أنهيت كأس حبه
البارت السابع
اللهم لاتشغلنى بخلقك واشغلنى بإصلاح نفسى 🧡
*_"وانت اللطيف يالله وانا عبدك الضعيف"_*❤️🩶
صلوا ع من كان وجهه كالقمر ❤🌙
____________
بعد مــرور يومين مروا ع الجميع فمن مروا عليهم كأنهم يومين عادين ومن مر عليهم بحزن وتعب وتفكير شديد
كانت تجهز نفسها هي وفريقها لهذه المهمه وهي تخطط لها وتضربهم عليها طوال اليومين الذي مضوا
كانت تقف ف ساحه التدريب هي وفريقها وهي تجهزهم ع اتم الاستعداد
قالت هي: سما لازم تضربي اقوي اضربي
بدأت سما بالضرب ف هذه الملاكمه وتقف امامها حور
حتي اوقفتها حور وهي تقول: كده انتهيني كفايا كده نقدر نستعد للمهمه دي
حور بصوت عالي: جاهزين يا شباب
الكل: جاهزين
حور: لازم نرجع واحنا ناجحين ف المهمه دي زي كل المهمات لازم نرجع رافعين راسنا
تميم: متقلقيش ناجحين ان شاء الله
الجميع: ان شاء الله
حور: تميم.. سما.. حازم.. مروان.. رودينا.. يلا بينا مستعدين
الكل: مستعدين
حور: وانا واثقه فيكم يارجاله يلا بينا نتحرك
وبدا الجميع ف التحرك الي مكان التنفيذ حتي يدخلوا بين هؤلاء الناس ويصبحوا منهم وبعد ذلك يتفقوا ع هذه المهمه ويتم القبض عليهم
.....
ظلت تفكر ف اليومين الذي مضوا عليها وقررت انها ستنزل الجامعه وتتجاهله كما كانت تتجاهله ف البيت جهزت نفسها كالعاده وحمست نفسها ونزلت مع اختها واولاد عمها ووصلوا الي الجامعه
فنزلت من السياره متجهه الي محاضراتها التي سيشرحها هو وستكون محاضرته اول محاضره لها
دخلت الي المحاضره وذهبت وجلست ف المدرج الخاص
وبعد عده دقائق دخل هو الي المحاضره ونظر الي المدرج الخاص بها لقاها تجلس بهيئتها الذي يعشقها هو ولم تنظر له فتدايق هو وبدأ ف شرح مادته
......
انتهي الجميع من محاضرات اليوم وانتظروا رعد حتي يأتي وياخدهم الان
وبعد عده دقائق كان يقف رعد بسيارته وركب بها الجميع
جويريه: مش خير يارعد ايه التأخير دي كله
رعد: اممم كان ورايا شغل
روز: شغل
تيا: ليه حاسه ان ف حاجه كده مش مطمنه انا
رعد: احسن
رفيف: مش غريبه يارعد
رعد: ياااه رفيف اخيرا بتتكلم
رفيف: بطل رخامه ياعم ورد عليا
رعد: ياستي شغل هااا كنت ابعتلكم زين يجيبكم اصلا
روح: وليه مبعتهوش ع الاقل زين فرفوش وبيهزر معانا
رعد: لو مش عاجبك ابقي استنيه وهو يجي ياخدك يفرفشك
روح: فعلا معاك حق هبقي استناه احسن علشان يفرفشني
جويريه: خلاص ياجماعه ف ايه
رعد: ولا حاجه.. عملكم مفاجأه النهارده
رفيف بستغراب: مفاجئه ايه دي
رعد: حاجه كده هقولها للكل بليل يلا وصلنا انزلوا
جويريه: تمام متتأخرش علشان نعرف
رعد: متقلقيش هتعرفوا
ونزل الجميع وروح تتوعد بأنها مستحيل ستركب معه مره اخري بعد ذلك الكلام الذي قاله
وذهب رعد بسيارته وهو يفكر ف شئ ما وعليه الان تنفيذه
.....
