الجزء 10
عاودت عيطتلها هزت عليا قتلها وينك قالتي اصبري شوي اني قريب نلحق كوبيت وتكيت على الحيط الرايح والجاي يشوف معايا كي دورت وجهي نشوف طومبيل تاع كريم ستغربت بسك نعرفها من بين الف طومبيل حبست عندي هبطت إبتهال جات تجري حضنتني وتبكي وتقولي توحشتك وخفت عليك قتلها لباس اني مليحة طبطبت على ظهرها بعدت قالتي وشبيك واش صرا قتلها ضك نحكو مي علاه جا كريم معاك ؟؟ قالتي حتى حنا عندنا هدرة ندى وهدرة كبيرة ولازم نديرو هذا الشي قتلها واشمن شي قالتي ارواحي طلعي قتلها منطلعش مع هذا الحيوان قالتي واش صرا بينكم قتلها والو شفت كريم هبط قالي ندى متقسحيش راسك ارواحي نهدرو مشيت جيهة طومبيل خبطت الكابو بيدي قتلو نتا بأي أساس جاي تخطب في جدي اااه واش قتلك انا راك حصلتني ولله ما تحشم يا عرة الرجال قالي ندىىى إحترمي روحك قتلو واذا محترمتش مثلا واش دير بقى يشوف فيا قالتي إبتهال ارواحي نهدرو تعيشي ولله لقينا حل هايل شفت مع كريم قالي هيا قتلو لا منروحش معاك راني مروحة مع صحبتي وخبي عليا وجهك منيش حابة نبزق عليك ضك حكمتني إبتهال تحاول فيا تقولي تعيشي اصبري هو تنهد ودخل للطومبيل حاولتني بسيف باه قبلت عاونتني نمشي وركبنا لور نشوف في كريم يخزر من المراية قالي ندى راكي فهمتي غالط قتلو اسكت عليا يرحم باباك قالي نروحو للسبيطار شوفي رجلك منبعد ساهل وديجا وشبيك قتلو بسبتك يا الحيوان قالي ندى قتلو ني ندى ني والو ديماري للسبيطار راك فكرتني مشنيا وحكيت كلش لابتهال قالتي الكلبة هذيك تاع مرت باباك ولله ما تحشم قالي كريم سي القاي دليل بلي مش نتي قتلو باينة ضك نتفاهم معاها نطقت إبتهال قالتي ندى حبيت نحكي معاك في حاجة قتلها لي هيا قالتي تفاهمنا انا وكريم ووصلنا لوحد القرار قتلها لي هو قالتي لازم تقبلي تتزوجي بكريم وراها نهربو انا وهو وبسيف عليهم يزوجونا قتلها هه كيفاه هذي منيتك وانا قالتي تطلقي باينة قتلها حابتني نطلق إبتهال حبيتي يقولو عليا مطلقة قالتي تسمحي في قرايتك اذا تسمحي ولله مش مشكل متتزوجيش براس بابا لي في قبرو غير راني خممت فيك اكثر مني حابتك تتزوجي بيه ويخليك تفوتي الباك وروحي تقراي في ولاية خلاف قتلها منيش حابة نحصل روحي في مشكل كيما هذا قالتي خذوي راي نطق كريم ندى اسمعي هذا الشي في مصلحتنا حنا 3 ووعد نخليك تقراي وديري لي تحبي سكت قالي هاه واش هدرتي اصلا تفاهمنا مع باباك يسما تقبلي الوضع باه ميجيكش صعيب قتلو معرفتش ولله مخي تخلط قالي متخافيش ضك ربي يدير تاويل نتي اقبلي برك قتلو وداركم كيفاه يولو يشوفوني قالي ما يشوفوك ما والو ديجا قتلهم انا السبة لي توشيت الطفلة وعلى هذا بابا قالي باه نتزوجك ويمعنك من داركم خاف كشما يخدمو فيك قتلو اوكي مالا قابلة خلينا نعيشو تجربة جديدة في الدنيا ضحكت إبتهال وحضنتني بلقاوي قالتي نحبك نموت عليك قتلها اممم فرحتي يا الكلبة قالتي وجدي روحك نهار الجمعة نجوك خطابة ضحكت قتلها اهيه اوااه اني نتخيل فيها قالتي متضحكيش في وجه مرت خالي برك ...قصص إدمان سيما .. وصلنا للسبيطار عاونتني إبتهال هبطنا قالنا كريم راني نستنى هنا دخلنا نقاولي الجرح دارولي اللازم وخرجنا لقينا كريم متكي على طومبيل ويهدر في تلفون ركبنا شوي وهو زاد ركب دار ليا قالي رجلك صفا قتلو ايه ودورت وجهي قالي اووف مزالك طالقة شنايفك علينا قتلو بسك نتا تعي قالتي إبتهال اودي صاي انساي وعيشي حياتك يااا ضك نفوتو الباك مع بعض راني فرحانة بزاف قتلها امم قالتي وشبيك اضحكي شوي بركا من الغمالة سكت عليها وديمارينا قتلو حبسلي هنا باه نشري كشما لبسة زعما زعما للخطبة تاعي حبسني هبطت معايا إبتهال خيرنا قفطان غوز مع بليغة تاعو بحكم رجلي مريضة منقدرش نمشي بطالو وشريت شوي مكياج كي خلصنا خرجنا هازين الصواشي وصلني كريم للدار لحت عليهم السلام وطلعت نكركر في رجلي بسيف كي وصلت للدار سمعت الحس وقيل طبطبت تحل الباب قابلتني خالتي كي شفتها دمعو عينيا وطرت ليها حضنتها هذا شحال ما شفتها وزيد نحبها هذي خالتي بزاااف عزيزة عليا ناضت تبكي حتى هي قالتي بنت ختي العزيزة توحشتك شفت جدة خرجت من الصالو روحت ليها نجري حتى هي حضنتها قالتي وشبيك علاه نعيطيلك تلفونك مغلوق يا بنتي وشبيها حالتك قتلها كون تشوفي واش راح صاري فيا خرجت مرت بابا وخوتاتها زوج مربعين يديهم ويشوفو كي اللفعات قالتي هيا ولله ما تزيدي دقيقة هنا قالتها مرت بابا وين تديها راح تتخطب الطفلة هذي الجمعة قالتها واش تتخطب نتي منيتك مزالت بنتي صغيرة قالتها متخرجش اهدري مع باباها كي يجي قالتها خالتي وشبيك نتي منيتك راكي صفا قالتها معندي ما ندير الكلمة كلمة باباها وحاجة خلاف معنديش هدرة قالتها جدة خلي نستناو يشرف السي باباها مالا كركرتني من يدي قالتي وينها شمبرتك قتلها هيا دخلنا انا وجدة وخالتي غلقت الباب ناضت تحضن فيا قالتي واش صرا احكيلي طرطقت بلبكا اصلا كنت حابة نفرغ قلبي لشي واحد بديت نحكيلها ونشكيلها حتى هي ناضت تحكي وخالتي مكانتش اقل منها قالتي يا بنتي كامل هذا الشي صاري فيك قتلها ايه ومعامن جيتي نتي قالتي راجل خالتك سكتنا قتلها جدة بصح انا قابلة نتزوج قالتي خالتي اسمعي نتي واش تهدري مزلتي صغيرة يا بنتي قتلها خالتي هذا قراري وراني كبيرة مش صغيرة قالتي ندى واش تحكي بناي نتاجك راهم يقراو جيبي الباك تاعك وروحي تقراي في الجامعة بركا من التخلاط
الجزء 11
