إسكريبتات "بقلم حبيبة محمد"

اسكريبت كامل♥️

_الممرضين دول كلهم بيجروا ليه ؟
_مريض الغرفة 4 طرد كل الدكاترة و الممرضين يا دكتور
_طردهم!
_ ايوا و كل الدكاترة رافضين التعامل معاه
_جدو وصل ولا لسه ؟
_أ/ طارق وصل و فـ المكتب بتاعه مستني حضرتك
_تمام
_مسا مسا يا جدو يا قمر
_ اهلا بالدكتور المتأخرة عن معادها من اول يوم
_بمشاكسة: جدو مدير المستشفى و معايا واسطة وكدا
_ لاء بقولك اي يا بنت محمد شدي حيلك كدا،  دا انا مجهزلك حالة هتقعدك فـ بيت ابوكي تاني
_اي الخيانة دي بقى!
تجاهلها و هو يُخرج ملف الحالة ويضعها أمامها
_عمر 29 سنه حالة شلل نصفي نتيجة حادثة اتعرض ليها من سنه، بقاله ست شهور بيتعالج ولكن مافيش دكتور بيكمل معاه اكتر من تلت جلسات لأنه فاقد الأمل فـ حالته و دا بقى دورك
_و انا بقى بتاعت الحالات المستحيلة مش كدا ؟قول انك عايز تطردني يا جدو قول
بضحك: وقتك بدء يا قلب جدو
نظرت له بغيظ و هي تأخذ الملف و ترحل تاركه جدها يضحك ع ملامحها متمنيًا لها النجاح بمهمتها
كانت تجلس بمكتبها و أمامها الملف تنظر له و هي تشرب مشروبها المفضل لتبصق كل ما تناولته فور رؤيتها لرقم غرفة المريض.
_غرفة أربعة! أربعة ياجدو !!  دا شكله عايز يخلص مني بجد بقى!
تنهدت و هي ترتدي البالطو الخاص بها متوجهه لغرفته، وقفت أمام الباب لتأخذ نفسها بقوة و هي تطرق الباب لم يأتيها رد لتطرقه مرة أخرى و تدخل عندما لم يأتيها رد
_أحم انت نايم؟
ظل على نفس وضعيته واضعًا يده أعلى عينيه قائلا
_اطلعي برا
_بمزاح: يجدع قول كلام غير دا، عايز تشمت طارق فيه ولا اي!
ليصرخ قائلاً: اطلعيي برا
تحدثت هي بتوتر: ماتعليش صوتك عليه والله اعيط!
رفع يديه من ع وجهه و هو ينظر لها من فوق لأسفل بسخرية
_انت بقى عمر! ما انت بني آدم زينا اهو دا كانوا محسسني اني داخله بيت الرعب
_ ليصرخ بها و هو يلقي بجميع المُعدات بجواره ارضًا: الاوضه دي هتتحول لبيت رعب فعلا لو ماطلعتيش برااا
انتفضت هي من مكانها و هي ترحل من أمامه راكضه ليبتسم هو بسخرية عائدًا لنفس وضعيته
حسنًا هي كانت تعلم أن مهمتها صعبة ولكن ليست لهذه الدرجة! لتبتسم ابتسامه توحي بأن القادم لن يكون خيرًا و هي ترحل من امام غرفته.
في صباح اليوم التالي
_مين اشطر واحد هيعمل الجلسة النهاردة ؟
_ اطلعي برا
اقتربت بحذر و هي تجلس ع بُعد مسافة ليست بقصيرة منه
_ انا مش عارفة أنت ليه رافض العلاج بس اللي اعرفه ان اكيد في سبب قوي بس تفتكر السبب قوي للدرجادي!
_ ممكن تطلعي برا
_ لاء انا قاعدة معاك انهاردة مش ورايا حاجة
نظر لها رافعًا إحدى حاجبيه: وأنتِ تقعدي معايا ليه إن شاء الله!
_ مش عارفة الصراحة حتى القاعدة معاك مش لذيذة بس اهو تغير
ليبتسم بعدم تصديق على صراحتها
_المهم بقى دلوقتي احنا هنبدأ نعمل الجلسة
_لاء و اطلعي برا
_ يووه بقى انت كل ماتشوف وشي اطلعي برا.! طب مش طالعة
تركها جالسة تنظر له بتحدي و هو يدير وجهه للناحية الأخرى
_ انا اسمي سما الصراحة انا مش تخصص طب نفسي عشان اقدر اساعدك بس انا مُستمعه كويسة! ممكن تعتبرني اختك مثلاً
نظر لها بـإستغراب
_خالتك طيب!
_ ......
_ امبارح عملت صينية مكرونه بالبشاميل و ورق عنب كان طعمهم خطير بجد!
