الجزء 4
قعدنا في الدروج والرايح والجاي يشوفو معانا حكمتني إبتهال من وجهي تمسحلي في الدم مي والو مام هي جمد في وجوهنا مبغاش يروح حطيت يدي على خدي ونشوف للناس لي مستغربين فينا اصلا كنا نبانو قتلنا كاش عبد شوي وشفت هذا عبدو خرج قالنا يالله اطلعو نوصلكم للدار قتلو لالا نشوف خويا قالي شوفي هنا تروحي لداركم مكلاه تلعبيلي على المورال وتقلبيلي #### كثرمن راه مقلب اصلا لوكان ينوض يفزدلك وجهك امشي قتلو منيش حااااااابة تفهم بعد على قسامي ودخلت مخلايتو لقيت كريم قاعد ثما والفرملي فوق راسو ينقيلو في جرحو هزيت تلفون عيطت لبابا صونا مرة وزوج كي هز قالي وي ندى قتلو بابا حبيت نقولك خويا اسلام راه في سبيطار ارواح جيهة ليزيرجونس وثاني قبل ما تجي فوت على طومبيل تاعو راهي قريبة للبلاصة الفلانية شوفها اذا مغلوقة قالي واش كاين واش بيه قتلو معرف ارواح برك رانا في سبيطار ## قالي اوكي ضك نجي كوبيت عليه ودخلت نحوس على اسلام لقيتو مع الفرملي ينقيلو في جرحو ثاني وهو يتوجع خرجت مقدرتش نشوف وجهو قلبي وجعني تلاقيت في الباب عبدو وإبتهال قاعدين مع كريم اوو مش قالي نروحو شفت معاه وتكيت على الحيط جات إبتهال توالي حكمت ذراعي وتكات على كتافي فاتت نص تقريب ساعة جا بابا كي شفتو زدت خفت علابلي تتخلط الحالة شافني قالي وشبيها حالتك نتي وينو خوك قتلو راه لداخل قالي واش صرا سكت قالي اهدري قالو عبدو ارواح نهدرو عمي قالو شكون نتا قتلو هذا خو إبتهال خرج معاه معرف واش يهدرو وعاودو رجعو بابا وجهو رجع كحل شاف معايا وحد الشوفة قالي منبعد نتفاهمو خزرت فيا إبتهال وعضت شواربها قتلها علابلي ليوم تخلاص عليا ... فاتو السوايع وراحو عبدو وكريم داو معاهم إبتهال وهي تقولهم ضك يضربوها حب كريم يقعد قتلو لا روح ضك ندبر راسي روحت غسلت وجهي وذراعيا شفت الدم في قشي كي خرجت لقيت بابا خارج من الشمبرة لي كان فيها إسلام طار لعندي طول قالي معليش يا الكلبة ضك نتفاهم معاك وهذاك الخامج جاي يقولي مكان والو خوها وختو قتلو وانا واش درت قالي حكالي خوك غير بلعي نوصلو للدار ونتفاهمو طبعني لسقت في الحيط وقعدت نستنى حتى خرج خويا إسلام خزر فيا قالي ارواحي ليوم نهارك حكمني من ورا رقبتي يمشي فيا هو مريض ويحوس يضربني طبعتو قتلو متزديش تمسني بعد طبعني بابا قالي امشي تشوفي خرجنا وركبنا في طومبيل طول طريق وهوما يسبو سكت سكت منبعد.طرطقت قتلهم وااااش تحوسو ضك مكانش معايا كان مع بنت عمتو صااييي اووو متسمعوش ملي نضتو ونتوما زن زن فوق راسي متفهموووش في حاجة خلاف محوستوش عليا وضك جايين تحوسو قالي بابا بلعيييييي فمك حسابك معايا واسلام مكانش قادر يحكي ... قصص إدمان سيما .. وصلنا لدار بابا حكمني خرجني من طومبيل ودخلني للدار لاحني في هو الكولوار قالي واش كنتي ديري معاه شكونو هذا نشوف في إسلام واقف منبعد قعد فوق الكرسي نضت قتلو راني نقولك هو لافامي تاع صحبتي كي خوها افهمو ضربني بكف كان اول كف في حياتي حكمت خدي وشفت معاه بغل قتلو يدك تخليها عندك وبلاك تزيد تهزها عليا تسممممممع وروحت داخلة لشمبرتي خبطت الباب نبكي ونندب ونعيط خبطت كلش كان توالي وهو يتحلف فيا قالي لا زدتي قريتي ولله ما تعتبي باب الدار ولله خرجت ليه قتلو نقرا بسيف عليك معجبكش اخبط راسك قالي إسلام بلعيييي قتلو نتا مش قادر تهدر نزيد نجي نكمل عليك وشفت في بابا قتلو نتا اول واحد ضربتني مي ولله هذا الكف نرجعولك ولو بعد حين معليش راني حاقدة عليك وجامي لا نسمحلك لوكان غير