أنهيت كأس حُبه
البارت الواحد والعشرون
يا مُحَمَّد إنَّ فُلانَ ابنَ فُلانٍ يُصلِّي عليكَ
صلوا ع من يشفع لنا يوم القيامه
......
كان يقف مصدوم وبشده من الذي كان يحصل امامه ولم يستوعب ماذا فعل شقيقه ف هذه الفتاه التي كانت تبكي بقوه وتزوجها غصب عنها افاق من شروده ع صوت قفل الباب فنظر لشقيقه بعصبيه وغضب وقال بصوت عالي:
ايه اللي انت عملته يا "يونس" دي بتتجوز البنت غصب عنها دي اللي احنا اتعلمنا من ابونا
نظر له "يونس" وقال:
انا كان لازم احميها من عيلتها م غصب عنها ولا حاجه
هتف "مالك" بغضب:
انت بتضحك عليا ولا ع نفسك انت عارف انت ابن مين يعني نقدر نساعدها ونحميها من اي حد ونجبلها حقها لكن مكنتش تتجوزها وبالطريقه دي ومن غير علم اهلنا
نظر له "يونس" بغضب هو الاخر وقال:
"مالك" متنساش اني اخوك الكبير وتعلي صوتك عليا انتهيني هي بقت مراتي وخلاص ومحدش من العيله هيعرف وشويا وهطلقها
سقف له "مالك" بضيق وقال:
لا برافو عليك يا محترم انت مهمكش سمعه البنت اللي جوه دي تقدر تقولي دي لو كانت "حور او حياه او روح" وحصل معاهم كده كنت هتعمل ايه لما تعرف ان اختك حد اتجوزها وطلقها وسابها من غير علم حد ابوك لو عرف هيقول يخساره تربيتي فيك يخساره عيله الجارحي
قال "يونس" بعصبيه:
لو حد عمل كده مع اخواتي انا اموتهم بايدي "لميس" غير اي حد ف اخواتي
قال "مالك" بعصبيه شديده:
عشان هي ملهاش اهل نروح احنا نعمل فيها كده انما اخواتك ليهم عيله وليهم سمعتهم صح فوق للي انت بتقوله دي حرام عليك البنت اللي جوه ولما انت عاوز تتجوزها ليه مطلبتش من بابا وكان هيجوزهالك مكنش هيرفض ابدا
زعق بصوته كله وقال بعصبيه:
"مالك" الجواز دي ع الورق وبس وكلها فتره وهطلقها وهرجعها لحياتها ومفيش حد هيعرف من العيله ولا انت هتقول لحد
نظر له "مالك" وقال بتهكم:
وانت مفكر ان "رعد الجارحي" هيعدي من تحت ايديه الموضوع دي تبقي بتحلم يمكن عارف دلوقتي كل خطوه هنا لكن ساكت يشوف نهايتك ايه واكمل بتهكم مبروك يا عريس
وابعده بعيد عنه وكان سيرحل من الشقه فلقي "لميس" تخرج من الغرفه ع صوتهم العالي فنظر لها ولوجهها الذي اصبح احمر من شده البكاء وعيونها المنفوخه فنظر لها "مالك" بحرج وقال:
انا اسف ليكي من اللي حصل من "يونس" انا هحاول معاه لما يهدي وهخليه يطلقك
نظرت له "لميس" بدموع وقالت:
مهما كان هو اخوك بلاش تتخانقوا مع بعض بسببي انا اللي اسفه ليكم ودخلت حياته من الاول
كان سيتكلم ويرد عليها ولكن اوقفه صوت "يونس" الحاد وهو يقول:
"لميس" ادخلي جووه واسكتي خالص
نظرت له وكانت ستعترض ع كلامه لكن حظرها "يونس" مره اخري وقال بصوت عالي:
سمعتي انا قولت ايه ادخلي جوووه
خافت من نبره صوته ودخلت سريعا الي الغرفه فنظر "مالك" لشقيقه بضيق وطرق الشقه بأكملها ورحل من غباء "يونس" فيظهر عليه انه يحب هذه الفتاه ولهذا السبب تزوجها ولكن شقيقه يتحجج بفكره حمايتها وهو يقدر ع حمايتها من اي مخلوق من غير زواج ولكن شقيقه لن يعترف ابدا بحبه لهذه الفتاه فتنهد بتعب وقال باصرار:
