⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍"
قالَ.لاتخافا.انني.معكما.اسمعُ.وارى ..
· · • • • ✤ • • • · ·
فتحت الباب جانت بزونه سوده واكفه بالباب تنظرلي بنظرات تخوووف.
رجعت خطوات ليورا بسرعه عثرت رجلي وكعت من طولي واني اباوعلها بخوف دخلت للبيت تباوعلي عيونها يجدحن.
رغم الدنيا صبح والشمس طالعه حسيت الدنيا ظلمت بعيني وغوشن عيووني حيييل
تسارعت دكات گلبي ماعرف شديصير زحفت ليورا واني علئ الارض كل مارجع ليورا البزون تتقدم نحوي.
_بشش روحي روووحي اطلعييي ولج روووحي مناااا اطلعييي بششش اطلعيييي
فتحت حلكها طلعن سنونها طوال يخوفن مثل سنوان هذاك الكان الشفته بغرفتي صرخت خليت ايدي علئ حلكي ابچي وارجف.
كمت واني كل ذره بجسمي ترجف خوف لزمت الماسحه واني دموعي تنزل وايدي ترجف اريدها تخاف وتشرد بس ماكوو فائده واكفه بثبات وتباوعلي بتركيز.
_روووحي والله اضربج رووووحي.
وكعت من ايدي الماسحه من نطقت البزونه وكالت اسمي
قطووف "
ركضت بسرعه طلعت من البيت بكل سرعتي ماكدر ابقه دقيقه بعد أذا ابقه اتخبل اموت والله اموت مستحيل أي بشر يشوف الي اشوفه واسمعه وطلعت كلش قووويه وتحملت كل هل امور.
رحت اركض علئ بيت خاله سعاد بس هيه تكدر تحميني وتبقيني يمهاا بس بيتها بعيد حيل عليه.
اركض واتلفت وراي خاف لحكتني حته باب بيتنه بقه مفتوح ركضت لبيت خالة سعاد بعدني علئ الشارع مواصلتها اركض بدون وعي
ماحس لٱ علئ سياره اجت باتجاهي تمشي بسرعه صارر يدك هوورن بقوه اني وكفت مصدومه لزم برريك بسرررعه بس ماكوو فائده ضربتني السياره شالتني من الارض للسماء وركعتني بالارض.
