الجزء 13
" اللعب لي راكم تلعبوه اني فايق بيه " هذي الكلام لي قالولي عبد المالك خلاني نتشوكا ومنيش حابة يفزد علينا كلش بعثت ميساج لابتهال خبرتها وقتلها زيدي تاكدي واحكي معاه قعدت فوق السرير وحطيت تلفون نخمم زعما راه يفزد ؟؟ شفت الباب تحل دخلت مرت بابا قالتي ارواحي هزي معايا وزيد واش خبرك هذاك الطفل لي اسمو عبدو قتلها نتي واش دخل جدك في السوجي هذا قالتي نخبر باباك قتلها خبري وزيدي خبري وروحي لابوليس لا حبيتي قالتي معليش ضك تبان وينكشف المستور قتلها وي كيما نكشفتي نتي وغمزتها خرجت تمشي وتهدر وحدها منبعد قالتي ارواحي فرزي معايا قتلها روحي برك بدلت قشي ومسحت مكياجي وإبتهال مزال ما ردت عليا مي زعما كيفاه عرف مفهمتش هذا العبد فايق بزاف ..قصص إدمان سيما .. انا هكاك نخمم حتى صونا تلفوني لحقني ميساج هزيتو بلخف كانت إبتهال قالتي " يخاه هو لي قالك هكا كيفاه عرف " رديتلها " كي توصلي للدار عيطيلي نتفاهمو " قالتي اوك حطيت تلفون وروحت خرجت هزيت كلش للكوزينة بلجهد غلستهم وروحت دوشت هذا وين حسيت براحة وروحت لشمبرتي هزيت تلفون لقيت إبتهال معيطة شحال من مرة عاودتلها هزت عليا بلخف قالتي الو ندى واش كاين واش صرا وشنو هذا قلتي عليه قتلها ولله كيما نحكيلك قالتي مي انا ما شرلي حتى حاجة قتلها اسمعي لازم نتنبهو قتلها ايا اوكي اسمعي انا نريح شوي قالتي شفتي واش جبنالك قتلها راه في صالو ضك نروح نشوفهم قالتي ايا اوكي منبعد ... قصص إدمان سيما .. روحت للصالو نشوف واش جابو لقيتهم توال الفوتاي هزيت الورد والسلة تاع الكوسميتيك مشفهمتش هزيتهم وجيت راح نخبيهم في شمبرتي خرجت مرت بابا قالتي مديلنا طرف صابون اسيدي تديهم كامل قتلها منبعد نمدلك ودخلت للشمبرة لحت روحي على السرير تعبت اليوم بزاف ... فاتو الايامات ورجعت نقرا عادي كل يوم نروح ليكور وزاد كريم مركانا انا وإبتهال عند بروف سبيسيال يقرينا وحدنا تعبنا بزاف نسهرو للصباح نحلو في تمارين هذيك الفترة كنت باقية غير عند بابا إسلام مزدتش دخلت دارو مام وليدو توحشتو بزاف بصح منقدرش نروح ليه واما بنسبة لعبدو مزدتش سمعت عليه ولا تواصلت معاه بسك خبرنا كريم واش قالنا وهو قالي بعدو عليه وخلينا نكملو التمثيل ... لحق النهار لي نفوتو فيه كنت خايفة بزاف ومن الخلعة نسيت واش قريت وليت للزيرو فوت هذيك السمانة انا وإبتهال نفسية زيرو خاصة انا ابتهال اوموا خدمت شوي رياضيات هي تسلك راسها مي انا التعب والضغط لي عشتو دار عليا وكنت نخلي نص الورقة فارغة زوج مواد لي خدمت فيهم وقلت بلاك يعاونوني ولي جا من عند ربي مرحبا بيه المهم تعبت وخدمت ... اليوم اخر نهار فوتنا وخرجنا العشية وإبتهال تدمع قالتي اني خايفة قتلها متخافيش نشاله نجيبوه مالغري منيش متاكدة قالتي متزيديش عليا هبطنا شرينا قرعة ما وجينا مروحين للدار كي جينا قاطعين الطريق صونا تلفون إبتهال قالتي عبدو راه يعيط قتلها لاه قالتي معرف واصلا مهوش هنا عندو شحال وهو في الخدمة قتلها هزي هزت عليه .. ااه وينك مشفتكش .. دارت من ومن .. وانا نشوف فيها فهمت من كلامها بلي راه هنا مي وين معرف .. كوبات قالتي راه كيما السوبيرات هيا نروحو يوصلنا الظاهر مشفناهش قتلها روحي وحدك منيش حابة بقات تحاول فيا قتلها لا نروح في الكار ودعتها ومشيت مروحة لاري سمعت حس كلاكصو تاع طومبيل قلت كاش كلب من هذوك لي يتبعو بطومبيلات محبيتش ندور حتى نطق قالي اطلعي يالله درت ورايا لقيتو عبدو يطل من الكارو وإبتهال قاعدة توالو شفت معاه قتلو روح تروح قالي اطلعي متخلنيش نهبط نفزد وجهك هذاك قتلو معندك ما دير كملت نمشي هو حبس وجا ورايا جيت نهرب حكمني من ذراعي دورني ليه حط يديه في زوج على كرشي حاوطني بيهم ومشاني معاه وانا نقولو اطلقني يا حيوان اطلق جدي ركبني وخبط الباب جيت نهبط حليتو عاود رجع خبطو قالي لا جيتي مرا زيدي حليه وتشوفي اركحيييي خيرمن نكففلك ضك حبست في بلاصتي وهو ركب وغلق طومبيل من الداخل وإبتهال تشوف برك وساكتة قتلو وشبيك نتا حيوان علاه بسيف نركب معاك قالي ليوم حاب نفهم حاجة والمرا فيكم تكذب ديمارا وإبتهال شافت معايا وتغمزني حسيتها خايفة من حاجة وليت نهدر ونقولو حبسني هنا وصلنا وين يبيعو لاكريم والقهوة كابوتشينو ... الخ قالنا اهبطو قتلو مقتلكش جيبني هنا قالي بلعيي اهبطي قتلو ولله مراني جايتها معاك دار ليا قالي تهبطي ولاا قتلو واااش تحوس قالي ضك تعرفي واش نحوس هبطت انا وإبتهال وهو يمشي ورانا دخلنا جا لينا وحد الجان قالو وي خويا قالو جيب زوج اكريم وزوج جي وواحد.كابوتشينو قتلو وجهك وجهك كابوتشينو قهوة تاع الغلاية ومتصلحش ليك هذاك الجان ضحك وراح وإبتهال بقات تضحك من لتحت لتحت .....
الجزء 14