انا وراك وراك يا" يونس"لحد ما تعترف انك بتحبها وركب سيارته وقادها وهو يفكر ف الذي حصل منذ بدايه هذا اليوم
اما "يونس" حين خرج "مالك" من الشقه ظل يكسر ف كل شئ امامه بضيق ولم يعرف لماذا فعل هكذا وظل يكسر ولم يهدأ وسمع صوت بكاء عالي للميس وشقيقتها فاخذ الجاكت الخاص به ومفاتيح سيارته وهاتفه وخرج من الشقه وقفل بابها عليهم
فحضنت "لميس" شقيقتها "ورده" بخوف شديد وهي تحاول ان تهديها وتبطل ان تبكي هي الاخري
*************
انتهي الجميع من محاضرات اليوم وتجمعوا امام الجامعه ينتظروا "رعد" فهو الذي سيوصلهم اليوم الي البيت
فكانت تقف بنزعاج فقالت بتأفأف:
هو "رعد" اتأخر كده ليه انا مبقتش قادره اقف كفايه محاضرات النهارده
نظرت لها "روح" و"جويريه" بحنو فهتفت "روح" لها:
معلشي يا "روز" دلوقتي يجي يمكن الطريق زحمه بس ولا حاجه
ضحكت "جويريه" عليها وقالت:
ياختي اتلهي دي لو واحده بتولد كان زمانها ولدت
ضحكوا وعلي صوتهم فضربتها "روح" ع راسها وقالت:
اها لو اخوكي سمعك هيعمل منك عشر صوابع كفته دلوقتي
غمزت لها كلا من "روز" و"جويريه" وقالت "جويريه" لها:
دلوقتي اخويا
فهمت "روح" مقصدها فقالت:
ايوا زي ما هو اخويا انا كمان
قطع كلامهم صوت شخص ما ينده ع "روح" فنظروا الجميع خلفهم سريعا وقالت "روح" بستغراب:
حضرتك بتنادي عليا انا
نظر لها الشاب وقال:
ايوا انتي يا انسه "روح"
نظرت روح ل"جويريه "و" روز "بستغراب فنظرت للشاب وهتفت:
افندم حضرتك عاوز ايه
قال الشاب بحرج:
ممكن اتكلم معاكي ع جمب
حمحمت" جويريه" وقالت:
طب هاخد "روز" ونستناكي لان عربيه "رعد" جات اهي وطرقتها ورحلت
افأفت "روح" بغيظ منهم بانهم طرقوها وحدها مع ذلك الشاب وشتمتهم ف سرها فأفاقت من شرودها ع صوت ذلك الشاب وهو يقول:
حضرتك معايا
نظرت له "روح" وقالت:
ايوا خير ف حاجه
نظر لها الشاب وقال:
انا بعتزر اني بتكلم معاكي كده او حتي ندهت عليكي بس انا معاكي ف نفس المدرج وغبت فتره من المحاضرات بسبب ظروف والدتي وتعبها وعرفت انك بتحضري دايما ومش بتضيعي ولا محاضره فكنت محتاج منك المحاضرات لو دي مش هيزعجك
ابتسمت له "روح" بود وقالت:
لا ابدا مفيش مشكله والف سلامه ع والدتك ومدت يدها بدفترها الخاص وقالت:
دي دفتر بكره وانا جايه هجبلك بقيت المحاضرات
اخذه منها الشاب وقال:
شكرا جدا لحضرتك وانا اسف مره تانيه
ابتسمت له "روح" وقالت بحرج:
عادي ولا يهمك حصل خير..،
قطع كلامها صوت تعرفه هي جيدا يقرب منهم ويقول:
اجيب شجره واتنين ليمون
اغمضت عينيها هي بتعب من وجوده الان وقبل ان تستوعب اي شئ كان "رعد" يمسك بذلك الشخص يضربه بقوه
فتحت عينيها ع اخرهما بقوه وقربت منه حاولت ان تبعدهم عن بعضهم ولكن "رعد" كان يمسك بذلك الشخص جيدا وهو يضربه تحت تأوه الشاب من ضرب "رعد" له
قربت منه وقالت مسرعه:
"رعد" بطل جنان سيب الشاب
بعدها "رعد" عنه وقال:
لو مبعدتيش دلوقتي هتشوفي الجنان ع حق واكمل بعصبيه ابــــــــــــــــــــعدي يا"روح" وزقها بعيد عنه وظل يسدد الضربات لهذا الشاب
فبكت "روح" بقوه وهي تحاول ان تبعدهم عن بعض حتي صرخت به بقوه:
سيبه بقا ملكش دعوه بيا ولا بيه هو عملك ايه انت مجنون
سمع كلامها وكأنها طعنات تطعنه ف قلبه فأغمض عينيه بقوه فقالت هي مجددا:
هيموت ف ايدك سيبه بقا يلا نمشي
قام وقف وطرق ذلك الشاب
وقربت "روح" سريعا منه وقالت:
انت كويس
شدها "رعد" عليه قبل ان تقرب منه او تقول له اي شئ ومسك الدفتر الخاص بها الذي كانت تعطيه لذلك الشاب ومسك يدها وجرها خلفه بقوه وهي تبكي وتحاول الفرار من بين يده
فبعدت يده عنها وهي تقول:
ابعد عني بقا انت عاوز مني ايه ازاي تعمل فيه كده هو عملك ايه
نظر لها "رعد" وقال بتهكم:
ايه خايفه عليه اووي كده عاوزه تروحيله
نظرت له "روح" بصدمه وقالت:
لا انت شكلك اتجننت
ضرب" رعد "رجله ف السياره وقال:
ايوا اتجننت.. اتجننت لما شوفتك واقفه معاه باي صفه تقفي معاه وتضحكي وضحكتك من هنا لهنا ايه اللي يخليكي تتكلمي ولا تقفي معاه
صرخت" روح"؛ مثل ما هو يصرخ وقالت:
زي ما انت ادخلت من غير ما تعرف ليه روحت ضربته وبس من غير ما تفهم زي ما انا واقفه معاك انا وقفت معاه قالت هذا ف وشه وكانت سترحل فمسك يدها سريعا وكان سيضربها ع وجهها بيده الاخري فتراجع ف اخر لحظه
فنظرت له وهو يرفع يده هكذا فاغمضت عينها سريعا وهي تقابل هذا القلم الذي سينزل ع وجهها ولكن لم يضربها ففتحت عينيها بتوتر ونظرت له وقالت:
عاوز تضربني يا" رعد" اغمضت عينيها واكملت ببكاء واتراجعت ليه.. ليه مضربتش اضرب
قال لها بعصبيه:
اضربك واكسرك كمان لما تقفي مع حد كده تاني
قالت له وهي تمسح دموعها:
انت بقا ملكش دعوه انت لا اخويا ولا ابويا علشان تقولي اعمل ايه انا شايفه الصح فين محدش قالك اننا متربتش انا تربيه "رعد الجارحي" اللي ربتك بردو وكملت بتهكم يا بن عمي واخذت منه دفترها بقوه وطرقته ورحلت ركبت السياره
فوقف هو يشتم نفسه ع ما يفعل معها فهو لم يقدر يتحكم ف اعصابه امامها فهو غار عليها ولم يتحكم ف عصبيته فشد ع شعره بضيق من نفسه وحاول ان يهدأ وذهب وركب السياره وقادها من سكات
فحاولت "جويريه" ان تلطف الجو فقالت:
ف ايه يابنتي مالك ساكته ليه اوعي تقولي ان الواد دي عملك حاجه
لم ترد عليها "روح"
فقالت" روز":
بصراحه يا "روح" هو جي قبل كده وسال عليكي انا و"تيا" لما انتي مجتيش معانا وكنتي تعبانه وقولنالوا انك غايبه وهو مشي انا اسفه انا نسيت اقولك خالص الموضوع دي ومفتكرتش غير لما جي تاني
نظرت لها "روح" وقالت:
ولا يهمك عادي اي حد بينسي
نظرت لها "جويريه" وقالت:
هو كان عاوز ايه حيرتوني
قالت "روح" وهي تضع وجهها الي خارج السياره تطلع ع الناس من الخارج:
عاوز محاضرات علشان كان غايب
قالت "روز" بستغراب:
ايه دي هو يعرفك منين
قالت "روح" غير مهتميه للموضوع:
معرفش هو اعتزر انه نده عليا وطلب المحاضرات وكان غايب بسبب مرض والدته تقريبا وطلبهم وفضل يعتزر ادتهمله وكنت همشي عادي..