خرج هو من محاضرته وهو يتوعد لها عمي فعلت معه اليومين الذي مضوا وهو كان يحاول ان يحكي معها وهي ترفض الحكي معه والان تأتي محاضرته وترحل سريعا قبل ان يمسك بها حتي يحكي معها وحين يتصل بها لم ترد علي مكالماته هي من متي ورفيفه تعمل هكذا ومتي كانت شرسه هكذا دائما تخافه وتهابه...
فخرج سريعا وهو ينوي ان يرجع الي عمله ف الشركه ويرجع الي البيت حتي يعمل لها مفاجئه لها وللجميع وهو ينوي ع تنفيذها الان ولم ينتظر اكثر حتي اذا رفض الجميع لطلبه...
كان يمشي بخطوات سريعه حتي اوقفه ذلك الشاب وهو ينده عليه
كرم: دكتور يزن
نظر له يزن وتذكر ذلك الشاب الذي خبطت به معشوقته من قبل فكان يشيط غضبا وقال ببرود عكس ما بداخله: خير ف حاجه
كرم: ايوا يادكتور كنت عاوز حضرتك ف موضوع
يزن: موضوع ايه يخص المحاضره
كرم: لاء
يزن: وقت تاني مش فاضي
كرم: استني يادكتور يخص الانسه رفيف
وقف يزن بستغراب ونظر له وقال: وانت مالك ومالها انطق عاوز ايه
كرم بتوتر: يا دكتور اهدي بس انا كنت جاي لحضرتك وشاري وعرفت ان الانسه رفيف تبقي قربتك وهي اخلاقها ماشاء الله واحترامها مع الكل هنا فكنت جاي وشاري وطالب ايد الانسه رفيف من حضرتك
كان الدم يغلي بعروقه وهو يوصف له زوجته فمسك بهذا الكرم وهو يقول بصوت عالي: نعـــــــــــــــــــــــم يا اخويا الانسه مين
كرم: ف ايه يا دكتور هو انا قولت حاجه غلط
يزن: دي انا هخليك متسواش حاجه بقا جاي وتطلب مني ايد مراتي دي انت جنيت ع نفسك انسه مين ياروح امك دي مدام يزن فاهم ولا لاء ولقمه يزن عده لقمات ف وجهه وظل يضرب به بكل عصبيته وهو يتذكر ذلك اليوم الذي خبط بها وهو يتذكر كلامه الان عنها
تجمع الجميع ع صوت صراخ يزن وضربه لهذا الشاب فتجمع الجميع وحاولوا ان ينهوا ذلك الشجار بينهم
كرم بخوف منه: انا اسف يا دكتور معرفش انها مراتك
يزن: لو قربت منها ولا لمحتك بس بتفكر هاا بتفكر هنهيك من ع وش الدنيا مراتي خط احمر وطرقه يزن ورحل خارج الجامعه وركب سيارته وساقها بكل عصبيه نحو القصر حتي ينهي ذلك الموضوع
.....
كانت تسوق سيارتها ووقفت ف اشاره المرور فكانت تنظر ف ساعتها فهي تاخرت اليوم كثيرا ع مستشفيتها الخاصه
كانت تنظر من زجاج السياره فلمحته هو نعم هو كان يسير وف يده فتاه فنزلت سريعا من سيارتها وقالت: حمزه.. حمزه
نظر لها حمزه وقرب منها وقال: انسه حياه بتعملي ايه هنا
حياه: ابدا رايحه المستشفي بس اشاره المرور وقفتني ونظره للفتاه الذي ف يده وقالت: انتي تقي صح
تقي ببتسامه: ايوا انتي حياه
حياه: ايوا بس عرفتي اسمي منين
تقي: زي ما عرفتي اسمي
ضحكت لها حياه وقالت: اممم شكلك زي اخوكي ف الطبع
حمزه: وماله اخوها بقا
حياه: لا ابدا ولا حاجه.. هو بيتكم هنا
حمزه: لا بعيد شويا
حياه: طب تعالوا هوصلكم
حمزه: متشكر احنا بنتمشي شويا
حياه: احم مجتش المستشفي تاني تشوف الجرح بتاعك
حمزه: ملوش داعي انا دكتور وعرفت اتصرف
حياه: بجد انت دكتور
حمزه: ايوا
