الجزء 2
فاتو يومين تاع الويكاند قعدت في دار إسلام محبيتش نروح لدار بابا بسك نعرف خوتاتها يجيو مام دار خويا مكان مكان قاعدة بسيف لوكان مجيتش نقرا ولله غير نروح نخدم ومنزيدش نقعد عندهم معيشة الذل معندي ما ندير بيها يومين وانا ساهرة منرقدش حتى ل 2 كي انا كي إبتهال نقراو ونحلو في تمارين حابين نجيبو الباك ونروحو نقراو في ولاية خلاف ..قصص إدمان سيما.. اليوم نضت صباح على صوت تلفوني كنت مريقلاتو باه نروح نقرا طفيتو ونضت خرجت للدوش غسلت وجهي وبدلت قشي هزيت تلفون بدلت دوزاني وروحت خارجة باه منوصلش روطار في طريقي عيطت لابتهال قالتي راني خارجة مع كريم يوصلني نتلقاو في لاري تجي معانا قتلها اسمعي نتي من وقتاه ياك كان يخاف عليك وزيد يشوفوك معاه يقولك مش خوها ونولو في السين والجيم وتعرفي هذوك لبنات الزوج يوصلوها لعماتك طايرة( هوما صحابات بنت عم إبتهال وجيرانهم في نفس الوقت ) قالتي واش دخلني فيهم وليد خالي ووصلني معندي ما ندير استناي توال لاري قتلها اوكي معليش مالا حبست توال لاري قعدت شي 5 دقايق شفت طومبيل تاعو حبست عندي وإبتهال راكبة القدام حليت الباب صبحت عليهم قالتي راكي تباني تاعبة قتلها ولله ما شبعت نوم نطق كريم قالي اقراو وزيرو رواحكم في اللخر تنجحو قتلو نشاله ديمارينا طريق كومبلي وحنا نقصرو مع الاول كان كريم ساكت منبعد دخل معانا في الجو نحسو يحشم بزاف معرف علاه كي وصلنا هبطنا ...مع درنا باه نمشو شفت لبنات هذو الزوج جيران بنت عمها من بكري نتهاوشو معاهم شعروهم طارو في جرتنا يضلو يكلاشو فينا وحنا يدينا حارين ونضربوهم يحصراه منحسبش شحال من مرة بردت قلبي فيهم شافو معانا ودخلو وحنا وراهم .. قصص إدمان سيما .. فات هذاك النهار وحنا نقراو كي خرجنا للعشية بكري على 2 قلت لابتهال تمدلي الكراس تاعي باه نحفظ منو بسك سلفتلوها قالتي ارواحي معايا للدار إديه وشربي قهوة وزيد خرجنا بكري على 2 قتلها اواه لالا منروحش قالتي هيا برك جامي جيتي لينا انا كنت نجي ليك ديما قتلها اوك ركبنا في الكار وديمارينا طريق كامل وحنا نضحكو ومدايرين حالة في البيس والناس تشوف فينا وصلنا قريب للدار حطنا مول الكار وهبطنا مشينا شوي ووصلنا لدار دزت إبتهال الباب ودخلت قالتي هيا دخلنا نحيت صباطي ودخلتني للصالو قالتي استناي ضك نجي وراحت تعيط على يماها باه تجي انا قاعدة هكاك حتى دخل وحد الجان للصالو كي شفتو قلبي ولا يخبط بلخف معلابليش هذاك الاحساس لي حسيتو شاف معايا وعقد حواجبو قالي شكون نتي مقدرتش ننطق قالي اني نهدر معاك هدرها بوحد النبرة تاع عياط قتلو وشبيه سماك تاكل في روحك ديجا نتا لي شكون وانا جيت لصحبتي قالي ### كليتني بلا ملح شهقت من كلمتو قتلو ولله ما تحشم قسما بالله حنا نهدرو هكاك دخلت إبتهال كي شافتو لسقت في الحيط قالها ارواحي هنا ربك من وقتاه نتي تلبسي هكا وواش قتلك على الخمار ولا تعلمتي من هذي صحبتك قتلو اييي قادر روحك ونتا واش دخلك فيها قالي انا خوها يا لالة اذا معلابلكش شوفي هنا تحسني الفاظك خيرمن نجي نعسفك تغبري من هذي الدنيا وشاف في إبتهال قالها منبعد نتفاهم معاك راح