هائمًا في بحور الدُجًى(جاري تعديل السرد)

البارت 15

بدونك لا حياة لي ما دمت برفقتك أشعر أنني أحيا فكلماتك نبضات قلبي ونظراتك نور لحياتي هكذا احيا معك
*************************

الكل كان مبسوط بخبر حمل جوري الكل هناهم
بسمة : ألف مبروك ياقلبي ..

جوري : الله يبارك فيك ياحبيبتي ..

علي : ألف مبروك ياصاحبي ..

كريم خذ بالحضن علشان هو أول شخص بيشاركه فرحته
كريم : بتمنى إن ولادنا يبقوا زينا مافيش حاجة تقدر تفرقهم ..

علي بهزار : إن شاءالله لكن لو جت بنت أنا هجوزها لإبني هههه ..

كريم : وبسمة لو جابت بنت هجوزها لإبني إتفقنا ..

علي : إتفقنا ابقى افتكر كلامك دا كويس ماتبقاش ترجع فيه ههه ..

هناء : لما ولادكم يكبروا كل واحد هيختار اللي يحبها وقلبه يختارها مش هيستنوا اختياركم ..

مراد : كلامها صحيح هيعملوا زيكم كل  واحد أختار بنفسه ..

كريم : المهم أنا مسافر دلوقتي هنسافر أنا وجوري ..

مراد : هتسافروا على فين حصل حاجه ..

كريم : لا عمي مافيش حاجة هنسافر علشان نزور أهل جوري ..

مراد : ماشي تروحوا و ترجعوا بالسلامه ..

بسمة : خلي بالك من نفسك إنتي حامل بلاش الجري والتنطيط ..

جوري : حاضر ياقلبي ..
كريم خرج هو وجوري

علي : بابا ممكن حد يبلغ السواق يجهز العربية أنا عايز أخرج ..
 
هناء : هتروح فين ياحبيبي لو محتاج حاجه قول وإحنا نجبهالك ..

علي : أنا عايز أخرج شوية أنا وبسمة ..

هناء : ماشي ياحبيبي ..
***********************

العربية وقفت قدام محل ذهب السواق نزل ساعد علي إنه ينزل
بسمة بإستغراب : إحنا بنعمل هنا إيه ياعلي دا محل ذهب إنت عايز تبيع حاجة ..

علي : هههه هبيع إيه بس ياحبيبتي تعالي بس ندخل وهتعرفي كل حاجة ..

دخلوا جوا المحل بسمة انبهرت بجمال المكان
علي : بسمة أنا كنت عايز اجيبلك هدية بس قلت الأحسن إنك تختاريها بنفسك ..

بسمة : بس أنا مش عايزه حاجة عندي كتير ياعلي بعدين إنت أجمل هدية في حياتي ..

علي : إنتي عايزه ترفضي هديتي يلا بسرعة اختاري حاجة ولا هزعل منك ..

بسمة : حاضر بس بشرط هناخذ اللي أنا هختاره مش عايزه حاجه غاليه ..
بسمة بصت للذهب اللي قدامها عينيها وقعت على سلسلة رقيقة  عليها فراشه عجبتها أوي
علي بصلها : دي مش غاليه إختاري حاجة ثانية ..
 
بسمة : مش مهم ثمنها أنا حبتها أوي ياعلي ..

علي بإبتسامة : ماشي ياحبيبتي شوفي كمان حاجه تانية ..

بسمة : علي أنا قلت إني هختار حاجه واحده بس ..