كِل المَراسيّل أنتَ مَقصِدهَا وصَاحِبها .
.
.
.
.
.
.
.
صحت غسق على صوت امها وهي تقول:
بتداومين يماما
ردت غسق بصوت ناعم وهي تحشر وجهها في المخدة:
لا ماما مقدرت بنام
قربت امها ولحفتها وقالت: تمام نوم العوافي
طلعت وقفلت الباب وراها رجعت غسق تحاول تنام بس مقدرت فتحت جوالها ولقت إشعارات من صديقاتها وبينهم ترف تقول:ليه تكفين داومي
ردت عليها روف:شكلها نامت عشان كذا معليكم الحين وين ريم مختفيه؟
ردت عليها دانيا:اكيد عند جوان الحين غرقانه ب العسل😉
ترف:ليه احس نيتك وسخه؟
روف بدفاع عن حبيبتها:هيه ترا انتي الي فكرتي كذا هي قصدها بريئ
دانيا:روفيي أحبك
روف:وانا بعد حبيبتي
ترف:يععع اذلفي بس بروح انام
ضحكت غسق على خوياتها
وناظرت لساعه لقت انه تو بدري فكرت انها تداوم بس ان الكدمات تعورها ارجعت انسدحت وقالت بينها وبين نفسها:متى اعزمها احس مره ثقلت عليها
رجعت خذت جوالها وكتبت في القروب:بنات تعالو عندي اليل بقول لكم شي ضروري وليه غبت قفلت جوالها وقامت للحمام
.
.
.
صحت أرم من نومها ودخلت الحمام اغتسلت وخلصت ناظرت لساعه لقتها 7:56 تكلمت ب أستغراب:غريبه سلاف لسا مصحتني
طلعت ونزلت لدور السفلي ولقتها نايمه على الكنب ب أهمال وسترتها فوق وجهها والأوراق مبعثرة فوق الطاولة تنهدت أرم وعدلت نومتها وجابت لحاف ولحفتها وقفها صوتها العميق وهي تقول:الساعه كم؟
ردت ارم؛8 لسا بدري نامي اليوم انا بروح اشيك على الشركه
سلاف وهي تقعد وتحرك رقبتها ب ألم من نومتها الغلط:
لا انا بروح عندي شغل مهم
أرم:طيب تمام ليه نمتي هنا؟
سلاف بعد معطتها ضهرها وبصوت ثقيل:كنت اشتغل وغفيت سوي لي قهوة
أرم:تمام
مشت سلاف لغرفتها اغتسلت وطلعت والمنشفة محاوطتها وشعرها القصير يقطر وينزل لرقبتها الطويلة
ناظرت نفسها في المراية بأنزعاج لشعرها الي بدأ يطول ووصل لتحت اذنها
فسخت المنشه ونشفت شعرها ورمتها ب إهمال على السرير
ومشت لغرفه الملابس لبست بدلتها البنية لبست ساعتها واختارت خواتم بسيطه وكعب كلاسيك اسود جلد وعبايتها البنيه
رجعت لغرفتها وناظرت للهالات الي تحت عيونها خذت كونسيلر واخفتها عطت شفاتها البردة شوي من الحمره وتعطرت خذت جوالها واغراضها الباقيه نزلت لتحت تشوف اختها جهزت لها فطور خفيف مع القهوة خذت قهوتها وهي تقول:بكتفي ب القهوة شكراً
خزتها أرم وقالت:اقل شي قدري تعبي
تجاهلتها وخلت كوب القهوة على الطاولة بعد مخلصتة ومشت برا البيت لقت رضى متكي على السيارة لما شافتها استقام بسرعه وهو يقول: صباح الخير طال عمرك
سلاف وهي تناظر له:صباح النور رضى اتمنى انك أتممت مقالت لك عليه
انحنى ووهو يفتح باب السيارة لها:اي طال عمرك الملف داخل
دخلت وقالت له بعد مدخل وشغل السيارة:صرعت راسي بطال عمرك ذي لعاد تقولها واعطني الملف
مده لها وهو يقول:لكن..
قاطعته وهو تاخذ الملف مخشونه وبنبرة حادة قالت:
معندي لكن يرضى امشٍ لشركة
نزلت نظرها للملف ووقع على الأسم
: محمد بن ضيف الله
ضحكت بسخرية وهي تشعل سجارتها وقالت:والله ولقيتك يمحمد
.
.
.
.
.
.
..
إنتهى
