لا تربّت علَى كتفّي انهِ مخّلوعٍ
.
.
.
.
فتحت عيونها وقابلها سقف أبيض ورائحه الأدوية وصوت الأجهزة قاطع استكشافها صوت عميق وهادي:لا تتحركين بنادي الدكتور طلعت سلاف تنادي الدكتور تشوف لو تقدر تطلع كون فيها جروح سطحية
فحص الدكتور غسق الي بدت تصحصح
وهي خايفه
سلاف مهدئه لها وهي قاعدة في الكرسي الي جنبها:لا تخافين انتي في المستشفى صار حادث بسيط الحمدلله على السلامه
غسق بعد متطمنت:وين اهلي ومين انتي؟
سلاف بهدوء: اهلك ماعرفهم وجوالك مهو معاك عشان اتصل بهم والسواق لسا مصحى عشان يدق
غسق:اهاه طيب السواق بخير
سلاف:اي بس كسرت يده لان السيارة انقلبت فيكم
غسق:طيب انتي مين؟
سلاف:سلاف
غسق:اهاه طيب عندك جوال ابي أدق على بابا يجي يطلعني
سلاف وهي تستقيم وتقول:مايحتاج انا الي بوصلك لبيتكم
الدكتور بعد مخلص فحصها:الحمدلله على السلامة وفحوصاتك سليمه ابوصف لك ادوية للجروح تاخذينها من الصيدلية وتقدرين تطلعين
وقدامك العافية يارب
مزق الدكتور الورقه بعد مكتب الوصفه ومدها لسلاف الي خذتها وطلعت بدون ولا كلمه
تنهدت غسق وهي تقول في نفسها:وشفيها ذي؟
ناظرت لدكتور الي قال:الحمدلله على السلامه مره ثانيه وعن اذنك وطلع همهمت غسق ب إرهاق
وناضرت للمغذي الي خلص استاقمت تمشي بعد موخرت المحلول من يدها مشت للباب مدت يدها بتفتحه الا وانفتح من قبل سلاف الي مدت لها عبايتها وهي تقول:خذيت الأدوية أوصفي لي بيتكم عشان اوصلك
غسق بإحراج كون سلاف هي الي تكفلت بكل شي:اسفه تعبتك معاي خل أدق على اهلي يجوني مو احسن؟
تنهدت سلاف وهي تمد الجوال لغسق الي خذته وبدت تحاول تتذكر رقم ابوها حست بخجل لان نست رقم ابوها رجعت الجوال لسلاف وعيونها للارضيه وقالت:ناسيه رقم ماما وبابا ماقدر أدق
ابتسمت سلاف للطافة البنت الي قدامها وهي تقول:مب مشكله يغسق أوصفي لي بيتكم وبأذن الله اعرفه
لبست غسق عبايتها وهي تقول:وسواقي؟
سلاف وهي تعطيها ضهرها وتمشي وتقول للي لحقتها:بعدين رضى هو الي بيجيبه
غسق وهي تمسك يد سلاف وتقول:مين رضى؟
ناظرت سلاف ليدينهم المتشابكه وابتسمت للفرق الطيف يدها كانت أكبر من يد غسق الصغيرة رجعت نضرها لقدام وهي تحشر يدها الي حاضنه يد غسق في جيب جاكيتها بعد مطلعو من المستشفى وقالت:سواقي
شهقت غسق وهي تشوف الدنيا ليل وقالت: اكيد ماما وبابا خايفينن علي شوفي صار ليلل
ناظرت سلاف لسيارتها الجايه وفيها رضى وقالت:معليك بوصلك لهم بس اول لازم اعوضك
استغربت غسق وهي تشد علي يد سلاف: على وش بتعوضيني؟
مردت عليها سلاف وركبتها السيارة ركبت بعدها وقربت من رضى وقالت له شي مسمعته غسق الي بدت توصف شكل حيهم وشكل بيتهم قال رضى لسلاف:عرفته طال عمرك
سلاف :اجل امش ولا تنسى الي قلت لك عليه
رضى:حاضر طال عمرك ومشى
خذت سلاف جوالها ومدته لغسق وهي تقول:تسلي عليه عبال منوصل
هزت غسق رأسها بنفي وهي تقول:ابي اتعرف عليك مابي الجوال
ابتسمت سلاف وهي تشوف خصلات شعرها الطويله تمردت ونزلت على جبينها مدت يدها ورجعت خصلات شعر غسق لورا اذنها وهي تقول:علميني وش الي تبين تعرفينه عني وانا بجاوبك
استحت غسق وقالت بتلعثم:انتي مين؟
ضحكت سلاف بصوت خافت وقالت:قد قلت لك انا سلاف
حمرت غسق اكثر:لا لا اقصد انتي بنت مين
تنهدت وقالت:سلاف عبدالله آل..
ناظرتها غسق وهي تقول:انا اعرف ابوك هو صديق بابا
سلاف وهي تغمض عيونها:اي
غسق:طيب تعرفيني؟ لأنك قلتي اسمي قبل وانا مقد عرفتك علي
سلاف وهي لسا على وضعها بعد توقف السيارة:قلت لسكرتيرتي تجيب لي معلومات عنك انزل يرضى وخذ الي قلت لك عليه
رضى:حاضر
مسكت سلاف جوالها وحولت الفلوس له
حولت نظرها لغسق الي قالت:ليه وقفنا حنا ماوصلنا بيتي وش نسوي هنا؟
سلاف وهي لسا تناظرها:ابي شي وبنمشي
همهمت غسق وعيونها على الشارع وقالت بصوت خافت سمعته سلاف:ليه انا متطمنه لها لذي الدرجة؟
ابتسمت سلاف ورجعت عيونها على جوالها شوي ودخل رضى السيارة ومد باقه الورد قالت:مشكور رضى
رضى:العفو طال عمرك
ناظرت غسق للورد بفضول حين مدته لها سلاف وهي تقول: اعتبريها إعتذار غسق
رجعته لسلاف وهي تقول: ماقدر احس اني كلفت عليك
سلاف وهي تقول: خذيه
غسق: مح اخذه
سكتت سلاف وهي تقول لرضى:امش
طوال الطريق كان صمت
وصلو وقبل لاتنزل مسكت سلاف يدها وعيونها عليها
وهي تقول:خذيه ولو متبينه ارميه في طريقك
غسق سكتت متعرف وش تقول مدته لها سلاف بهدوء وهي تنزل وقالت: يلا امشي
خذته غسق وهي مستحيه:مره مشكورة
ابتسمت سلاف وهي تاشر للبيت وتقول:امشي طمني امك
ابتسمت لها غسق وقربت حضنتها وباست خدها وهي تقول:ابي رقمك
ناظرتها سلاف وهي تقول:ليه؟
غسق وهي تمسك يدها: ابي اعزمك امانه لا تقولين لا
تنهدت سلاف بهدوء وهي تطلع محفضتها وطلعت كرت مكتوب عليه رقمها الشخصي ورقم شغلها ومدته لغسق الي خذته وباست خدها ومشت وهي تلوح وتقول:باي
ابتسمت سلاف وهي تناظر للي دخلت البيت ركبت السيارة ومشت
....
.
.
.
بارت محتواه غسق وسلاف
