الجزء 12
كي خلصت خليت الماعين هكاك ودخلت للشمبرة عقمت الجرح شفت صوالحي ثما عرفتها بابا جابهم بديت ندير السيشوار كي خلصت درت مكياج خفيف لبست قفطاني كان غوز بذهبي وفيه عقاش ابيض بلحزام تاعو كي لبستو وليت نبان صح عروس ونبان مرا بسك انا ديجا جاية كاملة لي يشوفني يعطيني كثرمن عمري هزيت البليغة لبستها تصورت شوي وبعثت الفوطوات لابتهال في الفيس مي شفتها خلاتلي vu حرت علاه قلت بلاك مشغولة مالغري هي جامي تخليلي vu خاصة في الفيس معليش غلقتو وخرجت نعدل الصالو مهما يكون راح يجونا ناس وملازمش يلقاو الدار مش معدلة فرشتها بشهرة في bleu royal ( لزرق هذاك الفونصي ) هي اصلا دار بابا شابة وكانت طابلة تاع زجاج متوسطة الصالو مع الطابوريات الصغار تاعها والفوتايات زوج غوز في الطرف توال الباب روحت وجدت القاطو لي كمونداتو مرت بابا بقلاوة صابلي ومحنشة وجدت الجي والفاكية في سنيوة وحدهم المهم خدمت كلش بطبع حطيتهم في طابلة بسك راح نديرو في صالو ونقعدو كامل مع بعض بابا عندو f2 زوج شومبرات وحدة ليه ووحدة ليا في زوج تاع نوم مكانش وين يقعدو الوغ درنا كلش مع بعض وصاي واصلا بابا مش معقد يسما عادي ..قصص إدمان سيما .. ورا الظهر عيطتلي إبتهال قالتي رانا جايين وجدي روحك ضحكت قتلها اوك رانا نلعبو الدور مليح قالتي اواه لازم ضحكت قالتي حبيت نشوفك كيفاه جاك القفطان قتلها ياك بعثتلك قالتي ولله ما شفت قتلها اواه بعثتلك ونتي خليتيني vu قالتي ولله معرف اصبري نشوف دخلت هي للفيس تحوس وتهدر قالتي ندى وي مي الميساج تاعك راه لتحت مفهمتش كيفاه انا مقريتوش قتلها وين كان تلفونك قالتي ديما معايا وخليتو يتشرجى مقبيل في صالو اصلا واحد.ما يدنى ليه وزيد مدايرة الكود قتلها اوكي معليش المهم منبعد قالتي ايا صحا كوبات وانا قلت لبابا راهم جايين سكت روحت للصالو نعدل ونعاود زدت دخلت طيبت الحليب ودرتو في التارمو باه يبقى سخون ونلقاه منبعد واجد وحد الساعة سمعنا طومبيلات حبسو توال الباب طليت من التاقة تاعي شفتهم جاو وخوه السامط معاه وطفلة معرفتهاش مي بانتلي ختهم اسيا وكريم وباباه ويماه ويمات إبتهال وراجل خلاف معرفتش شكونو بضبط درت خماري مليح كيما العادة والعوايد (لفة خليجية ) وهبطت شوي كمام القفطان لبست البليغة وقعدت نستنى سمعت الباب كي صونا حسيت بحاجة في قلبي ووحد الستراس حلو بابا ومرتو ودخلوهم للصالو وإبتهال دخلت عندي كي شفتها نضت حضنتها قالتي يعمري راكي زلة خيرمن الفوطو قتلها شكون هذاك لي جا معاكم قالتي راجل أسيا قتلها خفت قالتي متخافيش راني معاك وزيد ياك مش صح قتلها امم مي خايفة قالتي متخافيش هاني معاك قعدنا نهدرو وانا نرجف حتى دخلت مرت بابا قالتي راهم يحوسو يشوفوك هزيت روحي بسيف ونردي على رجلي قالتي إبتهال مزلتي مريضة قتلها امم كنت صح خايفة كيما اي بنت خاصة لا كانو رجال قاعدين مع نسا كي دخلت للشمبرة قابلني عبدو قاعد ثما هذا وين ركزت معاه لابس شوميز بيضة مع سروال كلاسيك اكحل وباسكات لحت عليهم السلام وسلمت على النسا والرجال من البعيد برك وقعدت توال بابا وجات إبتهال قعدت توالي ناضو يهدرو ويقصرو ومرت بابا غير الكلام المعسل وتشكر فيا نطق الشيخ قالو المهم يا السي جينا طالبينك في بنتك وليدي غلط ودارلها مشاكل وحنا نتحملو قالو بابا لي فات مات والطفلة قالت قابلة واللي فيه الخير ربي يجيبو شربو وكلاو وخاصة ختو أسيا الديكور عجبها بزاف وحد الساعة هكاك وناضو قالك نروحو مدلي كريم دراهم وحطتلي العجوز براسلي رقيق في يدي قالتي كي اول مرة جيتي دخلتي قلبي سلمت عليهم وودعانهم كي جاو خارجين بابا خرج معاهم هو الاول وعبدو بقى اللخر قرب بلخف همسلي في وذني وبعد حليت عيني فيه تبسم نص تبسيمة وراح خرج بقيت جامدة في بلاصتي نطقت مرت بابا قالتي واش قالك وواش بينك وبينو ؟؟؟ روحت دخلت نمشي منيش حابة كاش يروح في الهوا بسبة الحيوان هذا كتبت ميساج لابتهال ............ لازم التشويق 🙂🥺
