فلا هْوى بعَد هواك يُهتَوى .
.
.
.
.
.
.
.
.
بعد فترة.
صحت سلاف من النوم و لفت على وجد الي قاعده تطقطق على الجوال مددت جسمها بكسل وهي تقول بصوت عميق: كم الساعه؟
وجد:4:11 الفجر
ناظرت لها بحاجب مرفوع وهي تشغل الضوء:وش مصحيك هالوقت؟
رفعت وجد كتوفها وقالت وهي لسا على الجوال:شبعت نوم وبعد جوعانه ترا طلبت الحين لي ولك على أساس لما تصحين تاكلين كويس صحيتي الحين
خذت سلاف التيشرت الي كان جنبها ولبسته ومشت للحمام خلصت وطلعت من الغرفه سوت لها ول وجد قهوة ورجعت دخلت وهي تحطهم على على الطاولة وهي تقعد على الكنبة وقالت بهدوء:تعالي اشربي معي قهوة وبعلمك بشي
قامت وجد وقالت وهي تتوجه للحمام:صبر اغسل وجهي واسناني وجيك
دق جرس البيت وقالت وجد بصوت عالي من الحمام:خذي الاكل وادفعي مابتاكلين مجاني
قلبت سلاف عيونها وهي تحط كأس قهوتها الفارغ على الطاولة خذت البطاقه وطلعت من الغرفه وهي تتوجه للباب خذت طرحه عبايتها الي كانت على الكنب وخلتها على شعرها بدون عبايه فتحت الباب وخذت الاكل ودفعت من ورا الباب قفلت الباب وهي تمشي لصاله وشافت وجد الي كاتمه الضحكه وهي تناظر لها
رفعت سلاف حواجبها وهي تخز وجد الي ضحكت بصوت عالي وهي تقول: شكلك يضحك وانتي مطلعه راسك وجسمك ورا الباب
حطت الاكل على الطاولة وهي توخر الطرحه وترميها
قالت بهدوء وهي تقعد:جيبي جوالي
همهمت وجد ولسا تضحك وهي تروح للغرفه خذت جوال سلاف وطلعت وهي تمده لها وتقول:جدك يدق هالوقت؟
ردت سلاف على جدها وعلى ثغرها ابتسامه خبيثه:ايوه؟
جدها وصوته مهزوز:انتي قتلتيه صح؟
تصنعت سلاف الاستغراب وهي تقول:قتلت مين بسم الله متصل علي من صباح الله خير عشان تقول كذا؟
جدها وواضحه الضيم والقهر بصوته:انا عارف انه انتي لكن لو تبين تجين تعزين تعالي هو عمك في الاخير
سلاف بهدوء وهي تناظر لوجد الي تناظر لها بقلق:مين مات طيب عقبالهم كلهم يارب؟
قفل جدها بدون لا يتكلم رمت الجوال على الكنبة بدون إهتمام وهي تاكل ناظرت لوجد الي قالت:بسم الله مين مات؟
بلعت سلاف القمه وهي تشرب من العصر الغازي:ابنه المدلل يزن
ناظرت لها وجد بشك وهي تقول:انتي صح؟
سلاف بهدوء:وش الي انا ربي يبي ياخذ عمره انا وش دخلني؟
رفعت وجد الاكل لفمها وهي تاخذ لقمه وقالت وهي تمضغ:والله ان انتي ورا هالموضوع
تقرفت سلاف وهي تقول بقرف:يع ابلعي بعدين تكلمي!!
تجاهلتها وجد وانشغلت مع أكلها
وسلاف بعد
.
.
.
.
.
.
دخلت بيت جدها وهي لابسة بدلة رسمية سوداء مع عباية نفس ألون دخلت لصاله حق الحريم ولقت حواء وغسق الي كانت تكلم على جنب ومانتبهت لها شمقت لجدتها الي كانت تناظر لها بحقد وهي تبكي وقالت بصوت مسموع هز قلب غسق الي توها تشوفها:البقية بعمركم وين جدي؟
قامت امها لها وهي تمسكها من كتفها وتقول:عيب عليك جدتك محروقه على ولدها وانتي جاية كاشخه عيب!
ناظرت لها سلاف ببراءة مصطنعه وهي توخر يد امها من على كتفها: افاا ييمه ذا وانا لابسة اسود عشانها!!
تكلمت امها مره ثانيه:جدك في المجلس الي جنب ذا
اعطتها سلاف ضهرها وهي تمشي وقفت وهي تشوف غسق الي كانت تناظر لها غمزت لها سلاف وهي تأشر براسها لبرا
ومشت لحقتها غسق وهي تحط الشال الأسود على شعرها لقتها متكية على الجدار استقامت وهي تسحب غسق لحظنها بقوة بادلتها غسق وهي تحط رأسها على صدر سلاف الي باست شعرها وهي ترفع راسها وتبوس خدها وعيونها لاعبت انفها بانف غسق وقالت بصوت عميق وخدر:وحشتني
ابتسمت غسق بقوة وهي تبوس شفايف سلاف بسرعه وتبعد وتحط وجهها بحيئ في رقبة سلاف الي ضحكت وقالت: انا بعد
ضلو على حالهم شوي ورفعت غسق وجهها ل سلاف الي كانت تتاملها بهدوء وهُيام قالت غسق:وش بتسوين في بابا؟ بعدت سلاف خصله من خصل شعرها وباست شفتها وهي تبعد عن غسق وتتوجه لجدها بدون متقول شي
.
