هائمًا في بحور الدُجًى(جاري تعديل السرد)

البارت 9

التلفون وقع من إيد بسمة من صدمتها بلعت ريقها بخوف وجريت لبرا ودموعها بعينيها
أمها وجوري بيجروا وراها دخلت البيت كانت بتدور عليه بقلبها قبل عينيها لحد ماشافته متمدد على الكنبه قعدت جنبه وهي بتعيط

بسمة : علي فيك إيه علشان خاطري فوق علي فتح عينيك ..

كريم : مش هيسمعك هو خذ دوا كثير ومش هيفوق دلوقتي ..

بسمة : هو حصله إيه ياكريم أنا سيبته كويس ..

كريم : إنتي عارفه إنه مريض قلب ولما يزعل أو يتعصب بيحصله اللي حصل دا ولما يأخذ الدواء ينام بالشكل دا ..

بسمة ببكاء : مين اللي عصبه إنت قولتله إيه ياكريم ..

كريم : لما علي يفوق يبقى يقولك بنفسه بس اللي أقدر أقوله إني مش أنا السبب في اللي حصله ..

بسمة : أنا ماقصدتش إنك إنت  السبب خوفي عليه هو اللي خلاني أقول كدا ..

كريم : طنط جميلة أنسة جوري أنا آسف مخذتش بالي سيبتكم واقفين ..

جميلة : مش مشكلة يابني المهم دلوقتي هو أخوك ..

بسمة : هو كويس ياكريم هيفوق ولا نأخذه للدكتور ..

كريم : إطمني يابسمة هو هيبقى كويس هو بينام لما ياخذ الدواء ..

قعدوا مستنيين إن علي يفوق
بعد فترة علي فتح عينيه بتعب بسمة مسكت إيده والدموع في عينيها
بسمة بلهفه : علي إنت سامعني إنت حاسس بإيه ..

علي : ماتخافيش أنا كويس بتعيطي ليه أنا مش عايز أشوف دموعك رفع إيده ومسح دموعها ..

بسمة : علي إنت متأكد إنك كويس ولا نكلم الدكتور ..

علي : أنا بقيت كويس بعد ما أخذت الدوا ..

كريم : أحم أحم نحن هنا الحمدلله على سلامتك كدا تخوفني عليك ..

جميلة : عامل إيه دلوقتي يابني ..

علي : أنا كويس الحمدلله معلش ياكريم أنا لما بتعصب بتعب ..

جوري : حمدالله على سلامتك ياأستاذ علي ..

علي : الله يسلمك يا آنسه جوري ..

جميلة : نستأذن إحنا لازم نمشي جوري إتأخرت  سنذهب لقد تأخر الوقت على جوري هرجع مرة ثانية علشان أطمن عليك ..

علي : متشكر ياطنط تنوري ..

خرجت جميلة وجوري بسمة قعدت جنب علي مسكت إيده كانت خايفه أوي وهي شايفاه بالحاله دي كانت هتجنن لو حصله حاجة 
بسمة : قولي ياعلي إيه اللي وصلك للحالة دي ..
 
علي : إهدي محصلش حاجه..

كريم : قولها ياعلي قولها إن في واحدة بتحبك وعايزه تتجوزها غضب عنك ..

علي : اسكت ياكريم غصب إيه شايفني عيل قدامك ماتسمعيش كلامه دا بيهزر ..

بسمة بغيره : ويسكت ليه كريم قولي على كل حاجة مين البنت دي ..
 
كريم : بنت عمته إسمها مايا في الحقيقة هي ماكانتش شايفه علي ولا مهتميه بيه وكأنه مش موجود والنهاردة قالت إنها بتحبه وباباه عايز يجوزهم ..