فتحت غسق باب البيت ودخلت وشافت امها الي تبكي ركضت عند امها وهي تقول:ماما لا تبكين
شهقت امها وحضنتها وهي تبكي وتقول:وين كنتي يأمي دورنا عليك وملقيانك
حضنتها غسق بقوه وهي تقول:صار لي حادث وانا مروحة عدى ب السلامه شوفيني بخير وقدامك
بعدتها امها من حضنها وراحت تتفحصها وقالت:الله ياخذ الي صد..
قاطعتها غسق وهي تقول:استغفرالله يمه تراها ساعدتني وتكفلت فيني شوفي حتى اعطتني باقه ورد بعدين مو هذاك الزود
حضنتها امها مره ثانيه وهي تقول:الحمدلله على انك بخير ورجعتيلي دقيقه خليني أدق على ابوك يروح راح يدور بعدك
ابتسمت غسق وهي تقول:بروح ارتاح في غرفتي
طلعت خذت لها شاور ولبست بجامتها خذت جوالها وطلعت الكرت الي فيه رقم سلاف وسجلت رقم سلاف
وسجلت عليها اسمها
ترددت انها تتصل او ترسل لكن في الأخير رسلت رساله وقالت فيها:
هاي انا غسق ذا رقمي سجليه
ناظرت إرسالها الي رسلتها وقالت بينها وبين نفسها :وي وش الي هاي ذا رقمي
رجعت ناظرتها الا وسلاف فتحت الرساله وفزت لما جوالها دق ويعتليه اسم سلاف
ردت وحطته على اذنها وقالت:هاي
سلاف:اهلاً دقيت عشان اقولك ان ادويتك نسيتيها في السيارة
غسق:اوه صح توني أتذكرها
سلاف:اجل برسلها مع السواق هاه عساك طيبه الحين؟
غسق وهي تلعب بخصلة من شعرها وتعض شفتها:مشكورة تعبتك معي وانا كويسه الحمدلله
سلاف بصوت ثقيل:لا ابد لا تعب ولاشي كويس اجل استأذنك عندي شغل والسواق في الطريق
غسق:اوكيه باي
قفلت غسق ورمت الجوال على السرير وتاففت وهي تقول:شفيه صوتها يخقق كذا رجعت خذت جوالها وارسلت لقروب صحباتها ان بكره بتغيب وقفلته وخلته جنبها ودق الباب الا وابوها يدخل وهي يقرب منها ويحضنها ويقول:بسم الله عليك ياعيون ابوك صار لك شي انتي طيبه؟
ابتسمت غسق وهي تشد عليه وتقول:اي بابا انا بخير شوي كدمات سطحية
بعدها وقال:من يوم ورايح انا بوصلك تمام يبابا؟
غسق هزت رأسها وقالت:تمام بابا
رد ابوها وهو يقول:الي صدمك هو نفسه الي وصلك صح؟
غسق:اي وترا بنت وتأسفت وهو السواق حقنا غلط
قاطعتها صوت الأشعار خذت جوالها لقت سلاف مرسله لها تقول ان رضى برا
غسق وهي تلف لأبوها:بابا عادي تاخذ ادويتي من الرجال الي برا
ناظر فيها ابوها وهو يقول:مين هو؟
غسق:سواق البنت الي صدمتني نسيت ادويتي في سيارتها
باسها ابوها على جبينها وهو يقول:تمام يانظر عيني انتي نامي وارتاحي امك تعبانه ونامت
ابتسمت بهدوء وهي تهز رأسها طلع ابوها من الغرفه وقفل الباب وراه
انسدحت وردت على سلاف وهي تقول:مشكوره مقصرتي
قفلت جوالها ونامت
...
.
.
..
انتهاء....