هو وهي تنفست وجات قعدت توالي قتلها اسمعي نتي شكونو هذا الحيوان قالتي عبدو وين خالي لي حكيتلك عليه قتلها وهذا وشبيه ياكل في روحو قالتي ياك قتلك بلي مدايرني كيما ختو ويخاف عليا حتى انا نرجف كي نشوفو ووصاني منزديش نلبس سروال حرت فيها صح هي كانت تحكيلي وتقولي عليه مي جامي توقعتو هكا قتلها يخاه حيوان ولله قالتي خليك منو متزديش ترديلو الهدرة لا يفلعص جدنا ضك هاي جاية ماما حنا نهدرو عاود دخل راح لاكوموند تاع تليفزيو معرف واش جبد سكتنا ضربة وحدة شاف معانا قالنا اهدرو واش كنتو تحكو ولا حشمتو قتلو نحشم من الوجوه لي تحشم انا نتا مشكيتش شاف معايا رجعو عينيه حمر مزيا سلكتنا يمات إبتهال ومرت خالها كي دخلو شافتو قالتو اا عبدو وليدي مزال ما روحت قالها ايه راني مروح ( هو يخدم هنا في الولاية ) وعمتي وصي بنتك تريقل روحها راني نشوف بدات تجبد قالتو متخافش وليدي واذا كشما درات هاي ليك حاسبها شاف معايا بنص عين وخرج انا نضت سلمت على يماها ومرت خالها رحبو بيا قالتي اول مرة تجي لعندنا علاه اسيدي إبتهال تضل تشكر فيك قتلها ولله نسكن انا بعيدة قالتي معليش المهم نجيبلك قهوة قتلها لااا خلي قالتي ولله ما تصرا وناضت راحت تجيب قعدت معانا مرت خالها تحكينا على بكري ونسا بكري وحنا متجاوبين معاها وخاصة انا .... جات يماها حطتلي من كل خير شربت قهوة وقصرت كي شفت الساعة قتلها هذاك هو الوقت لازم نروح قالتي زيدي اقعدي قتلها ولله لازم غدوة نتلقاو إبتهال قالتي اوكي صحا بستها وسلمت عليهم وجيت مروحة مي حسيت بطومبيل متبعتني معرف علاه وليت نزرب في المشية حتى وصلت لاري طلعت في البيس نستنى فيها ديماري ... لحقت لدار بابا ليوم نروح عندو طبطبت حلتلي مرت بابا قالتي طولتي راهي 5 قتلها ايه روحت عند صحبتي جبت الكراس وزيد البيس طولت قالتي امم معليش ادخلي كي دخلت شفت خوتاتها عندها لحت عليهم السلام ودخلت لشمبرتي ( مرت بابا معندهاش ذراري ) تكيت على السرير تاعبة ونخمم في للحظة جا في بالي هذاك عبدو وليد خال إبتهال صح هو شباب جاي طويل واسمر شوي عينيه نوار حواجبو المعقودين زادوه زين على زين ومنحكيش على البارفا تاعو لي دخل بيها وخلاها عندنا في الصالو نفضت راسي من الافكار لي جاوني اووف ندى وشبيك تخممي فيه وزيد باين عليه إنسان واعر ومديها في روحو نضت بدلت قشي وتكيت حابة نريح ... قصص إدمان سيما ... فاتو يومين كنت خارجة انا وإبتهال من الليسي وقت الظهر( ثما كنا راح ندو العطلة مرة نقراو ومرة لا ) قالتي استناي راح يجي كريم نهدرو قتلها اودي وين يجي ياك راكم تتلاقاو في دار قالتي مش كيف كيف يا البغلة في الدار القدر بينا ستغفرت قتلها وضك كيفاه قالتي امشي نروحو غير للجاردا هنا راهي فارغة هذا الوقت نقعد معاه شوي ونروحو قتلها اوكي مشينا انا وهي وصلنا للجاردا قعدنا نستناو حتى جا لاح عليا السلام انا بعدت خليتهم يحكيو على راحتهم فاتت 10 دقايق وهوما يهدرو روحت ليها قتلها هيا قالتي ايه راني مروحة مي اصبري ضك نروح نشري لحية بابا ونجي ( هذيك لي تشبه للقطن وتتخدم بسكر ) قتلها وين مكانش هنا قالتي غير الحانوت تاع