⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍"
مابيك ذرة من الوفى گلبك ولا مرة صفئ
لهنا بعد كُل شي انتهى. خليني وحدي بحالي .."
◎❵══─━━──═∞═──━━─══❴◎
سرئ "
اخذت اليل كله افكر بقطوف الصبح اول ماگعدت اتصلت عليها جهازها مغلق.
اتصلت علئ رائد يتصل عنده وميجاوب حرت شسوي ومنوو اسأل عنهاا هسه اخاف اتصل علئ بنات سعاد وهنه ميدرن بشي وتطش السالفه واني ممتاكده منهاا.
تركيت وكاعده بالصاله احاول اتصل علئ قطوف بلكي جهازها انفتح ماكوو
ثريا : ها شدسوين
_اتصل علئ قطوف جهازها مغلق
ثريا : يمكن مشغوله تدرين عدهم عالم لبارحه اكيد البيت هسه مكلوب كلاب وجاي تنظف
_والله مادري.
ثريا : اني راح اروح الحگ عمه تجين وياي لوو تبقين
_لا مابيه حيل امشي والله رجليه مكسرات من لبارحه عود العصر اروح وياها
ثريا : تمام براحتج
راحت ثريا ورا عمتي بقيت اني وحدي بالبيت صارت ساعه بـ 11 اتصل جهازي جان ضياء سحبت نفس قوي وجاوبته
_خير
ضياء : صباح الخير يا احلئ واجمل بنيه
_هاي عليه خاف متوهم؟
ضياء : طلع صدك وجهج خير وبركه
_اي شعبالك لعد گول شعندك ليوم فرحان وتتغزل وتمدح بيه اكيد عندك مصلحه وتريدني اسويها
ضياء : مصلحه؟ لا يابه بعد خلص وقت المصالح خلص كل الشغل بدون ما نتعب
_مافتهمت شقصدك
ضياء : قطوف ورائد راح يطلكون
_نعم؟ ؟؟
ضياء : مثل ماسمعتي
_تحچي صدك لوو تشاقه شنوو يطلكون شصار فهمني وين قطوف هسه شسويتولها