قاطعهم "رعد" وهو يقول:
موضوع الزفت دي يتقفل ومعدش يتفتح تاني انتوا مش صغيرين علشان كل شويا حد يجي يقول هاتي المحاضرات هو شاب كان راح طلب من شاب زيه مش يجي يطلب من واحده بعد كده اي واحده فيكم يحصل معاها حركه زي دي متلومش غير نفسها
قالت "روح" بضيق:
قصدك ايه
لم ينظر لها وقال:
قصدي انتي فهماه كويس
قالت "روح" بضيق ولم تعرف كيف نطقت:
لو كل الناس تفكرها بنفس تفكيرك يبقي تفكرهم متخلف مفيش فرق بين البنت والشاب وكله بحدود ولو بتلمح لاي حاجه فخليها ليك دي يبقي احسن ع الاقل شوف انت بتعمل ايه وبتتكلم ازاي وهو ازاي جي وطلب بحترام وفضل يعتزر اكتر من مره شوف الفرق كويس قبل ما تتكلم
كور يده بعصبيه من كلامها الذي فور دمه بأكمله وقال:
لما هو عاجبك اوي كده انزلي روحيله وشوفي كنتي هتديله ايه وياللي بتقولي كلامك مش معايا مع اخواتك ولا ابوكي ونروح نشوف رائيهم ايه ف كلامك دي
هتفت "روح" بضيق:
روح قولهم انا مش بيتلوي دراعي انا "روح رعد الجارحي" اللي عارفه تربيتها ومعدنها ايه كويس اووي وياريت نقولهم علشان بردو نقولهم ع اللي انت عملته ونشوف رائيهم ف اللي انت هببته وقف الزفته دي انا مش هركب معاك تاني
وقف "رعد" سيارته وقال:
محدش طلب منك انك تركبيها متبقيش تتنيلي تركبيها تاني
حين اوقفها نزلت "روح" من السياره بسرعه كبيره
فأغمض هو عينيه ووضعهم ع السياره
فقالت له "جويريه":
" رعد" مينفعش اللي عملته دي خالص
هتف "رعد" وهو يصرخ بها:
هتيجي تعلميني اتعامل ازاي انتي كمان
لم ترد عليه "جويريه" وسكتت
فتنهد هو بضيق وكانوا سينزلوا يلحقوا بـ"روح "فقال" رعد "لهم:
خليكم سوقي انتي وروحي وخلي السواق يبعت العربيه ع الشركه وانا هجبها واروحها اللي عملته لازم يتصلح
وطرقهم ونزل من السياره سريعا يحاول ان يلحق بها مع الم قلبه.