حياه: مش باين عليك خالص انت تخصص ايه
حمزه: جراحه وقلب
حياه: وعلي كده دكتور شاطر بقا
حمزه: اممم بحب شغلي جدا وناجح فيه
حياه: طب مستشفي الحياه محتاجه دكتور شاطر زيك لو حضرتك توافق تشتغل معانا فيها
حمزه: لا شكرا لحضرتك
حياه: انا مش بعزم عليك انا بتكلم جد وطلعت من شنطتها كارت وقالت دي كارت المستشفي وانت جيت قبل كده فيها هستناك بكره الصبح يكون اول يوم ليك
حمزه بعتراض: لا اتفضلي انا بشتغل
حياه بمقاطعه: من غير نقاش يلا علشان الاشاره فتحت هستناك وطرقته ورحلت قبل ان يعترض حمزه
تقي: ليه مش عاوز تاخدها وانت ماشي تدور ع شغل
حمزه: مينفعش يا لمضه اخدها منها حتي لو بدور ع شغل
تقي: ليه حبيتها
حمزه بشرود: مينفعش ياتقي مينفعش حمزه يحب ومش دي هي لا من طريقي ولا انا من طريقها
تقي: بس حمزه دايما بيقولي ان فرق الطبقات مش بيفرق ف الحب او ف الاحترام
حمزه: لكن مش ف كل الناس ف ناس بتفرق دي وناس لاء وحتي لو مش حمزه اللي يعمل كده
تقي: حياه غير
حمزه: يلا ياشقيه نمشي مش عارف بتجيبي الكلام دي منين وانتي لسه ف العمر دي
تقي: بكره تقول تقي قالت
سكت حمزه ولم يرد عليها وكمل مشي هو وشقيقته وهو يفكر هل سيقبل شغلها ام يرفضه
.....
كان يجلس ف مكتبه بشرود يظهر عليه وعلي ملامحه لم يفيق من شروده غير ع دقات الباب فسمح بالطارق ان يدخل
دخلت السكرتيره وقالت: استاذ يونس الملف دي بعته استاذ رعد وبيقول لحضرتك ان المشروع دي اللي هيشتغل عليه انت والانسه لميس ويكون منتهي قبل شهر
يونس: لكن لميس لسه جديده ف الشغل
السكرتيره: معرفش حضرتك ممكن تسأله
اومأ لها يونس واخذ منها الملف ورحلت السكرتيره وقام هو واتجه الي مكتب والده
...
دق الباب ودخل بعد ان سمح له والده بالدخول
فدخل وقال: لميس لسه جديده ف الشغل ومتعرفش قواعده لسه ازاي انا وهي هنبدأ ع مشروع واحد
رعد: المفروض انها بتضرب مش هتفضل تضرب العمر كله هي ولا ايه
يونس: بس
رعد: مبسش انا شايف انها هتكون قدها لو مش عاوز معاها ممكن اطلب من زين او من رعد
يونس بسرعه: لاء انا اللي هبدا معاها
رعد بخبث: تمام اتمني قبل الشهر يكون المشروع دي خلص
يونس: باذن الله هيكون ع مكتبك قبل الشهر ما ينتهي بعد اذنك
وطرقه يونس ورحل
وجلس رعد يفكر ف ولده الذي لم يستسهل بسهوله
____________________
"dodo"♡
____________________
دخلت الي هذه الحاره المتهالكه وهي متنكره ع هيئه فتاه لم تتعدد الخمسه عشر سنه حتي لم تتكشف هي
كانت تراقب هذه المرأه حتي تتقرب منها وتقوم بأخذها كما تأخذ اي فتاه
ظلت تمشي خلفها بحظر حتي وقفت هذه المرأه وجلست حتي تبيع خضار وفاكهه ف هذا الشارع
فجلست حور بالقرب منها قليلا وظلت تبكي حتي تجمع لها الجميع
احدي النساء: مالك ياحبييتي بتعيطي ليه
حور بطفوليه: ماما مش لقيه ماما
حين سمعت هذه المرأه هكذا فقربت منهم وقالت: بنت اختي حبيبتي انتي كنتي فين امك يعيني بتعيط وقلقانه عليكي اوي تعالي ياحبييتي تعالي
حور: بجد انتي هتوديني لماما