الحلويات يبيعها قالها كريم اقعدي ضك انا نروح نجيبلك قالتو يودي نتي متعرفش ضك نجي راحت تجري وانا قعدت مع كريم تبسمت معاه قالي حكاتلي إبتهال عليك بزاف والمعاناة تاعك المهم انا نقولك ختي راني معاك واي حاجة تسحقيها خوك راه معاك حط يدو على كتفي قتلو مرسي وحطيت يدي عليها حبيت نحيها بسك منحبش لي يتوشيني مع هذيك اللقطة سمعت صوت اسمي لي دار صدى في البلاصة وهي فارغة ندىىىىىىىىىى طرت من بلاصتي نشوف في خويا إسلام جاي كي الثور من الخوف رجليا فشلو قالي كريم شكون هذا جا إسلام طول عطاه بوكس لوجهو طيحو في لرض وطاح عليه يضرب نشوف في إبتهال جاية تجري وتعيط من الفشلة مقدرتش نوض وصلت لعند إسلام تقولو اطلقو مي بلخف كريم دار عليه وطاح فوقو عطاه ضربة لنيفو من كثرة كانت قاسحة سمعنا طرطريق العظم والدم طار علينا عيطت قتلو آسلااااام مهما يكون هو خويا ولينا نهزو في كريم عليه بسيف باه ناض وجهو رجع دم كامل وخويا إسلام داخ طول نهز فيه إسلام نوض نوض وشبيك دخلت في هستيرية تاع بكا تفكرت ماما كي ماتت هزني كريم قالي شكون هذا قتلو خويا شاف معايا وناض هز تلفون وانا وإبتهال نفطنو فيه شفت البلاصة كانت شبه فارغة خاصة ضك وقت الظهر مكان حتى واحد سمعت كريم يقولو ايه ارواح ازرب جا لعندنا قتلو كريم علاااه دير هكا قالي هو ضربنييي تحوسي نسكت حالتو كانت تخوف من راجل عاقل رجع وحش اصلا حسيت عقليتو نفس تاع خوه عبدو ...قصص إدمان سيما جبدت إبتهال قرعة ما ونرشو فيه فطن وحل عينيه بشوي مي لسانو ثقيل باه يهدر ولله فزدلو خليقتو حنا هكاك حتى حبست طومبيل قلت خلاص تفضحنا فوق ما حنا مفضوحين في الليسي من خدايمنا شفتو لقيتو عبدو هذا وليد خالها جا حكم كريم من الكول تاع تركيو قالو وااااش درت نتا كيفاه ديرلو هكا قالو واااش ندير هو لي جاي يضرب في قسامي هزو معايا شاف شاف معانا حل عينيه قالنا ونتوما كنتو تتهاوشو ولا قالتو إبتهال لا قالها ونتي واش ديري هنا واش ديرو اهدرو كريم سكتنا ناض يعيط منبعد نتفاااااهم معاكم هزو معايا لهذا البغل ومنبعد نشوف قصتك اكريم نتا وهي ( يقصد إبتهال ) هزوه وداوه لطومبيل تاع كريم جيت نركب معاه قالي عبدو وووييين لاسقة في ## ثما امشي نتي وهيا هنا معايا روحت نجري المهم ندوه لسبيطار روحت ركبت معاه انا وإبتهال لور ونبكو قالها واش كنتي ديري مع كريم قالتو خويا قالها وااااش كنتي ديري معاه ولات تأتأ قتلو ونتا واش دخل قسامك فيها امشي واسكت ازرب خويا راح يموت فرينا بلخف تخلوضنا انا وهي طلعنا لفوق ورجعنا لتحت دار عندي حكمني من خماري جايبني لعندو قالي شوفي هنا زوج كلمات نهدرهم بلاكي تزيدي الهدرة معايا وطبعني شاف إبتهال تبكي محسيناش كيفاه طاح عليا بكف شهقت وهي رجعت تندب ديمارا ورا خوه وصلنا بلخف لسبيطار ... قصص إدمان سيما .. كي وصلنا هبطت نجري انا الاولى وهوما ورايا حليت بابا الطومبيل جا عبدو تعاونو هو وكريم هزوه ودخلو لزيرجونس كي جينا داخلين وراهم شاف فينا عبدو نتوما اقعدو هنا تدخل وحدة نحشلها رجليها قتلو مدخلكش نشوف خويا شاف معايا وحمر وجهو فيا حكمتني إبتهال قالتي ارواحي خليك منو