٭٭٭٭٭٭٭☆☆☆☆☆☆☆
دخل الشركه بخطوات واثقه من نفسه وكان سيدخل مكتبه ولكن وقعت عينيه ع" تمارا" وهي تجلس ع مكتبها وتركز بجديه ف الاوراق الذي امامها فدخل لها ولم يعرف لماذا دخل فقرب منها "ياسين" وقال:
اممم مبروك الشغل يا انسه "تمارا"
رفعت رأسها له سريعا حين سمعت صوته فنظرت له بعد ان سمعت كلماته فقالت له:
الله يبارك فيك يا ياس.... احم ف حضرتك
هتف لها "ياسين" وقال بخبث:
مبسوطه ف الشغل هنا
توترت من سؤاله وردت عليه وقالت:
امم جدااا
ضحك بتهكم وقال:
دي باين جداا بالتوفيق ليكي ف الفريق وقرب منها وقال:
بس اوعي تعملي ف الفريق دي زي ما عملتي معانا هااا ونظر لها بتهكم ورحل من امامها فأدمعت عيونها من معني كلامه ماذا يقصد بكلامه الجارح هنزلت دموعها بقوه وظلت تبكي من كلامه معها دائما
★★★★★★٭★★★★★★
نزل من عند شقيقه وبعد ان هدا وظل يلف ف جميع الشوارع بلا هدف قرر بأن سيرحل ويتجه الي شغل "رهف" حتي يتكلم معها ويجلب لها فستان خطوبتهم وفستان لفرح "رفيف" و"يزن" فتنهد بتعب وغير اتجاه طريقه الي اتجاه شغل "رهف"
وبعد نصف ساعه وصل امام عملها فوقف امام السياره فينتظر نصف ساعه وستخرج حين تنتهي من عملها
بعد نصف ساعه وهو يقف كما هو نظر ف ساعته وهذا وقت خروجها لماذا تأخرت فوقف وعدت خمس دقائق اخري وبعدها لمحها من بعيد تخرج
كانت تخرج بضيق من عملها فهذا الخبر الذي تم نشره اليوم اتعبها حين اقنعت الجميع بان ينتشر وهي التي ستتحمل اي شئ يخص شغلها فنظرت امامها واتجهت حتي تركب سيارتها فلقت ف وجهها "مالك" يقف ويسند بظهره ع سيارته ويضع يده ف جيبه ابتسمت بداخلها ع وقوفه هكذا ولكن من بعدها تذكرت انه سيخطب غيرها فتنهدت بتعب ويأس وقررت بأن تتجاهله وتركب سيارتها وترحل
فتجهت حتي تركب سيارتها كان"مالك" اسرع منها وقفل الباب قبل ان تفتحه ومسكها من يدها وقال:
مش شايفه اني واقف بستناكي من ساعتها راحه تركبي عربيتك ليه
نظرت له وقالت بضيق:
"مالك" انا م قادره لاي مناقشه ولا كلام دلوقتي ارجوك سبني اروح البيت لاني تعبانه من الشغل النهارده
قلق "مالك" عليها وقال بلهفه:
تعبانه مالك تعالي يلا هوصلك البيت بعربيتي
نظرت له وادمعت عينيها وقالت:
هو انت ليه كده انت ليه بتحاول تبين انك قلقان عليا ارجوك بقا سبني ف حالي وامشي روح شوف خطيبتك وابعد عني نهائي انت ابن عمي وانا بنت عمك وياريت متجيش تاخدني من الشغل تاني ابقي روح هات خطيبتك ونزلت دموعها ومسحتها سريعا
نظر لها " مالك" بعدم تصديق من الذي تقوله هذه المجنونه وضحك بصوته كله عليها فهي فكرت بأنه سيخطب غيرها
نظرت له "رهف" بضيق وهو يقف يضحك عليها هكذا فقالت بعصبيه:
انت واقف تضحك عليا وع كلامي طب اوعي بقا وسبني امشي
مسك "مالك" يدها وشدها خلفه وهو يقول لها بضحك:
تعالي يا مجنونه ايه الكلام اللي بتقوليه دي انا هخطب غيرك انتي عبيطه
نظرت له ببلاها وقالت بعدم فهم:
قصدك ايه م انت خطوبتك يوم التلات
نظر لها "مالك" بحب وقال:
ايوا بس ع المجنونه اللي واقفه قدامي دي
اغمضت عينها وفتحتها مره اخري وقالت:
انت قصدك ايه انت بتهزر صح
هتف "مالك" لها وهو يضحك عليها:
هخطبك انتي يا مجنونه قلبي