المرأه: ايوا يلا تعالي
واخذتها هذه المرأه وذهبت معها حور فبرغم سن حور الا من يراها يعطيها اصغر من عمرها ولقصر طولها فمشت معها حور بسكوت وهي مغيره معالم ملامحها الي معالم طفله وتعمل شعرها ضغيرتين وتضع فيهما توكه ع هيئه دبدوب صغير كأي فتاه صغيره وتمسك بيدها بعض الحلوي والمصاصات حتي لا تنكشف
وكل هذا وبقيت فريقها يراقب ما حصل وكل واحد وواحده متفرقه عن الاخري فكانت سما ورودينا مع بعضهم البعض وحازم ومروان مع بعضهم البعض وتميم وحده وهم ينوا ع فعل هذا الشئ الذي فعلته حور حتي يوصلوا اليها وتأخذهم هذه المرأه معها ويعرفون بمكان حور حتي لا تفشل مهمتهم فنتظروا قليلا حتي ترجع هذه المرأه ويفعلوا شئ اخر وتأخذ معها سما ورودينا حتي لا يتم كشفهم ومن بعدها سيراقبها الشباب الي اين ستأخذهم
*********
خرجت من المكتب بعصبيه كبيره من كلامه معها فتجهت حتي تخرج خارج الشركه بأكملها فخبطت ف شخص ما
تمارا: اسفه مأختش بالي
سيلا: ولا يهمك..وكملت بستغراب: تمارا
تمارا: سيلا
سيلا: اممم طالعه مستعجله ليه كده
تمارا: عادي اتخنقت فقولت اروح احسن
سيلا: وياتري اتخنقتي من ايه بقا
تمارا: ولا حاجه اظن انك مش بتحبي تتعاملي معايا فملوش لازمه الكلام
سيلا: وانا مش هحب اتعامل معاكي ليه
تمارا: مش عارفه خلينا نعرف ف وقت تاني احسن بعد اذنك
وكانت سترحل فاوقفها فارس وهو يجذبها من ذراعها: تمارا استني
تمارا: اوعي يا فارس انا همشي
فارس: مفيش مشي كلنا هنكمل شغل ياسين مكنش يقصد
تمارا: يقصد او لاء انتهيني انا هفض الشغل احسن معاكم
فارس: يابنتي اهدي انتي عارفه طريقه ياسين
تمارا: مش عليا يا فارس كل مره كده وبعدي النهارده بقا انا اللي بفضيها اي حد بيتمني اني اشتغل معاه انتهيني وطرقته ورحلت
فوقف فارس بضيق من عمايل شقيقته
فقربت منه سيلا وقالت بتهكم: مش هي قالت خلاص ايه المفروض كنت تجري وراها
فارس: طب وانتي مدايقه ليه
سيلا: وانا هدايق من ايه مش انت اللي جريت وراها بردو
فارس: تمارا بنت خالي وزي اختي وبس هااا اي حاجه ف دماغك انسيها يا سيلا
سيلا: اللي ف دماغي نفس اللي ف دماغك بالظبط سلام يا فروسه
فارس بصوت عالي قبل ان ترحل هي: هتندمي لما تعرفي الحقيقه ياست سيلا ونظر لها نظره ندم ورحل هو الاخر....
♡♡♡♡♡♡♡♡♡♡♡♡
♡♡♡♡♡♡♡♡♡♡♡♡
نزلت سريعا قبل ان يرحل الي عمله فنزلت حتي تلحق به حتي تصالحه وتصلح عمي قالت له ف الامس
نزلت مهروله الي الاسفل وقالت: مالك
وقف مالك ونظر لها ببرود وقال: خير ف حاجه
رهف: احم انا اسفه ع اللي حصل امبارح
مالك: وانتي عملتي حاجه اللي قولتيه كان صح
رهف: متزعلش مني انا بجد اسفه
مالك: لا ولا حاجه اعتبري محصلش اي حاجه احنا فعلا اخوات
رهف: بس
مالك: مبسش انتي بنت عمي وانا بن عمك يعني اخوكي واختك انتي مغلطتيش بعد اذنك
وطرقها مالك ورحل
فوقفت هي شارده بعد رحيله وفرت منها دمعه هاربه مسحتها سريعا قبل ان يراها احد واتجهت تجلس وحدها كما تحب وتظبط حياتها من جديد..
