تكملة 33
جابونا الغدا كلينا شوي ونضت اصلا مش وقتو كانت 11 كي كملنا نضنا هو راح يخلص وعطالي المفاتح نركب في طومبيل شوي وخرج جا ركب قالي ضك نروحو لوحد البلاصة بزاف شابة قتلو وين قالي ضك تشوفي مشا بيا تقريبا 10 دقايق وحبس عند حانوت يبيع الحجابات والجلابيب قتلو لاه قالي هيا برك هبطت ودخلنا نشوفو لاح السلام على مول الحانوت وهدر معاه الظاهر يعرفو راح لجيهة الجلابيب جبدلي واحد بلوغوا قالي شدي هذا قتلو واش دير عبدو قالي شدي حكمتو زاد مشا جاب واحد نوار حطولي انا غير نشوف فيه واش يدير زاد جاب واحد فاغ كلار قالي هذو يا حبي ليك وراح ديري جلباب رميتهم عليه قتلو منيتك ايا بعد قسامي قالو ندير جلباب مشيت وخرجت لبرا مخلايتو قعدت نستنا توال طومبيل حتى جا
الجزء 34
شفتو خرج هاز الصواشي قالي يالله ركبي كان عاقد حواجبو حتى صوتو تبدل عرفتو زعفان مي يروح يقود خصني غير الجلباب ركبت معاه قتلو عبدو ديزولي مي قالي اشش بلعي منيتك توال السيد ندى جيت نهدر قالي بلعيييي جد فمك قتلك سكتي سكتي صاي قطعيها ... مشى بطومبيل طريق كومبلي وهي يخبط في الفولو ويعيط وصلنا للدار هبطت حليت الباب جا ورايا دخل خبط الباب وراح قعد في الصالو حط وجهو بين يديه وانا نطل عليه عيطلي قالي ندىىىى طرت من بلاصتي روحت ليه قالي ارواحي هنا قتلو ديزولي على واش صرا قالي اروااااااحي روحت ليه وقف رجعت لور قتلو ولله غير ديزولي قرب مني وانا نرجع لور قالي توال السيد ندى منيتك مكيش مدايرلي قيمة اصلا حصرني مع الحيط قالي اهدري قتلو ديزولي ولله طبعتو وروحت نجري دخلت للشمبرة جا ورايا قالي اني نهدر معاك ونتي هاربة قعدت فوق السرير قتلو ديزولي ولله قرب مني وطبعني لور جيت مسطحة ديركت جا فوقي قالي واش معانها مالا هذي الجاست اااه واش ندير فيك اهدري قتلو تعيش نوض عبدو قالي ضك راني راجلك بقى يشوف معايا قرب باسني وليت نطبع فيه كي راحلي النفس ناض عليا قالي ضك رانا متزوجين شوفي انا منضغطش عليك خممي مع روحك بلي انا كأي راجل وعند حقوق هكا خرج وخلاني مشوكية عاود رجع والجلباب تلبسيه بسيف عليك خبط الباب حطيت يدي على وجهي نبكي .... فاتو يومين على هذاك الحال ميهدر معايا ما نهدر معاه جيست يوصلني نقرا ويروح والجلباب لبستو بسيف عليا ... كنت قاعدة نغسل في الماعين حتى طبطب الباب روحت نحل لقيتو عبدو كي شفتو جيت ماشية حكمني وغلق الباب باسني من شعري وحضني قالي حبي قتلو بعد مش كيما تحب نتا قالي مزلتي زعفانة يا مرتي قتلو بعد باسني من رقبتي توحشتك قتلو اممم قالي حطيلي ناكل جعت قتلو اوكي راح هو دخل للدوش غسل وجا قعد حطيتلو ياكل من واش بقى لبارح العشاء ودرت نغسل الماعين جا قعد قالي ارواحي تاكلي قتلو لا منيش حابة قالي وراسك قتلو ولله ني شبعانة كلا وهو يقصر معايا ويحكيلي كي خلص غسل يديه وقالي راح نتكى شوي قتلو اوك راح خرج وانا خلصت الماعين مسحت الكوزينة وروحت ديت كتوبي نقرا في الصالو حتى لليل هو ما ناض وانا نعست حبيت نرقد غمضت عيني بشوي حتى غفيت ... حسيت بواحد يحرك فيا كي نضت لقيت عبدو هازني قتلو عبدوو واش دير هبطني قالي وشبيك هداي دخل للشمبرة حطني فوق السرير قالي وشبيك قتلو بعد علاه تهز فيا قالي خايفة مني اممم ( بلا شرح وتفصيل صرات علاقة سطحية نورمالمو راكم فهمتو ) ..قصص إدمان سيما .. فقت على روحي طبعتو عليا قتلو واش دير بعد عقد حواجبو قالي نتي لي وشبيك هبلتي يا طفلة قتلو بعد متزديش تقرب مني ناض عليا لفيت روحي بلحاف قتلو متزيدش تقرب قالي #### كنتي ضك لاباس بيك معايا واش بدلك متخلنيش ضك نجهل على ### هبلتي اهدري نضت نجري خرجت للدوش غلقت الباب حطيت يدي على فمي يخاه قريب ضيعت روحي لبست اللحاف مليح وخرجت للصالو غلقت الباب على روحي نسمع فيه كيفاه يهدر ويسب ويخبط في البيبان ... قصص إدمان سيما .. للصباح نضت مكسرة من الرقدة تاع الفوتاي نضت شفت الساعة كانت 6 لبست اللحاف فوق لحمي وخرجت نطل حوست عليه مكاشو في شمبرة عرفتو راح يخدم مي مش عادتو موالف يوصلني علابلي زعف من الجاست هذيك مي الله غالب جامي جربت هذي الحاجة لبست قشي ووجدت الفطور فطرت سمعت صوت ميساج في تلفون روحت حليتو لقيتو عبدو قالي ضك يفوت عليك بابا يديك نتي وإبتهال دريتلو اوكي وحطيتو لبست جلبابي مع باسكات والصاك ستنيت حتى عيطلي شيخي قالي وروحنا نقراو ..... فاتو ليام نفس الروتين يتعاود عبدو من هذاك النهار زعف مني مولاش يحكي معايا شهور ومولاش يجي للدار بزاف وليت نشك نقول راه مع شي طفلة والشيطان يوسوس منبعد نستغفر ونقول انا علاه منحبوش واش دخلني فيه يجي ياكل ويرقد والصباح منلقاهش يروح يخدم بكري اما إبتهال بطلت القراية بسك كرشها كبرت كرهت حياتي كي راحت هيا قتلها مش وعدنا بعض نكملو للخر قالتي الله غالب وزعما زعما كريم قالها تتعبي وهو يخدع فيها ويقولي نحبك مام هو مزدتش تلاقيت بيه وعبدو ميخلنيش نروح لعندهم ملي تزوجت ما روحت غير هوما لي يجو مرة على مرة مام دارنا واحد ما حوس عليا وهذي الحاجة لي تقهرني ... ...
تكملة 34
