدلله  ..

بسمة : عايزه أكلمه أو حتى أسمع صوته علشان خاطري ..

بيجاد : هو لسه تحت الملاحظة الزيارة ممنوعه إحنا مشينا من المستشفى وهنرجع بكرة الصبح ..

بسمة بدموع : إزاي قدرتوا تسبوه لوحده وهو بالحالة دي كنتوا أخذتوني معاكم كنت هبقى معاه ..

بيجاد :اهدي يابسمة علي كويس وهو نايم لسه تحت تأثير المخدر لما يفوق هنروحله وأخليه يكلمك ..

بسمة : تمام أبقى طمني عليه ..

بيجاد قفل معاهم بسمة قعدت تبكي
رؤيا : بتعيطي ليه علي كويس والعملية نجحت والصبح هتتكلمي معاه ..

بسمة : دي دموع الفرح الحمدلله يارب أنا هطلع أصلي ركعتين شكر لله ..

نور : ماشي ياحبيبتي وبعدها نامي شوية ..
كل واحدة فيهم طلعت لأوضتها
*********************