لم تصدق كلامه وبعدم وعي منها القت نفسها بداخل احضانه وحضنته بقوه وقالت:
قول انك بتهزر يا "مالك"
نظر لها "مالك" بغيظ وقال:
خلاص ياستي انا بهزر ورايح اخطب واحده تانيه معايا ف الشركه
خرجت من احضانه سريعا وقالت بغيظ:
تخطب مين دي يا عنيا دي انا اقتلك واشرب من دمك واقتلها ابقي فكر كده يا "مالك" تبقي تبص بره او تفكر بس هاا تفكر
ضحك "مالك" عليها وقال:
هتشربي من دمي اهون عليكي
نظرت له بغيظ وقالت:
اها لو عملت كده تهون عليا واكتر كمان
غمز لها "مالك" وقال بخبث:
بتغيري انتي هاا
قالت وهي تركب السياره:
لا مبغرش يا اخويا هغير ليه
نظر لها بغيظ شديد وقال:
طب بتركبي عربيتي ليه متنزلي واركبها
قالت بصوت ارعبه:
"مـــــــــــــــالك"
احم عيونه
واتجه سريعا وركب السياره بجانبها وقادها وقال لها:
هنروح نجيب فستان الخطوبه وكل مستلزماته وجيبي فستان لفرح "رفيف ويزن"
نظرت له "رهف" وقالت بتفكير:
هنجيب فستان الخطوبه ومستلزماته لكن فستان فرح "رفيف ويزن" هجيبه مع البنات زي ما احنا متفقين عشان ميزعلوش
نظر لها "مالك" بغيظ وقال:
يعني انا ازعل عادي
ضحكت" رهف" وقالت:
لا ابدا متزعلش وبعدين هجيب معاك واحد اهوه يعني م حرماك من حاجه هاا
ضحك عليها "مالك" وقاد سيارته بتجاه المول
☆☆☆☆☆☆☆٭☆☆☆☆☆☆☆
كانت تجلس مع البنات ف غرفتها فقالت "جويريه":
المفروض يا" روز" كان حد فيكم افتكر وقالنا ان الشاب دي عاوز "روح"
هتفت" روز" بزعل:
بجد يا "جويريه" انا نسيت خالص وكمان "تيا" مكنتش بتيجي الجامعه طول الفتره اللي فاتت دي خالص و"روح"تعبت والشاب دي من وقت ما سأل معتش سأل غير النهارده لسه
نظرت لهم"تيا" وقالت:
وانا كمان نسيت خالص احنا استغربنا ف الاول لكن مدناش الموضوع اهميه لاننا عارفين "روح"
نظرت لهم "جويريه" وقالت:
ربنا يستر من اللي هيحصل بينهم همي الاتنين و"رعد وروح"متخلفين ف عصبيتهم ومحدش فيهم بيرد ع التليفون وتنهدت بتعب فرن ف هذا الوقت هاتفها فقالت:
اكيد حد فيهم
ومسكت هاتفها سريعا لقته "زين" فستغربت فردت عليه وقالت:
خير يا "زين" ف حاجه
رد عليها "زين" وقال:
خير يابنتي ف ايه شكلك كنتي مستنيه تكلمي حد تاني
قالت له "جويريه" بهدوء:
لا ابدا بس استغربت انك بتتصل دلوقتي وانت ف الشغل
هتف "زين" وقال:
بصراحه محتاج منك خدمه
قالت بستغراب:
خير اطلب
قال "زين" بحرج:
برن ع "جومانا" مش بترد عليا خالص ومش عارف اوصلها ف ممكن تلبسي وتنزلي هاجي اخدك وتروحي ليها شقتها وتحاولي تلطفي الجو ما بينا هاا
غمضت عينيها بتعب وقالت بهدوء:
اوك يا "زين" ع ما تيجي يكون انا لبست مستنياك
فرح "زين" بموافقتها وقال لها:
تمام مسافه السكه وهكون عندك وقفل معها
فتنهدت هي بتعب فقالت لها"تيا"
رايحه فين
نظرت لهم "جويريه" وقالت:
مشوار مع "زين" ومش هتأخر وقامت حتي تجهز نفسها فتنهدوا الفتيات بتعب فهم يشعرون بحب "جويريه" لـ "زين" وهو لا يشعر بها
"" "" "" "" "" "" "" "" "" "" "
كانت تمشي ف ممر المستشفي الخاصه بها وهي ترتدي البالطو وتمسك ف يدها اوراق عمليه تتابع حالتها وكانت تذهب حتي تفحص المريض
دقت الباب ودخلت ببتسامه وقالت:
صباح الخير
