هائمًا في بحور الدُجًى(جاري تعديل السرد)

البارت 16

بصت وراها شافت كل رجالتها مرمين على الأرض و مراد والبودي جارد بتاعه وراهم حست بالخوف وبسرعة رفعت المسدس على بسمة
لارا : لو ماسيبتونيش أمشي من هنا أنا هقتلها ..
مراد : إيه الشر دا كله كل دا علشان الفلوس أنا مقصر معاكي في إيه مهما عملتي كنت بقول دي أختي ..

لارا : زمان بابا كتب كل حاجة بإسمك وإنت دلوقتي كتبتهم لولادك خذتوا كل حاجة مني ومرات إبنك جت وخذت كل حاجة أنا بقى حقي فين ..

مراد : إنتي عارفه كويس بابا عمل كدا ليه في اليوم اللي هربت فيه مع الخاين اللي اتجوزتيه واتخلى عنك إنتي وبنتك يومها قلتي أنا مش عايزه حاجه وبابا حلف إنه مش هيديك حاجة من أملاكه ..

بيجاد : كفاية ياعمتي وسيبي أخويا ومراته إحنا مابلغناش البوليس ..

مراد : أنا هكتبلك شيك بمبلغ كبير تاخذيه ومش عايز أشوف وشك ثاني وبنتك هتعيش معايا ..

لارا : وأنا موافقه ..

مراد طلع دفتر الشيكات من جيبه كتب لها شيك بمبلغ كبير
مراد : خذي ومش عايز أشوف وشك ثاني وإلا تصرفي مش يعجبك ..

لارا أخذت الشيك وخرجت وهي رافعه المسدس في وشهم علشان محدش يقرب منها
بعد ماخرجت جريوا ناحية علي فكوه شالوه و ساعدوا بسمة علشان تقف 
كريم : إنتوا كويسين عملتكوا حاجة ..

علي : ماتخافوش إحنا كويسين ..

مراد : يلا نطلع من هنا ..
ركبوا العربيات واتحركوا للقصر
***********************

في قصر سلمان
كلهم كانوا قلقانين عدت ليلة كامل وهما لسه مرجعوش لحد ماسمعوا صوت العربيات خرجوا يجروا شافوهم داخلين

هناء حضنتهم وهي بتعيط كانت هتفقد ابنها أكثر من مرة
هنا ء : إنتوا بخير ياحبيبي عدت عليا ليلة واحدة كأنها سنة ..

علي : إحنا كويسين ياحبيبتي اللي ليه زوجة زي بسمة هيكون دائما بخير اللي ليه سند زيها مافيش حاجة في الدنيا ممكن تهزمه ..

بسمة اتكسفت وبصت للأرض
رؤيا : علي إنت كسفت مراتك دا مش وقت الغزل ..

بيجاد : اطلعوا علشان ترتاحوا وبعد كدا نتكلم ..
 
علي : مين اللي قلكم على مكانا ..

مراد : مايا ..

فلاش باك
لارا طلعت لأوضتها ومايا طلعت وراها لارا دخلت الأوضة وقفلت الباب وراها مايا وقفت ورى الباب لأنها كانت شاكه إنها ورى الموضوع دا سمعتها وهي بتتكلم في التليفون

لارا : امسكوا مراته أنا كلمتها وادتها العنوان امسكوها واربطوها مع علي هما دلوقتي بيدوروا عليهم ..

الراجل : إمتا هتيجي ..

لارا : هيخرجوا يدوروا عليهم بعد شوية وأنا هاجي الفجر ..

مايا نزلت تجري شافتهم خارجين
مايا : استنوا أنا عرفت مكانهم ..

كريم : قولي بسرعة هما فين ليه ماتكلمتيش من بدري ..