الجزء 15
فاتو 3 ايام على هذاك الحال جاو خالاتي وعماتي زعما باه يحضرو ايا صرات كبيرة بيهم وتهاوشو وخالتي ضربت عمتي كسرتلها يدها وبابا حاوزهم كيما راهم مام خوتات مرت بابا المهم دارو مشكل كبير وتهاوشو خوالي مع عمومي عرفتها بلي زهري من الاول باين كيفاه قالي بابا كنت راح نديرلك عرس مي فزدوه ديري عرس في دار راجلك ولي عليا نمدلك دراهمك راح جابلي 20 مليون حطهم قالي مهما كنت قاسي ومعنديش ضمير هذو حقك وحق ذهب يماك الله يرحمها لي باعتو كي كنت محتاج ليهم خبيهم عندك واعرفي وين تحطيهم شديتهم عليه كي جمعت دراهم لي عندي لقيت روحي لامة بزاف الله يبارك خبيتهم في صندوق صغير وحطيتهم في الفاليزات تاعي لي فيهم قشي اصلا شغل عرسي مهوش عرس بلخف درناه وزاد صرا هذا المشكل تخلطت عليا كنت حاسبة حساب خلاف ووشكون يروح معايا للحفافة مهما يكون راني عروسة لازم نعدل روحي ضك مكان حتى واحد .. لغدوة نضت على صوت خالتي كي سمعتها مأمنتش تهزيت ليها حضنتها قتلها كيفاه جيتي قالتي تفاهمنا مع باباك منقدروش نخلوك في نهار كيما هكا وزيد غدوة تروحي عروسة مراكي موجدة والو قتلها خالتي راكي مسامحتني قالتي سامحت بنتي هيا نروحو للحفافة ديرلك اللازم لبست حجابي بلخف وخرجت لقيت جدة داخلة عندي حضنتها حتى هي قتلها وقتاه جيتو قالتي صباح جابنا خالك روحي مع خالتك للحفافة انا نوجدلك قشك وصوالحك اصلا علابلي مكيش فرحانة بسك عرس مش تاع صح قتلها امم قالتي ايا روحي ربي يسهل روحت انا وخالتي للحفافة سبغتلي شعري لتحت برك دراتلي نيتوياج للبشرة نقاتلي جسمي كامل من الفوق لتحت وليت نشعل زادت جبدتلي شعري تفاهمت معاها باه نجي غدوة بكري بسك دار كريم راح يديرو غدا يسما يجيو جوايه 10 يدوني منا كي جيت خارجة صونا تلفوني بنميرو منعرفوش كوبيت عليه وكملت مشيت انا وخالتي روحنا للدار الحفافة مكانتش بعيدة وصلنا قالتي ارواحي نفزرلك قشك قتلها فرزتو قالتي متعرفيش علابلي هيا روحنا جبدنا كلش من الفاليزات والتصديرة تاعي كنت شريت زوج برك بسك مش عرس كبير عندهم يعني نقدر نقول وليمة برك كي خلصت قالتي عيطي لراجلك يجي يديهم خيرمن غدوة قتلها لالا خالتي نخاف قالتي لاه تخافي قتلها غدوا نديهم معايا قالتي 3 فاليزات كبار والفراش با بنتي وين يديرهم لازم يجيب كاميو مالا قتلها ضك نعلمو هزيت تلفون عيطتلو فهمتو قالي اوكي مش مشكل ....فات هذاك النهار رقدت في حضن خالتي توحشت حضن يحن عليا حسيت روحي زربت بزاف كي قبلت بهذا الزواج وتفكرت هدرتها كي قالتي خوالك يهدرو معاه يخليك تقراي ضربت في راسي ودرت حسابي بلي لي يخرج الخاسر هو انا إبتهال ضك تتزوج وانا نطلق يربحو هوما ونخسر انا وليت نبكي غلقت فمي منيش حابة تسمع خالتي وجدة ...قصص إدمان سيما .. لغدوة نضت غسلت ولبست قشي روحت مع خالتي وصلت انا اول وحدة لقيتها هذاك وين حلت الحانوت دخلنا بدات تخدملي غسلتلي شعري سشوراتو وقصاتو شوي دراتلي كواف ساااامبل للخر وتاج ومكياج مارو فوق عيني مام الغوجلاف ودارتلي مارو مع ليكيد يلمع من الفوق كي شفت روحي مأمنتش صح المكياج يبدل ناضت خالتي تزغرت مام لي معاها ثما تشكرت الحفافة وخرجنا نخبو في وجهونا حشمة توال الناس بكيلو مكياج ...قصص إدمان سيما ... وصلت 10 لبست لاغوب بلونش تاعي وقعدت نستنى حتى صونا تلفوني لقيتو كريم قالي رانا قريب نوصلو قتلو ايه جات جداتي سلمت عليا قالتي جداتك راهي هنا وورا ما تطلقي تجي عندي ياك قتلها معليش ساهل جدة بستها وبست خالتي نضنا نبكو دخل بابا شافني كي جا يقرب بعدت قتلو عمري ما نسمحلك ولا راح نسمحلك نتا وخويا لي مجاش اصلا ومبانش شداتو مرتو على فرح ختو زوجتوني بسيف بصح متنساش ربي كاين وراه يشوف كلش تفكرها مليييح ..قصص إدمان سيما طاحو دموعي وهو خرج زدت في البكا وخالتي تمسحلي سمعت صوت الكلاكصو قلبي رجع تحت رجلي لبستني البرنوس ضحكت على روحي جامي شفت عروسة كيما انا العروسة تخرج ولافامي تاعها دايرين بيها ويماها مي انا والو !!! حبسو توال الدار دارو حالة بالبارود شفت إبتهال دخلت هي واسيا سلمو عليا واسيا تسمي وتعاود وإبتهال ناضت تبكي واسيا تقولها وشبيك جا بابا قالي يالله حكمني من يدي مي نحيتها وكملت مشيت وهو ورايا لحت البرنوس عليا درت كلش وحدي لقيت كريم توال الباب قالي عروستي وضحك نسيت همي وزدت ضحكت قتلو خسرنا هذو دراهم على تمسخيرة ولله تعيو قالي معليش معليش هيا حكمني من يدي خرجني ركبت في طومبيل انا وإبتهال اللور واسيا لقدام وكريم يسوق مي روماركيت حاجة انو عبدو خوه مكانش ...
الجزء 16
