اتجوزت وحش

الفصل السابع

مليكة

مش عارفه بس كنت مصدومه جدا من اللي هو قاله انا كنت فاكره ان عمي بيهزر!!

بقيت ابص ما بين عمي وما بين ابن عمي عمر بس لقيتهم بيتكلموا بجد.

مازن فضل باصص لي ورافع حواجبه.
قال لي "انتى خرسه ولا ايه ما لكيش راي؟؟ ما تردي يا بنتي وتتكلمي هو انتى شارينك من سوق العبيد؟؟! هو انتى جاريه!!! من اي راجل لاي راجل ثاني؟؟"

لقيت عمر مره واحده راح شاددني واقف في النص باصص لمازن بتحدي بيقول له "و انا فيا ايه عشان ترفضه يعني؟ ما انا زيي زيك ولا ناسي ان احنا اخوات وابن نفس الراجل وناسي ان انا غني زيك ودلوقتي كمان هيبقى عندي شركه وتعليمي زيك بالظبط ما فيكش اي حاجه زياده عني ليه توافق عليك وترفضني اكيد هتوافق علي انا كمان."

وطبعا انا ساعتها اتاكدت ان عمر واخد الموضوع كله عند انا ولا فارقه معاه ولا ولا انا عاجباه ولا هو اصلا بيفكر فيا. هو اصلا لسه مقابلني ازاي يعني هيكون معجب بيا او موافق عليا او هيوافق عليا ليه وليه يستر على بنت عمه  وانا كنت عامله فضيحه يعني انا!! بابايا وامي ماتوا انا يتيمه بس هي دي الفكره كلها.

بصيت لعمر وقلت له "اولا شيل ايدك من عليا"

زقيت ايد عمر بعيد عني وبصيت له كده وقلت لعمي "بص يا عمي انا دلوقتي انا اللي هختار انا مش هسمع لحد ان هو يدمر لي حياتي عشان انا بابا ومامتي ماتوا انا اقدر اشتغل بس انا دلوقتي هحترم قرارك. بس انت كمان لازم تحترم قراري."

فعمي بص لي كده وقال لي "ماشي انا احترم قرارك ايه هو؟"

رحت قلت له "انا ولا هختار مازن ولا عمر انا دلوقتي هعيش معاكم وهتعرف عليهم عن قرب ولو في نصيب هيبقى في واحد فيهم انا اللي هتجوزه وكده كده انا مش هينفع اتجوز قبل السنه الجايه لما اتم 18 سنه."

عمر رد مره واحده بتحدي وقال "انا موافق مع اني المفروض يعني ان انا اللي قبلت بيكي الاول."

فراح مازن بص له كده واخد الموضوع هو كمان تحدي رغم ان انا واثقه اني مازن كان عايز يمشي ويسيبنا كلنا. بس مع ذلك مازن راح باصص له كده ومقرب منه وحط راسه قدام راسه وعينه في عينه وقال له "مين قال لك ان انت اللي وافقت عليها الاول انا كنت موافق عليها من اول ما بابا قال لي من قبل ما اشوفها حتى."

مش عارفه كان عمري ما فكرت قبل كده بالارتباط ولا في اي شاب ولا في اي راجل بس الموقف اللي انا كنت محطوطه فيه كان بجد رغم ان انا عارفه ان الاثنين مش بيحبوني بس كان احساس حلو قوي اداني ثقه فى نفسى . و احساس حلو ان انا اقدر فعلا افكر واختار واشوف مين الافضل ليا.

قلت لعمي "ممكن دلوقتي اطلع اوضتي اللي انا محتاجه اخذ شاور ومحتاجه اخذ الادويه بتاعتي."