الجزء 6
فات هذاك النهار عليا جحيم صح تعبت من التخمام قاعدة نطلع ونهبط وزيد إبتهال محبتش ترد عليا انا هكاك حتى طبطب الباب قتلهم روحوووو اخطو جدي واش تحوسو عندي قالتي حلي هذا انا نضت حليت عليها دخلت وخليتها حطتلي سنيوة تاع الماكلة توالي قالتي كولي شوفي وجهك كيفاه اصفر كانت هذي اول نشوف واحد يحوس عليا بعد موت ماما شفت معاها معلابليش علاه حاسة حاجة من عادية من جيهتها قتلها هزي عليا مناكلش قالتي علاه عليك يا بنتي كولي وشبعي كرشك باه تقدري تخمي وانا قتلك القرار الصحيح صح نتي تقولي صحبتي ومحال تتزوجي بلي يحبها مي هذا هو الصح وزيد كيما قتلك فوتي الباك كي تجيبيه طلقي على روحك شفت معاها قتلها زعما قالتي ايه تربعت فوق السرير قتلها مي هو راح يخطب صحبتي محال قالتي ولله القرار بيدك ونتي لي تقدري تمنعي روحك وزيد صحبتك هذي لا جات تحبك تسمح من حقها شوي ولا تقولي ختي في باطل قتلها نتي واش تحوسي ضك انا ما نحوس والو بنتي جيست نبهتك ونتي راكي كبيرة مولات 19 ولا 20 سنة تعرفي صلاحك ناضت وحطت السنيوة توالي في السرير خلاتني نخمم في هدرتها لي دخلت في مخي مي بلخف نفضت الافكار والتوسويس تاع الشيطان محال نتزوج بكريم محال نموت ومنديرهاش قصص إدمان سيما .. هزيت تلفوني وقت صونا شفتو نميرو منعرفوش مهزيتش كي بقى يصوني هزيت قتلت الوووووو علاااااااش تبقاو تعاودو مدام مهزيتش وشنو هذي العقلية اووووو قالي واااااااااش بيك عييت نميز الصوت قتلو وشكون معايا ملخر قالي انا كريم تبكمت قتلو اا ...ااه قالي وشبيك هكا انا كريم وليد خال إبتهال قتلو واش تحوس نتا كيفاه دير هكا وينها إبتهال قالي اسمعيني ندى اسمعيني تعيشي قتلو في واش نسمعك يرحم باباك قالي بابا مقبلش انو يزوجني إبتهال محبش ووقالي تزوج بطفلة لي فضحتها بين دراهم راهم سمعو كامل وهو ناوي يخطبك وحلفلي منقدرس نكسر كلمة بابا قتلو منيتك نتزوج بحبيب صحبتي ولله ما تصرا قالي تعيشي مديريلش المشاكل معاه انا روحت ليه قتلو نخطب إبتهال مي محبش وقالي باه نخطبك نتي ولا يزوجها لعبدو منقدرش نتخيلها مع راجل غيري قتلو مراحش تسامحني إبتهال طول حياتها قالي لالا تسامحك كي يجي نهار وتفهم وعلابلي اذا قتلها ضك وصارحتها بلي زواجنا على الورق متقبلش ودير المشاكل وتوصل لحاجة خلاف قتلو كريم سيريو قالي ولله سيريو راح يزوجها لعبدو اذا متزوجتش بيك انا سكت قالي هاه واش هدرتي على جال صحبتك مديريش هكا قتلو واش ندير راك سيريو ولله ما تزيد تشوف وجهي صديقة الطفولة قالي مالا تقبلي تتزوج بعبدو خويا ولله يقتلها وهي لسانها متبري منها هو ضك يتحكم فيها كي تتزوج بيه كيفاه قتلو منقدرش قالي شوفي هذا نميرو تاعي خممي مليح في عقلك اذا قبلتي اللهم بارك على جال صحبتك اذا نو دبري راسك قتلو يسما انا نخرج الخاسرة ونتوما وراها تتزوجو اذا قبل باباك وانا نولي مطلقة سكت قالي معليش دبري راسك صحا وكوبا عليا ..