هائمًا في بحور الدُجًى(جاري تعديل السرد)

البارت 12

أخيراً وصلوا لقصر سلمان الكل استقبلتهم بحب
هناء حضنت ابنها بدموع الفرح والإشتياق
هناء : وحشتني عامل إيه ياحبيبي قولي إيه اللي حصل معاك ..

علي : ماتخافيش ياماما أنا كويس قدامك أهو ..

هناء بصت لبسمة
هناء بإبتسامة : إيه مش تعرفني مين القمر اللي معاك ..

علي مسك إيد بسمة 
علي بحب : دي بسمة مراتي ياماما أنا آسف إني اتجوزت من ما أبلغك ..

هناء : المهم عندي إنك تكون مبسوط ياحبيبي إني أشوف السعاده في عينيك دا كل اللي يهمني
تعالي قربي ياحبيبتي هناء خذتها بحضنها بحب أول مرة تشوف إبنها مبسوط والحب باين في عينيه ..

هناء : أهلاً وسهلاً بمرات الغالي من النهاردة ناديني ماما نورتي بيتك ياحبيبتي ..

بسمة : بنورك ياماما ..

علي : تعالي يابسمة هعرفك ببقية العيلة إنتي اتعرفتي على نصهم
شاور على نور دي نور مرات أخويا بيجاد أنا بعتبرها أختي عندها سليم ودي عمتي لارا
لارا بصتلها بتكبر وشر ودي بنتها مايا

مايا قربت منه مسكت إيده
مايا : علي إنت وحشتني ليه مش بتسأل عني إنت عامل إيه ياحبيبي ..

بسمة ماستحملتش تصرف مايا هي ممكن تتحمل كل حاجة إلا إن حد يقرب من علي
بيجاد بضحكه : لسه صغيره على اللي هيحصلك ..

مايا بصت ناحيته من غير ماتفهم هو يقصد إيه جت تحط إيدها على وش علي لكن ماكملتش بسبب إيد بسمة اللي مسكت ايدها بقوة خلتها تصرخ
مايا : آييي سيبي إيدي إنتي غبيه ولا إيه ..

لارا جت علشان تتدخل لكن منعتها هناء
بسمة بغيظ : أنا استحملتك كثيرا بتكلمي جوزي وتطلبي منه الجواز طيب سيبك من دا
تمسكي إيده وتبصيله وتقوليله ياحبيبي 

مايا بألم : ابصله زي ما أنا عايزه  إبن خالي وخطيبي إنتي بتدخلي بينا ليه ..

بسمة : كان خطيبك لكن دلوقتي هو جوزي الإيد اللي تمسك علي اكسرها والعين اللي تبصله أقلعها
من مكانها واللسان اللي يتكلم معاه اقطعه بسمة زقته بعيد عن علي فهمتي ..

نور بإبتسامة :عاشت مرات أخويا علمتيها درس بنت ملزقه ..

رؤيا : بسمة هتعيد تربيتها من أول وجديد ..

لارا بغيظ : مراد إنت شايف مرات إبنك عملت إيه مع بنتي ..

مراد : هي ماعملتش حاجة غلط لارا فهمي بنتك إن علي خلاص اتجوز ..
هناء خذيهم لأوضتهم علشان يرت

هناء : بسمة هاتي جوزك وتعالي علشان ترتاحوا شوية ..

هناء وصلتهم لأوضتهم بسمة ساعدت علي يغير هدومه بملابس مريحة ثيابه ونيمته على السرير وقعدت جنبه ..

علي : مالك يابسمة شايفك متعصبه المكان مش عاجبك ..

بسمة بغيظ : عامل نفسك ماتعرفش العقربه مايا عماله تبصلك بكل وقاحة أنا هقتلها قريب أوي ..