ترجع ماما تديني معاها الله يلعن عايلة كيما نتوما نكرهكم قالي اهدري واش تحبي والقراية تنسايها ضك دخلي لا نكمل عليك خبطت الباب ودخلت غلقتو بلمفتاح وينك يا ماما تشوفي بنتك وينك هزيت تلفون بسك يصوني لقيتها إبتهال هزيت عليها هي تبكي وانا نبكي قالتي واش صرا قتلها ضربني بكف با أبتهال مد يدو عليا بابا مد يدو عليا وحب يبطلني من قرايتي شهقت قالتي يخاااه واش تحكي قتلها ولله منقدرش انا نبطل قرايتي قرب الباك تعب عام كامل يروح في الريح سكتت وكوبات مفهمتش علاه عاودتلها نفس الشي خبطت تلفون وقعدت نخمم في زهري ضك مستقبلي يضيع منقدرش نبطل القراية هي كلش بكيت ندبت عيطت حتى هديت شوي وروحت للسرير تكيت تكورت على روحي ورقدت ...فقت على صوت الباب يطبطب نضت قتلهم اخطووووني قالتي هاذي انا حلي كانت مرت بابا قتلها روحي واش تحوسي قالتي باباك يسحقك هو وخوك في حاجة قتلها منجيش قالتي ارواحي راهم يتحلفو فيك بلاك لمصلحتك نضت حليت الباب قتلها واش دخلت وغلقت الباب قالتي انا جامي جرحتك ولا عاملتك كيما بنتي مي اليوم نديرك بنتي وننصحك راهم جاو يخطبوك اقبلي قتلها شكون قالتي لي لقاوك معاه قلبي حبس الدم جمد فيا وليت نفور ونغلي طحت في لرض هبطت عندي قالتي وشبيك قتلها واش تحكي هذاك راح يخطب صحبتي قالتي هو جا مقبيل وصفتلي كيفاه مداير زاد قلبي طاح كثر قتلها واش تحكي نتي منقدرش هذاك ناوي صحبتي ناوي ختي لالالا مستحيل قالتي اقبلي باه تفوتي الباك تاعك وراها اطلقي على روحك والطلاق مش عيب مش نتي اول وحدة تطلق المهم فوتي الباك وساهل قتلها منقدرش كيفاه سمعت صوت بابا يعيط خرجت ليه للصالو لقيت سهام قاعدة شغت معاها ومعاهم قالي بابا راه جا خطبك السي كريم وراح تقبلي قتلو نتا وااش تحكي هذاك خطيب صحبتي بركاو هبلتو قالي مالا ضك قرري يا تقبلي يا مكانش القراية والخرجة قتلو نموت ومنديرهاش اذا نتوما معندكمش ضمير ومعندكمش صحاب اصلا متعرفوش واش معانها صحبة وهذيك اختي لي مجابتهاش ماما ديرو في بالكم هو راح يخطبها ويحبو بعض قالي مش مقبيل قلتي خوها اااه يا اللفعة وزيد ساكنة معاه في نفس الدار وتعلم فيك الطبايع الشنين قتلو مدخلكش فيها خير منكم قالي بلعي يا تقبلي يا مكانش القراية ونتي قرري قتلو وانا عندي زوج كلمات القراية نقرا ومنتزوجش مزلت صغيرة حتى وتطبق السما على لرض واخر كلامي ورحت خليتو يعيط هوما صح يعيطو عليا وبابا ضربني مي علابلهم بلي عند روحي وكي نشد في كلامي مستحيل نتراجع عليه ...قصص إدمان سيما .. دخلت لشمبرتي هزيت تلفون نرجف لقيت إبتهال معيطة ونميرو خلاف الظاهر مسمعتش عيطت لابتهال نرجف كي هزت قالتي عمري وشبيك كشما دارولك قتلها لا مي حابيين يزوجوووني قالتي وااااااش كي هدرت هكا طيحت مني النص باين معلابلهاش قالتي شكونو هذا هبلو دراكم صفا ملقاو ما يديرو قتلها إبتهال مسقسيتش شكون العبد هذا قالتي شكون ندى بديتي تخلعي فيا سكتنا في زوج منبعد ضحكت قالتي مستحيل لي راني نخمم فيه صح ندى الووو الووووووو بقيت ساكتة قالتي ندىىى قتلها كريم يا إبتهال جا خطبني قالتي مستحيل مستحيل ولات تضحك وتبكي قالتي نتي مراحش ديري فيا هكا ندى صح هو بلاك خطبك خاف كشما يديرولك قتلها حتى انا خممت هكا قالتي مراحش تقبلي صح تعيشي ندى قتلها باينة هذي ولات تبكي وتعدد منبعد كوبات رميت تلفون درت الوسادة على فمي نعيط ااااااا ماماااا وينك مراحش نتزوج نموت ومش كريم منقدرش راح حبيب صحبتي .. مي الظاهر الدينا ديما تعسكنا وراح يصرا هذا الشي 💔