قصص إدمان سيما بقيت نخمم زعما تقبل إبتهال تتزوج بهذاك عبدو عقليتو تبان صعيبة بزاف وزيد إبتهال تحب كريم مشكيتش راح تقبل بعبدو تخلطو عليا الافكار هزيت هذاك السني خبطتو في لرض وكي جاي تاع حديد دار الحس بزاف سمعت الصوت تاع العياط ودخلو عندي بابا ومرتو قالي واش درتي يا المهبولة قتلو اخطيني اخرجو من حياتي معليش تروح منيش حابة نشوف حتى واحد فيكم قالي ولله هبلتي ضك تنوضي وتهزي روحك تلمي واش طيحتي قتلو اخرج برك ضك نلمو قالي روحي ديري رايك منيش حاب نضربك مع هذا الليل برك غمضت عيني وهبطت راسي كي بدا يوجع قتلو اخرج برا روح خرج هو ومرتو خبط الباب نضت لميت نعمة ربي ستغفرت وديتها للكوزينة حطيت كلش في بلاصتو وروحت للدوش طلعت كمامي وتوضيت الصلاة راني غافلة عليها سوايع نولي نقرا ننساها كامل توضيت وروحت للشمبرة لبست عبايتي وخماري روحت جبدت السجادة من الصالو ودخلت للشمبرة حطيتها وكبرت بديت نصلي وكل ما نسجد نبكي دموعي نشفو وانا نبكي كي خلصت شهدت وسلمت هزيت يديا للسما ندعي في ربي يفرج عليا كي خلصت مسحت وجهي وبقيت نقرا ونحسب بصباعي ( الحمد لله .. سبحان الله .. الله أكبر ) طمأن قلبي بزاااف وحسيت براحة ( الا بذكر الله تطمئن القلوب)
لغدوا نضت على صوت تلفون يصوني كي هزيتو لقيتها إبتهال طرت من بلاصتي هزيت عليها قتلها حبيبتي علاه مكيش تهزي ناضت تبكي قتلها احكي واش كاين قالتي خالي حاب يزوجني بعبد المالك منيش حابة ضك كيفاه ندير انا نحب كريم وراهم حابين يزوجوه ليك زدت سمعت وتأكدت ناضت تبكي قالتي تعيشي ندى متقبليش قتلها نقولك حاجة قالتي وي حكيتلها كامل واش قالي كريم من a_z قالتي يخاه قولي ولله قتلها ولله كيما نحكيلك وسور كي انا قتلو منقبلش راح قال لخالك بلي مش حاب يتزوج بيا وقالك قرر يزوجك بعبدو قالتي هو مهوش هنا اصلا راح لبارح في ليل قتلها ضك كيفاه الحل قالتي ندى منيش حابتك تبطلي قرايتك بسبة غبائي انا لوكان مخليتكمش مع بعض مكانش خوك راه يفهم هذا الشي غالط وزيد مفهمتش علاه فات من هذيك الطريق وفي هذاك الوقت قتلها شفتي زهرنا ديما مكشوفين قالتي خلاص هدي روحك خلينا نلقاو حل ضك اذا خلاني خالي اني نجي ونحكيو قتلها اوكي وزيد ليوم منيش حابة نروح نقرا قالتي مام انا قتلها اوك صحا كوبيت عليها ونضت خرجت شفت مرت بابا في الكوزينة قالتي يادرا سمعتك تحكي قتلها ايه مع صحبتي راح تجي قالتي تفاهمتو قتلها ضك تجي وتبان روحت غلست وتوضيت صليت صلاتي وروحت نفطر ونخمم وهي توالي تهدر وتقولي نصيحة ما نصيحة حرت في الحب لي طاح عليها من جيهتي صح جامي ربحتلي العيب وفي نفس الوقت جامي نصحتني جابدة روحها للخر قالتي مالا انا نروح لختي ليوم زاد عندها طفل ونتي اقعدي هنا وها هوما الماعين عييت نغسلهم وها ليك كشما تحطي لصحبتك كي تجي والغدا راه واجد كي يجي باباك صبيلو قتلها اوكي مرسي راحت هي تبدل قشها وانا قعدت نشرب في الحليب شفتها خارجة وهازة وحد الكابة صغيرة معاها حرت واش فيها مي مدرتش البال عليها طلت عليا قالتي راني مروحة قتلها بسلامة هي خرجت وانا نضت غلست هذوك الماعين عاودت مسحت