_مازهقتيش؟
ابتسمت لفكرة استجابته لحديثها بعد نصف ساعة لم تصمت بها
_ازهق منك! نهائي بجد
_ انا بقى زهقت
_ قليل الذوق اوي الصراحة
لينظر لها بغضب
ركضت من أمامه
_ خلاص خلاص انا اسفه والله
أغلقت الباب خلفها و هي تضحك اما هو فـ ابتسم على طريقتها
في صباح اليوم التالي
وجد طبيبة أخرى تدخل لغرفته ليشعر بالقلق هل من الممكن أن تكون ملت كغيرها من الأطباء! ليبتسم بسخرية و مَن لم يمل رفقته.
_مساء الخير يا أ/ عمر انا الدكتور اللي هتابع حالة حضرتك انهاردة مكان د/ سما
كان الماضي يُعاد أمامه و هو يتذكر كل شخص تركه لتزداد حالته سوءًا و هو يلقي كل ما بجواره ارضًا لتهرب من أمامه هي
طرقت الباب و هي تدخل تتنفس بعمق
_ الأستاذ اللي عامل قلق! يتصلوا بيه مخصوص يوم اجازتي!
اي الظلم دا بجد
تنهد بـ ارتياح لفكرة أنه لم يُترك مرة أخرى لم يمل أحد آخر رفقته
_ اقتربت منه بهدوء و هي تقول برجاء: ممكن تديني فرصة يا عمر، نعمل اتفاق سوا طيب!
_ اتفاق اي
_ سيبني اعالجك، اديني فرصة افهم أسبابك انا عرفت انك كنت اشطر مهندس فـ مجالك! و شوفت صور شاب مليان بالنشاط والحيوية، عنده امل يخليه يحقق أي حاجة فـ الدنيا ليه وصلت للشخص اللي بيبني حواليه درع حماية و بيتعامل مع الناس بحذر شخص ظالم الشخصية المتفائلة اللي جواه!!
_بصوت مهزوز: موافق
ابتسمت بـ إتساع و هي تُحضر الكرسي لتجلس بجواره
_ من سنه كانت خطوبتي ع اكتر بنت حبيتها كانت جارتنا، اعرفها من وهي لسه طفلة و كان اسعد يوم فـ حياتي كنا خارجين تاني يوم الخطوبة بعدين حصلت الحادثه دي و من ساعتها وانا عرفت قد اي كنت شخص مغفل شخص كان بيعافر فـ علاقة أصلاً من طرف واحد! مشيت و معرفتش عنها حاجة غير دبلتي اللي وصلتني مع رساله قدرت تهز فيه كتير، عارفة فقدت الثقه فـ نفسي ازاي بعدها! و عارفة كم المشاعر اللي واجهتها و كادت تقتلني!
كان يتحدث و عيونه تلمع بالدموع لينظر لها بوجع لأول مرة تراه بعينيه، تحدثت هي بعدما مسحت دمعه تمردت من عينيها
_ تعرف احنا ك بشر ناس غريبة جدًا اوقات بيحصل معانا حاجات كتير و مش بنشوفها، مثلا انت مشوفتش انك كنت الطرف الأكثر حماسًا و كذلك مشوفتش قد اي ربنا كرمك و قد اي كان رحيم بيك انك تعرف حقيقة الأشخاص اللي حواليك ولكن خليني اسألك سؤال سألته ليك قبل كدا
تستاهل ؟ هي تستاهل انك توقف حياتك بالشكل دا و تستسلم لحد كدا.!
اخرجت بعض الصور من حقيبتها و التي كانت قد طبعتهم من حسابه الخاص ثم فتحت الكاميرا الامامية الخاصة بهاتفها بيديها لتضع الصور بيديه و هي تسلط الكاميرا امام وجهه
_شوف الصور دي و شوف الشخص اللي قاعد قدامي و كأن العالم كله هزمه! و الحقيقية أننا اللي نقدر نهزم العالم و الظروف مهما كان نوع الظرف اي صدقني! احنا بس بنختار الطريق الأسهل وأننا نستسلم ولكنه طريق شاق جدًا ونهايته مميته يا صديقي!.
نظر لها بتشتت يجاهد ليستوعب كل كلمه نطق بها فمها
_ شكرًا، شكرًا انك لسه موجودة ومازهقتيش! شكرًا انك لسه بتحاولي معايا فـ وقت انا زهقت فيه مني
ابتسمت بهدوء و هي تقول: والله هتعود ع طريقة كلامك السكرر دي و انسى الشخصية قليلة الذوق اللي اتعاملت معاها
_ صريحة اوي أنتِ خدي بالك!
_ الكل بيقولي كدا تعرف حتى جدو....
قاطعها هو: لاء بقولك اي مش معنى اني اتكلمت معاكي شوية تنسي انك دكتور و دا معاد الجلسة! شوفي شغلك يلا يا الطف دكتور
نظرت له بصدمه: بجدد...بجد هتعمل الجلسة!
