⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍
يقول : ليت العمر مسجد والايام ركعات
وياليتني لاتبت ما أعيد ذنبي
مهما تجرب من شعور الملذات
مافيه اجمل من شعور المصلي.
· · • • • ✤ • • • · ·
درت وجهي جانت بزونه سوده داخله للمطبخ انرعبت كلش من شفتهاا اخاف حيل صرت من البزازين
رجعت خطوات ليورا واني عيوني انملت دموع وگلبي صاار ينعز بيه ويوجعني حيييل. بقيت اباوع حواليه شلون اخليها تخاف وتطلع شفت سجينه
لزمت السجينه واني ارجف رفعتها كدامها وحجيت بغصه وخنكه
_روووحي روووحي عني لاتجيني اقتلج والله رووووحي عووووفيني بحاااالي عووووفيني شترديييين من عنددديييي اطلعيييي بششش اطلعي.
بقيت اصيح وابجي حيل اخترعت من شفت البزونه هيه واكفه وتنظرلي بصمت فتحت حلكها يمه سنونها طوال مثل الجن الي اشوفه كل مره.
خليت ايدي علئ حلكي واني خايفه وابجي رجليه احسهن ماتن.
تقدمت نحوي وهيه ناويه تأذيني سنونها طالعتهن
طلعت من المطبخ اركض لأن بابه علئ الطرمه ركضت للطرمه فتحت الباب وماكدرت اطلع لابسه دشداشه نص ردن لأن صيف وحاره واني كله بالبيت ماطلع ابدد درت وجهي اباوع وراي واكفه باب المطبخ
ماتتحرك ماكدر اركض بالشارع واني بهل دشداشه ولاكدر ابقه بالبيت اخاف منهااا تأذيني تليفوني بقه جوه شسوووي هسه شسوي.
صارت تتقدم نحوي وتمشي بهدوء رجعت خطوات ليورا
ماحس ألا ارتدمت بشخص درت وجهي اني دموعي تارسه عيوني جان رائد مستغرب من حالتي لزمني من كتافي بقوه وباوعلي وهوه فاتح عيونه.
رائد : شصاار سوالج شيء احجيييي شبيج ليش تبجييين شصار
ماعرفت شنوو يقصد بكلامه بس حسيت بالامان من شفت شخص اجاني بچيت بصوت مسموع ودنكت راسي واني اشهك مثل الطفل الصغير.
نزع الجاكيت مالته خلاه علئ كتافي غطاني بيه لزمني من ايدي ودخلني للبيت تستغربت وين راحت البزونه هستوها جانت هنا وتفتر وراي وين اختفت؟
رائد : كافي بچي اهدي و فهميني شصار ليش هل دموع كلها شصار وياج
_هوه هنا دخلت عليه هنا هناا.
رائد :ءءأ منو دخل شصار منو جان يمج ؟
_بزونه هنا اجتني تريد تأذيني متعوفني وحدي دائماً تجيني دائماً متعوفني هيه دائماً تجيني والله خايفه مادري وين راحت هسه مادري