الدار وقعدت نستنى حتى عيطتلي إبتهال قالتي راني وصلت حلي الباب روحت حليت عليها تحاضنا في الباب هي تبكي وانا نبكي فرغنا قلوبنا بعدت عليها قتلها هيا ادخلي قالتي يا ندى واش راه يصرا فينا قتلها ارواحي نهدرو قالتي ضك كيفاه قتلها ولله ما علابلي دخلتها للكوزينة قالتي ندى انا من البارح نخمم وزدت صباح تاكدت قتلها لي هيا قالتي نهرب انا وكريم قتلها واااااااش قالتي ولله منقدرش نزيد دقيقة نحبو افهمي مقررين يزوجوني بهذاك الوحش تاع عبدو منقدرش هو كيف خويا وزيد معقد ومزير تعرفي ليجوندارم والعسكر قتلها ايه ولله بانلي مش مليح قالتي مي خفت عليك نتي ضك كيفاه يبطلوك من القراية قتلها هذاك هو اوموا نفوت الباك منبعد ساهل مي نتي إبتهال كاين الف حاجة خلاف وبلاكي تخممي انك تهربي معاه مدام مكيش عاقدة اذا قدرتو تتزوجو واهربو على رواحكم معيشة الذل لي رانا عايشينها قالتي يا ندى والحل وشنو قتلها معرف ولله معرف تغلق كلش في وجهنا قالتي هيا نروحو نهدرو مع عبدو يكون في الخدمة ونقولولو يقنع خالي مقدرتش نحكي معاه في تلفون بسك مغلوق قتلها نروحو وين يخدم هبلتي حبيتي يشبعك كفوف قالتي اوووف وضك كيفاه راسي تخلط قتلها معليش ربي يجيب حل ...قصص إدمان سيما ... قعدنا هكا شي ربعة سوايع وحنا نخططو ونزيدو مي مخرجنا بحتى فايدة قالتي اوووف ندى مكان والو قتلها صاي نسلمو للواقع تاعنا وخلاص قالتي مستحيل نتزوج بعبدو اسمعي شوفي عندي حكمتلي وجهي قالتي عندي حل قتلها لي هو قالتي نتي تتزوجي بعبدو وانا نتزوج بكريم طبعتها عليا قتلها واااش دخلني لاه انا ديما الضحية نتي شكون قالك روحي إبتهال ولله غير راح نهبل من مخي قعدت في لرض ساندة روحها على السرير حتى سمعنا صوت الباب كي روحت نحل لقيتها مرت بابا وبابا ومعاها ختها وحد اللفعة وحد الشبار مسمومة السم يقطر من وجها لكحل يبين قلبها كيفاه مداير دخل بابا وهوما وراه لحت السلام على ختها قالتي متسلميش قتلها راني مريضة بضرسة يوجعوني خدودي قالتي اممم معليش متاكلوش الحلوى بزاف دخلت للشمبرة لقيت أبتهال تحكي في تلفون مع كريم كي خلصت كوبات قالتي شكون جا قتلها بابا ومرتو وختها قالتي مالا انا نروح منيش حابة نقعد معاهم ونشوفهم خاصة مرت باباك قتلها اوكي صحا خرجت معاها للباب تلبس في صباطها سلمت عليها وخرجت ...قصص إدمان سيما ...روحت لشمبرتي حليت التاقة وفرزتها جبدت كتوبي لي كانو ثما وديما نحطهم هنا وبقيت نحفظ شوي حتى سمعت صوت بابا يعيط عليا ندىىىى ندىىى نضت وخرجت ليه قتلو وشبيك تعيش منيش طرشة وصلت للصالو شفت مرت بابا قاعدة وختها يتبكاو عقدت حواجبي وشبيهم هذو ثاني كي خزرت للطابلة شفت لامالات تاع الذهب محطوطة ثما ومحلولة كانت فارغة كامل زدت ستغربت كثر قالي شوفي بلا ما نهدرو اجبدي الذهب قالتي هي واش درتلك انا اااه تهدر وتبكي انا واش درتلك جامي جرحتك بكلمة اجبديلي ذهبي قتلها اسمعي نتي واش تحكي قالتي وااش نحكي ذهبي صباح كان هنا ولبارح كان هنا وشافو باباك رحت ووليت ملقيتوش ....
