إسكريبتات "بقلم حبيبة محمد"

اسكريبت لطيف♥️

_استر عليه الله يسترك
_اخرسي، أنتِ حرامية لازم انضف البلد م الأشكال دي
_ هي البلد عينتك حارس ؟ و بعدين مش خدت المحفظة بتاعتك! اتكل ع الله
_ وكمان ليكِ عين تتكلمي!
_اوعى ايدك يجدع انت محفظتك عندك اهي
نظر لرحيلها بدهشه و عاد للتاكسي الخاص به ليُكمل عمله ولكن ما زاد دهشته هو جلوسها بجواره.
_انتِ بتعملي اي هنا يبت انتِ!
_ملك اسمي ملك
_ايوا اعمل اي يعني!
_بقولك اسمي ملك مش بت
_بتعملي اي ف التاكسي بتاعي بقولك!
_ مش هو بتاعك ؟  يبقى بتاعي انا كمان، مش انا وانت واحد ؟
_ أنتِ تعرفيني ؟
_لاء
_طب اتفضلي انزلي
كان ينظر لها مُستغربًا جلوسها بـ كل اريحيه فقد نقلها من المطار ظننا أنه سيأخذ الكثير من الأموال بأعتبار أنها سائحه لكنه تفاجيء بها تسرق محفظته ليبدأ جدال يبدو أنه لن ينتهي سوى بتكسير دماغها كما ظن هو
_ بسسس بسسس
_ ............
_انا بكلمك ع فكرة
_بضيق: انتِ تعرفيني عشان تتكلمي معايا ؟
_انا جاتلي فكرة خطيرة
_خير يا رب
_ احنا نتعرف
ضحك بقلة حيلة وهو ينظر إليها
_ يعني انا المفروض اعمل فيكي اي دلوقتي ؟ عايز اكمل شغلي!
_ يونس اسمك يونس، تشرفت بمعرفتك يا يونس
نظر لبطاقته في يديها مُتحدثًا بسخرية: و دي عرفتيها اجتهاد شخصي ولا حد قلهالك ؟
_ اسمك حلو يا يونس
_ يبنتي بقى! ارحمينيييي
_شكرا انك قبلتني فـ حياتك
_نعم!
_انا دمي خفيف والله و وجودي لطيف زيي
_انتِ لطيفة أنتِ؟!!
_طب انا بقالي ساعتين بلف دلوقتي ممكن اعرف هتنزلي أمته ؟
_ عايزة انام
_ افندم!
_ شششش ماتعملش صوت بقى صدعتني
نظر لها و هي تُريح رأسها ع المقعد و تذهب في ثبات عميق هل هي حمقاء! هذا اول سؤال خطر في باله كان قد مل كثيرًا ليقرر العودة لمنزله بعد يوم شاق قضاه في عمله.
_ أنتِ يا انسه اصحي
_ اخيرااا وصلنا!
_ وصلت* انا وصلت بيتيييي
_ مش انا وانت واحد ؟
_انتِ عبيطة!
_ وهي تصتنع البرائه: يعني هتسبني ف الشارع ف الوقت دا لوحدي ؟
تنهد للمرة المئه منذ مقابلتها هو حقًا لم يكن ليتركها في هذا الوقت: اتفضلي قدامي
_ نظرت له بـ ابتسامه جميلة وهي تسير بجواره ك طفلة حمقاء
_ تقدري تباتي هنا دي شقة والدتي الله يرحمها و انا ف الدور اللي فوقيكي ع طول
_ خلي بالك مني
_نعم!
_ ب ابتسامه: بقولك ابقى خلي بالك مني عشان مبحبش اكون لوحدي
_ أنتِ بتتكلمي عادي زي البني ادمين كدا ؟
_ رجعنا تاني لقلة الذوق
_ ماتقلقيش أنتِ فـ عيوني تقدري تباتي هنا، عن اذنك
في صباح اليوم التالي كانت الساعة الثامنه صباحًا، ينزل بعدما تجهز ليذهب لعمله ليقضي يومًا طويلا ك عادته و في طريقه للمنزل مساءًا عاد ليجدها جالسة تبكي ع الدرج.
_ ملك! بتعيطي ليه ؟
_ انت ازاي تسبني لوحدي هنا! انا مبحبش اكون لوحدي، انا...انا خوفت اوي فكرتك سبتني ومشيت
_ بـ إستنكار: وانا عشان أتخلص منك اسيب شقتين ؟
_مادام قبلت بوجودي فـ حياتك لازم تقدر خوفي وتهتم بيه!
_اهتم بيكِ هو احنا مرتبطين!
ضمت كلتا ركبتيها إليها و هي تبكي بدموع استغربها هو كثيرًا ليجلس بجوارها بهدوء: طيب اعمل اي دلوقتي ؟
_ماتسبنيش تاني
_طيب انا اسف ممكن تبطلي عياط ؟
لتنظر له بـ ابتسامه و كأن شيء لم يحدث
_يلا عشان ناكل
نظر لها بـ إستغراب ليجدها تدخل و تضع ع السفرة اطعمه مختلفه
_فراخ! أنتِ جبتي الاكل دا منين ؟ انتي عارفة الفراخ بكام دلوقتي ؟
بلامبالاة: لقيته قدام العمارة
_نهار ابوكي اسود! أنتِ سرقتي فراخ الجيران!!