ــــــــــــــــــــــــــــــــــــــــ ــــــــ ـــــــــ ـــــــــــــــــــــــــــــــــــــــــــــ
رجع الي البيت ولم يهدأ فالعصبيه كانت تأكله من كل شئ حوله ومنها ومن نفسه ومن غيرته عليها
دخل الي البيت وهو ينده بأسمها بعصبيه كبيره وهو يقول: رفــــــــــــــــيف
تجمع الجميع ع صوته وهو ينده عليها هكذا
قربت منه والدته وقالت: ف ايه يا يزن بتنادي ع رفيف كده ليه وطي صوتك
لم يرد يزن ع احد ونده مره اخري عليها وقال: رفيـــــــــــــف
روان: يزن وطي صوتك
لم يستحمل اكثر من ذلك وطلع حتي يجلبها من غرفتها وقبل ان يطلع فنزلت رفيف مسرعه وقالت: ف ايه يايزن بتزعق ليه
مسكها يزن من يدها وقال: تعالي
رفيف: يزن سيب ايدي ف ايه
لم يرد عليها يزن ومسك يدها وكان سيطلع بها خارج القصر فاوقفه صوت والده ادم وهو يدخل الي القصر وقال: سيبها يا يزن وخدها ع فين
يزن: مراتي وانا حر
رعد: من امتا وانت حر فيها سيب ايدها يا يزن واتكلم بحترام مع الكل قول هي عملت ايه
يزن: انا قادر اتصرف مع مراتي بعد اذنكم
قرب احمد منه ومسك يده وقال: سيب ايد بنتي شكلي كنت غلطان لما جوزتهالك
يزن: هاخد مراتي وهمشي ياعمي
احمد: ومين سمحلك تاخدها بقولك سيبها
يزن بعصبيه: مش هسيبها
قرب رعد الصغير منه ومسكه من ياقه قميصه وقال بعصبيه: مش قولنا سيبها ايه مفيش احترام للكبير سيب اختي
بعده يزن عنه وقال: اختك تبقي مراتي وهاخدها يعني هاخدها ابعدوا من وشي
رعد الكبير: مفيش طلوع من هنا ولو انت مفيش اصول هعلمهالك من الاول يا يزن
يزن: انا حر واحد وعاوز مراته ايه
قرب منه رعد ولقمه ف وجهه وقال: لا منتش حر متنساش مين خلاك تتجوزها وف لحظه اخليك تطلقها
يزن بعصبيه: مستحيل اطلقها مراتي وهتجوزها الفرح هيكون خلال اسبوع واللي عاجبه عاجبه اللي ميعجبش ميعجبش ودي اخر كلام عندي مش هستني لما عيل تاني يجي يقولي جوزني مراتك فاهمين رفيف ليزن رفيف اتخلقت ليا مش لغيري ولو حد وقف قدامي هنسي هو مين حتي لو مين اللي وقف قدام يزن
وطرق ايد رفيف وكان سيرحل خارج القصر بأكمله
فاوقفته جملتها وهي تقول: مين قال انك هتتجوزني يا يزن انت هتطلقني ونظرت لوالدها وقالت: انا عاوزه اطلق منه يابابا
نظر لها الجميع بصدمه وذهول مما هتفت به فتصنم هو ف وقفته مما تفوهت به فقرب منها بكل عصبيه وقال:......
_________
🖊Doaa. M. Nasr..
_________
رأئيكم اخلي يزن يطلق رفيف فعلا ولا يتجوزها غصب
رئيكم ف دي قبل ما انزل البارت اللي بعد دي وياريت يكون بسرعه
رئيكم ف رد فعل يزن
كنت هكتب حاجه اطول من كده بس بعتذر عن عدم نزول البارت امبارح ف معاده بسبب تعبي المفاجئ ومقدرتش اكمل البارت لاني كنت كتبت ربعه بالعافيه ومقدرتش اكمل فسبته
هنزلكم ف يوم بارتين مع بعض
متنسوش التصويت
والكومنت عن يزن ورفيف بكل صراحه
دمتم سالمين
💕💕💕💕💕💕💕💕💕💕💕