نظر لها بـ ابتسامه جميلة لأول مرة: بجد
______________________
_اتأخرتي ليه يهانم؟
__خدت عليه انت اوي خد بالك!
_مش بقالك تلت شهور واكله دماغي ؟
_ عمر انت زهقت مني!
_ مقدرش
_ اه دي حقيقة هتلاقي مين يجبلك بيج شيبس و حاجات حلوة و يشغلك فيلم يسليك هه!
_ و عشان كدا عندي ليكِ مفاجأة
_ بجد! قول بسرعهه يلا
نظرت له بحماس ليبادلها هو نفس النظرة و هو يستند ليقف ع قدميه أمامها واضعًا إحدى يديه ع الحائط ليستند عليها
نظرت له بصدمه و هي ترفع عينيها لأعلى نظرًا لفرق الطول وقد اجتمعت الدموع بعينيها: عمر انت... انت بجد واقف! يعني في نتيجة! دي احلى مفاجأة فـ حياتي كلها والله
_ بتعيطي ليه دلوقتي ؟
_عشان فرحانه! فرحانه بيك اوي يا عمر.
_انا فرحت عشان فرحتك دي وبس والله! فـ الحقيقة كان في تقدم الفترة اللي فاتت ولكن انا مكونتش حابب اتعشم و اعشمك معايا.
_انت تعبت و حاولت كتير و تستاهل، تستاهل كل الخير يا عمر، انهاردة هنطلع الجنينه و اجبلك كل الحاجات اللي بتحبها
_ بـ إبتسامه: انا مافيش حد بيدلعني فـ المستشفى دي غيرك والله!
_بغرور مصطتنع:جمايلي مغرقاك انا عارفة
عمر انت طلعت طويل اوي
_و دي بقى حاجة حلوة ولا وحشة!
_هي حاجة قمر بس انا رقبتي اتلوحت وانا ببصلك لفوق كدا والله!
ليضحك عليها و هي تكاد تظهر بجواره بسبب قصرها
_______________________
_هاه بقى هنعمل اي النهاردة يا سي عمر! احنا ممكن نجيب عصير و حاجات حلوة كتير و ناخد التاب و نتفرج ع فيلم ف الجنينه، اي رأيك ؟
_ بس انا همشي انهاردة يا سما
_ ها
_ بحزن: انهاردة اخر يوم ليه هنا
_بنبرة مُهتزة: يعني خلاص كدا هتمشي! 
_ مضطر امشي لأني خلصت فترة علاجي كاملة و مش عارف لسه هبدأ منين فـ كل اللي جاي و عشان اعرف لازم اخرج
_ خلاص تمام، حمدالله ع سلامتك
رحلت من أمامه سريعًا وهي تمسح دموعها لتجلس بمكتبها تبكي، هي كانت تعلم أن هذا اليوم سيأتي ولكن لم تتوقع أن تكون قد تعودت ع وجوده و سلب كل ما تملك من مشاعر! لطالما اعتبرت سعادته مسؤوليتها
سمعت طرق ع باب مكتبها لـ تأذن للطارق و هي تمسح دموعها بقوة
_ أنتِ ازاي ماجبتنيش ولا مرة المكتب بتاعك ؟
اول مرة اشوف دكتور قمر كدا والله!
_ هتروح فين دلوقتي ؟
_ هرجع بيتي تاني و بالنسبة للشغل هبدأ ادور ع شغل فـ مجالي بإذن الله
_ انت مفتحتش موبايلك انهاردة ؟
نظر لها بـ إستغراب ليجد رساله عبر الچيميل قبوله فـ إحدى أكبر شركات الهندسة
نظر لها بدهشه: أنتِ... أنتِ!!
_ أنت تستاهل اكتر من كدا بكتير يبشمهندس دي شركه حد اعرفه و الصراحة سُمعتك ك مهندس ساعدتني كتير فـ دا كله بفضل شغلك اللي كنت بتوريه ليه
_ تعرفي إن أنتِ اجمل حاجة دخلت حياتي! بجد والله
صمتت و هي تنظر له بـ إبتسامه
_ أنتِ مكلمتيش جدك انهاردة ؟
_ لاء، ليه!
_ ايدا هو انا مقولتلكيش؟
_ لاء مقولتليش!
_ اصل هاجي اشرب القهوة مع جدك انهاردة بليل
_ ااه...ايي!!
_ اكتشفت إني مش هعرف ولا انا ولا قلبي نعيش من غيرك! تتجوزيني يا سما!
_ ولا قلبي، ولا قلبي هيعرف يعيش من غيرك يا عمر♡
يا اللي جتيلي ملاك من السما
لما أشوف نفسي في المرايا
أشوف صورتك كإنك أنا♡!.
#حبيبة_محمد