رد عليها من بالغرفه فنظرت "حياه" ل"حمزه"ببتسامه وقالت:
سبقتني المره دي يا دكتور
لم ينظر لها "حمزه" وقال:
عادي انا بتابع شغلي يا دكتوره
استغربت رده عليها كثيرا وقالت:
احم تمام خلص براحتك بعد اذنك وجهز المريض عشان العمليه وتركته ورحلت واستغربت بداخلها تصرفه معها بحدود غير طبيعته معها دائما
×××××××××××××××××××
كان يجهز نفسه ف موعد طائرته الان وجهز كل شئ فاوقفه صوت صديقه يامن وهو يقول:
انت يابني كل دي بتجهز اخلص م فاضل غير حاجه بسيطه يا حضره الكابتن ع طلوع الطياره
ضحك "ريان" بقوه ونظر له وقال:
وهي الطياره هتطلع من غير الكابتن ولا ايه هتطير لوحدها
نظر له "يامن" بغيظ وقال:
طب يلا يا خفيف اخلص وبطل حب شويا
شرد "ريان" ف حبيبته الصغيره وقال:
وهو حد يقدر يبطل يحب برضو اسكت انت م فاهم حاجه
نظر له "يامن" بشرر وقال:
انت اللي بتفهم ف الحب ياض يلا من هنا ايش فهمك ف حبي انا
نظر له "ريان" بصدمه واستغراب وقال له بعدم تصديق:
ايه دي استني انت طلعت بتحب يا "يامن" من ورايا بتخوني
نظر له بشمئزاز وقال:
لو مكنتش صحبي كنت قولت حاجه تانيه عليك ياعم بطل بقا واخلص هتتأخر
نظر له "ريان" بغل وقال له:
لما ارجع لينا كلام تاني مع بعض عشان اعرف مين اللي انت بتحبها دي من ورايا هاا
وطرقه ورحل حتي لا يتأخر ع طائرته
فتنهد "يامن" وقال بداخله:
اها لما تعرف ان اللي حبيتها من عيلتك هتعمل فيا ايه يا صاحبي واغمض عينيه بتعب
___________________
كانوا يجلسون جميعا ع مائده العشاء يتعشون ف جو هادي وبسيط فنظر" فارس" للجميع وقال بتوتر:
احم بعد اذنك يا بابا انا..
نظر له "عمار" وقال:
ف ايه يا "فارس" اتكلم
نظر "فارس" لوالده ووالدته وقال بحرج اكبر:
انا عاوز اخطب
نظرت له "نوران" بفرحه وقالت بعدم تصديق:
انت بتتكلم جد يا "فارس" هتخطب
نظرت "رزان" لشقيقها وقالت بفرحه:
ياااه اخيرا هيبقي ف فرح لا وفرح اخويا كمان
ضحكت "نوران" عليها وقالت وهي تنظر لـ "فارس":
مين العروسه ياحبيبي
نظر" فارس" لشقيقه ونظر للجميع وقال بتوتر وفرحه:
"تمــــارا"
وقعت من يده المعلقه حين نطق شقيقه باسم "تمارا" ونظر له بصدمه
فقالت والدته و"رزان" بصدمه مع بعض:
ايـــــــه "تمـــــارا"
*************
اعذروني بجد ع الفتره اللي فاتت اللي انا منزلتش فيها البارت اللي فات والبارت دي جمعتلكم ف كل الشخصيات عشان تفتكروا كل حد كده وتركزوا فيها عارفه انها بتكون حاجه م لطيفه ف التأخير وكمان بتنسوا الروايه وبجد دي حصل غصب عني كانت فتره امتحانات وانا وقفت من قبلها وحتي بعد الامتحانات كنت تعبانه نفسيا ومعنديش شغف اني اكتب يمكن نزلت تلات بارتات او اتنين ومعتش نزلت بس بجد كان غصب عني وبعد ما النتيجه طلعت الواحد كان متوتر بسبب الكليه وكده والحمدالله ربنا رزقني وكرمني بكليه حلوه ربنا يجبر بخاطري بيها ويعوضني خير
وهحاول ع قد ما اقدر انزلكم علطول ومعتش هيكون ف تأخير والله اعلم محاضرات الكليه لسه هتعمل فيا ايه ف ادعولي تعدي معايا ع خير
وتفاعلوا معايا ف الروايه كده وقولولي رائيكم ف الروايه بجد بلاش الصمت اللي انتوا في دي يا جماعه
دمتم سالمين
💕💕💕💕💕💕💕💕💕💕💕