بقيت باهتة ومشوكية فيهم منبعد ضحكت قتلها ههه روحي تلعبي بعيد بيك براجلك بختك هزيتلها صباعي جيهة وجها وزيرت وجهي فيها بلاكي تعاودي هذي الهدرة ولا تشوفي حاجة متعجبكش عيط عليا بابا ندااااااااااااااااااا ضحكت كثر قتلو زعما واش مراكش تشوف فيا توالك بلاك حتى نتا تزيد تعاود هذي الهدرة يما ماتت مي رباتني في صغري مندناش لحاجة الناس ومنمدش يدي وهذي مرتك راهي تكذب قالتي مالا صحبتك السراقة قتلها اسمعي هنا متخلنيش نترون ضكا واحد ما دنا لقشك روحي اخطي جدي جات ختها طبعتني قالتي ولله تجيبي ضك جدو خيرمن قتلها واااش خيرمن تضربيني نشوف في بابا ساكت علابلو بلي انا مش تاع هذي الحاجة ومام إبتهال صحبتي من الصغر وعلابلو بيها قالي روحي لشمبرتك قالتو بصح هي قالي خلي نتاكد برك قتلو يسما راك تسرق فيا ولا وااااش قالي بلعيييي ومدام مدتيهش علاه راكي تهدري وطلعي وتهبطي قتلو بابااااا متزديش تعاود هذي الهدرة مرتك الكلبة هي لي تشوف وين حطت قشها وقبل ما نكمل هدرت هز يدو راح يضربني رجعت لور قتلو متزديش تهز يدك عليااااااا متزدييششششش تعاود هذي الحاجة راك تسمع قالي قسما بالله غير تتزوجي بلي جا خطبك وتقبلي بسيف عليك نتهنى من مشاكلك لي عييت منهم قتلو ولله ولله ما نتزوج وتطلع بروحي مراني متزوجها قالتو مرتو ياااا راجل شوفلي ذهبي قالي ندى اهدري وينو الذهب قتلو مهوش عندي ياك غير ضك حسيتك كنت مأمني واش صرا ولا حاب تتخلوى مع مرتك طبعني لور طحت على الطابلة تاع الزجاج تكسرت تحتي وحسيت الزجاج دخلي في رجلي عيطت بقد ما عندي ونضت نتلوى ونبكي ونعيط وهوما ولا على بالهم قالي هذي هدرة تقوليها لباباك هزني من ذراعي يكركر فيا وراه قالي ضك تتزوجي ونتهنى منك هاني تفاهمت مع كريم وليد فلان بصح قبل هذا نخليك تخمي بعقلك وتقوليلي وينو الذهب لا عندك ولا عند صحبتك لي ضك نروح نهدر مع خالها اصبري برك طبعني في الشمبرة وخلاني نتلوى من الوجع تاع رجلي نسحبت هزيت تلفون وشفت نميرو تاع لبارح لي عيطلي منو كريم ..قصص إدمان سيما ... درتو وعيطتلو صونا شوي منبعد هز قالي وي ندى قتلو اسمع نتا هنا مراحش نتزوج بيك علاه محبيتش تفهم قالي اسمحيلي ندى منقدرش نخسر إبتهال انا نعشق فيها وحتى نتي فايدة ليك تفوتي الباك تاعك قتلو شكووووون قالك خمم عليا نهدر ونتوجع يا الحيوان معندكش كرامة قتلك منتزوجش افهم قالي اسمحيلي وكوبا عليا حليت عيني نشوف في تلفون سمعت صح ولا راني غالطة وليت نعيط الله يللعنووووو عاودت شفتو كومبوزيت نميرو تاع جدة هي الوحيدة لي تقدر تعاوني في هذا الظرف ......