.
.
.
.
.
بعدت ترف عن حضن وجد الي نايمه وقامت وتوجهت للمطبخ عشان تسوي لهم اكل
طلعت المكونات وبدت تطبخ شوي وحست بوجد تحضنها من ورا وتبوس رقبتها وهي تحط وجهها هناك وتحظن خصرها بقوة وتقول:مايحتاج يعمري تتعبين يدينك كنت انا سويت او نطلع ناكل في مطعم
ابتسمت ترف وهي تحط يدينها على يدين وجد الي محاوطتها وقالت بنبرة ناعمه:كنت ابي اذوقك طبخي
ابتسمت وجد وهي تلفها لها وتشفها بهدوء وهي تشيلها بحضنها وتحطها على على الكرسي الموجود وهي تبعد وتقول:اجل انتي بديتي وانا بخلص يعني انتي طبختي
مشت وجد تخلص الطبخ وهي تسولف مع ترف الي كانت تتأمل وجد بحب كبيرر
.
.
.
.
.
.
طلعت إيثار من الكلاس وهي متوجهه لمكتب مشاعل وقالت بينها وبين نفسها:يعع وش تبي مني هاذي الكريهه
دقت الباب وسمعت صوت مشاعل وهي تقول:تفضل
دخلت إيثار وهي تقول:طلبتيني دكتورة؟
مشاعل وهي عيونها على الأوراق الي بيدها:اي بخصوص هواشك مع وحدة من البنات قالت لي نهَال انك انتي بديتي؟
غمضت إيثار عيونها بفشلة وقالت بصوت خافت بقهر:انا اوريك ي الكلبهه
رفعت مشاعل حواجبها وقالت وهي تعقد يدينها سوا على المكتب:قلتي شي؟
نفت إيثار وهي تحاول تهدي نفسها وقالت بصوت بارد وواثق:هي بدت وكانت تستاهل الي جاها وبعدين اصلا كنا برا الجامعه ف ملها حق انها تشتكي
همهمت مشاعل بهدوء وقالت :يعني تهاوشتي معاها؟
إيثار وهي تبتسم بجانبية:اي تهاوشت معاها
رجعت مشاعل عيونها على الأوراق وهي تقول:اجل روحي وانا بدق على امك اعلمها خليها هي تحاسبك
شمقت إيثار وهي تصد وتطلع وهي تسب بعصبية
.
.
.
.
.
رفعت ريم وجهها للي كانت تتأملها بهدوء قالت بسخرية وهي تأشر على الاكل الي على الطاولة:الاكل هنا مو في وجهي ي أرم
ابتسمت أرم بهدوء وهي تبعد عيونها من على ريم المتوترة بدت تاكل بهدوء بينما ريم قالت مره ثانية ب تساؤل: ليه عزمتيني؟
بلعت أرم الاكل وقالت بهدوء:لاني أبي؟
عقدت ريم حواجبها وقالت بنرفزة:هاذا مو جواب
رفعت أرم عيونها وقالت بهدوء:بنسبة لي جواب!
شمقت ريم في وجهها وهي تكمل أكلها بنرفزة متجاهلة الي ابتسمت بتوسع
.
.
.
.
.
.
.
تاففت روف بضجر من جرس البيت الي يدق وقامت تفتح قابلها شكل دانيا المبعثر وعيونها المحمرة من البكي عقدت حواجبها بقلق وهي تمسك وجهها بيدينها وهي تقول:يمهه دانيا شفيك؟
قالت دانيا وهي تبكي:ولاشي بس اشتقت لك والله
ناظرت لها روف بعصبية وقالت:تبكين هالكثر بس لأنك اشتقتي لي ؟لا ماظن فيك شي علميني؟
حضنتها دانيا وهي لسا تبكي تنهدت روف بتعب وهي تضمها لها اكثرر رفعت دانيا رأسها لها وهي تقول:انا اسفه روفي انا اسفه لكن وربي مهو بيدي
دخلتها روف البيت وقعدتها في الصاله وراحت للمطبخ جابت لها عصير برتقال وموية وعطتها الا انها رفضت واكتفت بانها تحضن روف كانت روف تربت على ضهرها وتلعب بشعرها عشان تهدئ حست ب أنفاسها الهادئة وعرفت انها نامت شالتها ودخلتها الغرفه وحطتها على السرير وخرت جزمتها وعابيتها وخلتها في حضنها وهي تلحفها تنهدت بتعب وغمضت عيونها ونامت
.
.
.
.
.
إنتهى
1000 كلمه