_واحنا والجيران اي ؟
_انتي مفهوم الخصوصية دا معداش عليكِ! انا مستحيل اكل الاكل دا
_ يونس انت مش بتقدر تعبي!
_مش هاكل اكل حرام انا و اخرسي خالص بقى! لو حد سأل ع الفراخ دي دلوقتي بقى هتقولي اي؟ هه
_لاء ماتقلقش ما هما سألوا
نظر لها بصمت لتُكمل: وانا قولتلهم انشاله اعدم يونس مشوفتهاش
_و اما اطفحك الطبق اللي قدامك دا بقى ؟
_ لا انت متربي مش هتعملها
______________________
_يونس يونس بص لقيت اي
نظر لها ليجدها تحمل البوم صور له و هو صغير
_سبيه مكانه يا ملك دا بتاعي و دي صوري انا
_وانا وانت اي ؟
_مش واحد مش واااااحد
_ماشاء الله خدودك كانت زي السكر بجد!
__________________________
_انتِ قاعدة هنا ليه ؟
_مستنياك عشان اروح معاك الشغل!
_تروحي معايا فين يختي! مستحييل!
_افتح الشباك دا عشان يدخل شوية هوا
نظر لها بغيط وهو لا يرى سوى أنه يريد تكسير دماغها
_مش ناوية تقوليلي أنتِ مين و اي حكايتك بقى!
_لاء
_اشمعنا انا ؟ و ليه واثقه فيه بالشكل دا.!
_لقيتك عبيط استعبطتك
_و اما اقوم اكسر دماغك دلوقتي؟!
_واثقه فيك عشان انت كان قدامك فرصة ترميني ف اي حته وانا نايمه اول مرة وانت معملتش دا
_اوووف! ازاي مجاش فـ بالي!
_هترتاح مني بكرا خلاص يا يونس
_مش معقولل! مش هتلاقي مغفل تاني زيي لاء
_انت حد كويس اوي! مش مغفل.
مر يومًا لم يخلو من حديثها و مشاكستها له و ضحكاته التي خرجت مُتعجبة كل هذه العفوية و السذاجة في شخص واحد ليبدء يومًا جديدًا
_ هتوصلني للمطار
_مش هتحكيلي ؟ أنتِ منين ؟
_من بلاد بعيدة، م الكويت
_بس دا مش شكل حد من الكويت
_Half Egyptian Half Japanese
_بس يفلاحه
_ في الحقيقة اتحكم عليه اني ما اكونش فـ الرحلة دي مع صحابي في لعبة و بما اني صاحبة بيزنس و غنية سفرتهم الرحلة ع حسابي و بما اني مبحبش اكون لوحدي كنت عايزة الفت نظرك عشان ما ابقاش لوحدي لكن انا مش حرامية و مش هاكل حرام عمري!
_انزلي يلا
نظرت حولها بـ إستغراب
_انزلي نتكلم شوية مش هودعك فـ العربية يعني
_ و بما إنك ما احترمتيش خصوصيتي من ساعة ما شوفتك مضطر اتعدى ع خصوصيتك و اسألك عن صحابك
قصت له الكثير والكثير ليسألها سؤال تهربت منه كثيرًا
_ انتِ متأكدة أن صحابك بيحبوكي ؟
_ يعني حاجة زي كدا، اشمعنا
_ اصل كل اللي بتحكيه دا هما كدا بيستغلوكي!
_  انا عارفة، بس مبحبش ابقى لوحدي! يمكن هما بيستغلوا فلوسي بس انا بهرب م الوحدة بدوشتهم
احب وجودها و الدوشه التي كانت سببًا بها و المنزل الذي لم يعد هادئًا لدقائق منذ قدومها
_طب ماتتجوزيني!
_انت اخويا يا يونس
_بعد دا كله و اخوكي! أنتِ لو اختي كنت ولعت فيكِ والله!
_بضحك: بتكلم بجد انا اعرفك م تلت ايام بس
_اقعدي هنا فـ مصر طيب!
_ انا بيزنس وومن قد الدنيا
_هنتقابل تاني ؟
_ بثقه: هنتقابل كتير يا يونس
_اوعديني تنضفي الدايرة اللي حواليكِ دي
_اوعدك، اما الاقي حد نضيف
لينظر لها بغيظ
_مش قصدي انت والله، انت انضف حد انا قابلته
___________________
_و اتقابلتوا تاني يا مامي؟
_اومال جبناكي أنتِ واخوكي ازاي يا شقيه ؟
_انا بحب بابي اوي يا مامي
يونس: و بابي بيحبكم انتو ومامي اكتر م اي حاجة فـ الدنيا
ملك: يونس
_قلبه و عيونه♡
#حبيبة_محمد